小月亮的泰國開心 [食．買．瞓] 之旅 (4)
-
泰國 2009-09-XX（Day 3）又放晴∼
拆資都要買爸爸
今天早上魔女，布甸同我特別早起，為我們自己新加的早上行程加油．．．食 [酒店早餐]∼
親其他三人還在睡既時候，我們這天再去未逛完的商場 [買爸爸]∼∼
阿基提我們可以坐BTS輕鐵去，省點腳骨力行街；D但我們還是汗流浹背．．．去到仲因為太早，商場未開門，所以要等∼
不過，天氣很蔚藍．．．所以我又．．．影，影，影∼為左因為特登買爸爸，我同自己講 [一．定．要．買．到]∼！
終於．．．真係買到，一口氣買左三件睡裙．．．因為關鍵時刻，曹長既說話飄過腦海 [嘩，去旅行買野就唔好計住計住喇]
那位售貨員小姐很好人，還給我tourist discount同埋教我如何做 tax refund∼
我地三個．．．响曹長約定的 [集合時間] 遲左成差不多成個鐘．．．包場既午餐
從酒店搭了地鐵又再轉輕鐵，加走走行行．．．
大家都叫苦連天．．．終於來到蓸長book好枱的午餐餐廳．．．
還是那句 [嘩，好靚吖]．．．不禁說 [甘靚，真係行甘耐都抵]∼
這是一間兩層的小房子，窗子是彩色的玻璃花，桌椅是深色木材，餐枱的佈置是淡色的餐巾加上一隻乾紅椒．．．中央有個很別緻的小院．．．棚架，樹上吊著的鳥籠都很有味道．．．
最喜歡是入口那棵大樹下的木平台，配萫幾張原木小桌，還有小書架．．．所以唔理拒地，繼續我的影，影，影．．．魔女也有一齊影，影，影∼
之後叫曹長同埋布甸充當model．．．因為齋影景，其實真係有點悶的∼可能我們黎得比較早，餐廳還未有人．．．感覺有點像包場，好正∼∼
開飯喇，今餐有：大頭蝦
咖哩蟹
冬陰功湯
生蝦刺身
軟殼蟹沙律
豬頸肉等等∼
因為早上買爸爸遲到既關係，大家要好快甘食完．．．
趕及曹長為我地book左既 [Thai massage] 啊∼∼Thai massage
首先係選要什麼 [按摩油]．．．我同Cherry都選擇左 [RELAX]，這正是我地黎的大前提嘛∼∼
Cherry同我被曹長安頓在不同既單人房，他們4個分別在2間雙人房．．．
[嘩，好靚吖]，好人既按摩小姐，又讓我影個夠才開始．．．一開始．．．我們就發生爭議．．．我要沖個涼先．．．她堅持要我躺在牀上．．．我屈服∼
原來一開始係擦老泥．．．像砂紙一樣的粉末倒在身上，被按摩小姐起勢甘刷．．．刷到痛再瞓著再痛再瞓著．．．
她拍醒我，示意我現在可以去沖涼了．．．我望望張牀 [嗚，好多黑色既擦膠碎，好核凸]∼
沖完涼便開始按摩．．．如阿基話齋 [其實按摩小姐出左去碌左個面食] 我都唔會知．．．因為真係瞓著左，仲好林添∼
被按摩小姐叫醒後，原來還有腳底按摩．．．這次唔洗按摩小姐叫醒我，因為我比自己的鼻聲嘈醒左∼
最討厭的是．．．要著番自己件酸臭衫離開．．．早知叫拒地同我烘香件衫先∼日式BBQ
一點都不符合飲食標準既超美味日式BBQ．．．一枱都係紅色的肉，一塊葉都見唔到∼
加炭後，曹長，布甸，Cherry，魔女便各自拿著鐵拑，燒．燒．燒．．．
我坐左個中間愛心位，唔洗燒，兩邊爐燒完都夾比我食，好快就填滿左個肚了∼
之後我們一個一個的投降．．．而曹長，永遠都是做守尾門果個．．．好似叮噹個肚，放極都仲可以再放．．．Free Market夜市宵夜
飽到上心口，熱到痴粒粒，被蚊叮．．．我們還是再吃了宵夜∼
我點了啤酒，好彩Cherry同我分擔下．．．因為食完，那些食物已經填滿到去頭殼頂了．．．
第一次聽到曹長話 [嗯，我都開始有D飽了]．．．因為曹長比我地仲食多左一餐，下午响商場．．．拒陣我地行街果時，去左Tea∼邀請魔女沖涼
今晚實在超熱，我實在唔好意思，又叫魔女等我沖完拒先有得沖．．．成身痴粒粒，實在不好受∼
所以我問魔女，不如一齊沖囉．．．魔女驚問 [吓？！點解吖？點解要同我沖涼吖？]
見到她的圓圓眼睛真好笑又尷尬．．．解釋過後，她笑說她okay的．．．叫我放心去沖涼先∼仲食得落既生果餐
沖完個涼出黎，又唔記得左自己有幾飽．．．或者大家經過連日黎既特訓已經唔識飽．．．
曹長同布甸切芒果比我地食，我食完還是那句 [好好味，有點好特別說不出的香味．．．有點像很香既青草味∼]
布甸同魔女笑到碌地說 [這些不是叫青草味，係因為個芒果未熟，呢D叫生生地既芒果味]．．．
吓？．．．係架咩？？本帖子中包含更多資源
您需要 登錄 才可以下載或查看，沒有帳號？註冊 Registerx
-
嘩
spa果床好靚.........一見以為自己係在spa享受中,哈哈~
嬌辣瑪莉 發表於 2009-10-5 13:09
初頭以為瑪莉都有去呢 -
D相影得好靚呢~~~
同埋小情人記食過d乜都有一手~~~
終於知你地成日講青草味係咩啦~~~
睡裙喔~~~ -
你做乜唔叫我一齊沖, 我的眼睛也是圓圓的
Kururu 發表於 2009-10-4 07:37
比你笑死!~ -
泰國 2009-09-XX（Day 3）又放晴∼
拆資都要買爸爸
今天早上魔女，布甸同我特別早起，為我們自己新加的早上行程加油．．．食 [酒店早餐]∼
親其他三人還在睡既時候，我們這天再去未逛完的商場 [買爸爸]∼∼
阿基 ...
kky 發表於 2009-10-4 06:08
哈哈..我幾時有圓圓的呀 -
泰國 2009-09-XX（Day 3）又放晴∼
拆資都要買爸爸
今天早上魔女，布甸同我特別早起，為我們自己新加的早上行程加油．．．食 [酒店早餐]∼
親其他三人還在睡既時候，我們這天再去未逛完的商場 [買爸爸]∼∼
阿基 ...
kky 發表於 2009-10-4 06:08
哈哈..真的嚇到我呀..你無啦啦叫我一起沖涼
你開頭講..應該話怕你熱頂唔順..可以一起沖
但你一開口就講..一起沖涼..我好意外呀..真的不知發生咩事呀 -
泰國 2009-09-XX（Day 3）又放晴∼
拆資都要買爸爸
今天早上魔女，布甸同我特別早起，為我們自己新加的早上行程加油．．．食 [酒店早餐]∼
親其他三人還在睡既時候，我們這天再去未逛完的商場 [買爸爸]∼∼
阿基 ...
kky 發表於 2009-10