衝出香港之旅~
-
時8月x-y日, 天台造美. 大致天晴~
地
茶會時 kky 同dr. 都話同上次間屋一樣, 好豪華好正, 有私家泳池~~ 聽到都心動~ DR. 說上次的相亦upload 到forum, 可以睇下, 但係到出發前我都冇睇過d相, 所以我坐車去酒店既時候, 一直都好期待.
終於係轉左好多個灣之後, 但車程只是45 分鐘左右, 就來到了酒店範圍, 例牌在大招牌下有一條長長的林陰大道, 讓你興奮的心情升溫~
車路有清晰的箭咀指示行車方向, 最重要是每架車都乖乖地在適當的車線上行駛, 環境清潔綠化, 一點殘舊破落感也沒有. 一問之下原來酒店已經營了3, 4 年, 看來是間經營有道的酒店呢~
酒店大堂等dr. check-in, 之後就坐 golf car 去我地既大屋了~ golf car 後排倒轉的座位是我最喜歡的, 風在耳朵後邊輕輕吹過, 周圍的東西慢慢向後退, 很有趣~
最後, golf car 停在一排豪宅前的其中一個門口, 這就是我們的大屋了~~~ 萬分期待, dr. 才慢條斯理地拿出鎖匙卡開門, 真可惡! 但一入屋就不得了~~~ 好大的一間3房大屋~ 我好像未見過世面的小朋友, 樓上樓下, 裡裡外外的跑了一遍, 喔~ 實在太正了~ 一間房都大過我屋企, 還有可以睡一家人的大床, 浸浴淋浴任君選擇~ 還有連著屋的, 有兩條魚在噴水的私人泳池, 出面還有花園, 出面還有很大的湖, 再出面還有高山藍天~ 這才是人住的地方!!!人
Kky, 媽媽風格~ 很細心, 當大部人掛住玩既時候, 永遠都有kky 幫大家執頭執尾. 外表斯文, 但其實很勇敢, 不時提醒男孩子跳水要小心不要撞爆頭, 轉頭成為第一個同唯一一個跳水的女孩子~ 你的跳姿真的很攪笑啊~
阿喬, 可愛風~ 說話語氣同表情都非常可愛~ 經常電話不離手, 唔知玩緊d 咩得意既game呢? 離開網絡世界, 唔知你生唔生存到呢?
Wing, 親切型~ 雖然帶病出遊, 但係都很投入, 總會主動地和我傾計, 讓我覺得自己還不是太out group~ 還會帶備各種有趣的工具去旅行, 例如八爪魚差電~成為一時佳話, 大家有機會要問wing 借來看看~
Candy, 型格~ 外表cool cool 的, 感覺很有個性, 但這只是外表, 實際上是水疍生產線的總隊長,由頭到尾都留守大後方趕製彈藥俾前線開戰, 好像在旁邊看已經很開心, 其實一齊參戰更加好玩, 下次要上前線啊~ 還有耍盲雞時堅守枱底都好攪笑~
Dr., 白海豚型大隊長~ 每個環節都安排得很好, 對攪好sbc 有心有力, 感激! (為表謝意, 我都好努力咁打哩個動後感~)
Max, 玩樂型~ 一如以往的喜歡玩, 永遠玩都係第一名, 食野都係第一名~ 希望曬到一身均勻的膚色, 可惜太陽唔夠猛. 以為對你很熟悉, 但係連你隻手都認唔出…. 好在你都認唔到我個patpat~~
阿虎, 殘格幽默~ 經常發表爆笑言論, 為大家帶來歡樂, 就算討論緊正經話題都可以用貼題但攪笑的比諭將氣氛扭轉~ 唯獨是太早睡覺了, 好好保重!事水彈大戰 ~~ 唔知點解, 游游下水 2樓有個水彈掉落來大戰就開始了! 彈藥時不時由不同人運到, 有d 自己係廁所飄出來, 總之就係唔想俾哩場戰爭完, 有d 虛弱彈係半空爆破, 有d掉左幾次都唔爛, 真係彈中之彈. 參戰既人不斷轉換, 但我一直都冇離開過, 全程一隻彈都冇整過就玩左成個鐘, 真係辛苦哂製造工場!! 最後彈藥用盡, 大家就大合照休息下~
裸泳~ 咁大個人, 第一次裸泳, 感覺很特別, 成個人輕左, 估唔到一件小小 bikini 原來係咁重既~ 原來多謝max 同kky 既鼓勵, 等我放下包袱~ 好快, 其他人都加入一起裸泳~ , 感覺就像在一個超大浴缸中, 正! 游到攰就一心諗住第二朝訓醒再游過~
第二朝, 聽到樓下阿wing 同kky 大叫, 仲聽到wing 話 “ 冇落雨, 開心哂~
返上床想再訓多一陣, 但max 同阿喬都俾嘈音吵醒了, 問我幾點, 我望一望表,
答: 8 點7, (跟住就想再訓一陣) Max: 唔係8點食早餐咩?喬: 係wor, 唔通佢地已經出哂去冇叫我地?喬: 但係佢地都冇上黎執野…. 等我去睇下先!
(喬轉眼間就回來了): 唓, 7點4咋~!
三人哈哈大笑之後, 就想再訓過, 但我已經醒哂啦, 於是就決定起身了, 落到樓下, 原來大家都未起身, 只係得kky 同wing 係半睡半醒之間. 見到咁好太陽, 我唔理咁多, 牙都未刷 跳落泳池度游水~~~ 喔~ 晨早裸泳~ 自己一個霸哂個大浴缸~~爽呀~盲摸摸活動~~ 晚上大家都好像有點累, 但又覺得去旅行點可以咁早就休息呢, 於是就諗d 小遊戲玩, 初先係諗住兩隊對戰既的, 但係好快就變左個人戰, 矇眼摸手認人, 摸patpat認人, 耍盲雞, 有趣有趣~
後記 1. 累死了! 返到屋企足足訓左十幾個鐘, 都未回到氣!2. max 玩很好開心, 所以好快就寫左個動後感, 亦每日不斷叫我快d 寫, 一見我坐低冇野做就幫我loginsbc… 我都玩得好開心, 但為人比較懶散, 唯有出口術 : 你愈叫我就寫得愈慢 ! 果然有效~
後後記~好開心今次可以同大家相處咁耐, 有多d時間認識大家, 認識大家在床下的一面. 平時活動都出席得比較少, 其實有好多團友都唔熟, 但係玩玩下, 陌生感就減退了. 我知道攪這類活動準備功夫多, 又煩人, dr. 一定很辛苦了, 但這些活動卻提供了很好的機會讓大家製造共同經歷, 老套d 講句就係友誼增進不少. 我自己join完哩個trip, 都對sbc 有更多了解, 更多了歸屬感, 更喜歡這裡的人. Dr. 如果有心再攪, 但唔夠力, 我一定會幫手~!
p.s. 原來係word 度打 “後記” 會自動彈出 “全文完” , 有趣~
全文完 -
kky 發表於 2012-8-18 22:47
咪捉人錯別字喇, 咪用左引號咯…其實﹐絕核同啜核係代表左兩個境界架﹐等中文老師話過你聽啦:-
絕核 - 絕即盡﹐好盡﹐邊緣﹐或者妙既意思﹐絕核即解作好抵死﹐好過癮既意思。
啜核 - 正確寫法﹐來源可參考劉天賜一篇文章(http://www.singpao.com/20051223/feature/794966.html)。除左表示抵死､過癮﹐刁轉既意思之外﹐仲有再深層次既解釋﹔啜乃動詞﹐即吸啜﹐"索"﹐用口含住咁既意思﹐核乃名詞﹐即事物或物體既中心部分﹐例如果核﹐陰核等。而用係阿虎身上﹐究竟係咩解釋﹐唔駛畫公仔畫出腸啦!!!
哈哈哈哈哈哈......
-
真係好咁詳盡既動後感，今次特別喜歡人物介紹，很生鬼。
-
Dr. 發表於 2012-8-18 17:48
我以為佢係啜核﹐唔係絕核!!!
sorry, 咩叫絕核? -
Dr. 發表於 2012-8-18 17:48
我以為佢係啜核﹐唔係絕核!!!
咪捉人錯別字喇, 咪用左引號咯… -
wc306 發表於 2012-8-18 14:13
係呀~ 係"賤" 先啱, 打錯字時有發生~
至於點解你係"賤" 格呢, um... 因為你個格... um... {:16_81 ...
我以為佢係啜核﹐唔係絕核!!! -
candy 發表於 2012-8-16 23:09
我唔係想堅守晌檯底嫁
咁點解你唔逃亡呀?? -
kky 發表於 2012-8-17 21:21
嗯．．．其實會唔會係 [賤] 格呢∼？
係呀~ 係"賤" 先啱, 打錯字時有發生~
至於點解你係"賤" 格呢, um... 因為你個格... um... ,講笑姐, 其實你係攪氣氛能手呀~ 因為言詞" 絕" 核氣氛先容易高漲
-
kky 發表於 2012-8-17 21:21
嗯．．．其實會唔會係 [賤] 格呢∼？
哈哈哈哈哈哈.....完全正解！ -
花木九里虎 發表於 2012-8-17 18:49
kky, 你睇黎唔係好明 "跳" 嘅意思, wing果d係叫 "碌" 落水, 或者叫失足 "跌"落水, understand?
咪甘講喇，跳得唔高之麻，都要好大勇氣架∼ -
花木九里虎 發表於 2012-8-17 18:42
點解我係 "殘格幽默" ??????
嗯．．．其實會唔會係 [賤] 格呢∼？ -
妳好啊, wendy, 估唔到你地兩個都有去, nice
-
Wing 發表於 2012-8-16 23:44
我記得你們上次已好想去，而今次可和你們去一起去呢個trip,實在感動，請假去玩都抵番曬！哈哈哈
同埋，都要 ...
諗諗下，諗起 Wing 都有跳水架∼ -
我記得你們上次已好想去，而今次可和你們去一起去呢個trip,實在感動，請假去玩都抵番曬！哈哈哈
同埋，都要讚你自己，你剪了短髮好可愛和7彩的腳甲油！ -
candy 發表於 2012-8-16 23:09
我唔係想堅守晌檯底嫁
邊個迫你響檯底呀?? -
feeling 發表於 2012-8-16 21:35
嘻嘻, 坐golf car呢類車既喜好岩岩同妳相反, 我最中意坐前面, 越前越好, 因為最新鮮的景物我可以最快見到.
...
快D合返埋個嘴 -
我唔係想堅守晌檯底嫁
-
嘩，support wendy既詳細心路歷程報告∼
係吖，我都好鐘意酒店以外既活動∼同你講既一樣，可以同大家熟絡D∼
只同你地有一面之緣，酒店房黑麻麻，都望唔到清；
今次見到你，所以好仔細望，覺得你好可愛，笑容好甜吖∼ -
有人要求攪多次既話, 無話唔得既!!
-
嘻嘻, 坐golf car呢類車既喜好岩岩同妳相反, 我最中意坐前面, 越前越好, 因為最新鮮的景物我可以最快見到.
見到妳描述Candy, 我真系.....兩片嘴唇合極都合唔埋.....wahahahaa !!!
擔擔抬抬D粗重野佢就做得最落力, "由頭到尾都留守大後方趕製彈藥俾前線開戰" 呢句真系好好笑, 10個趣!! 噗~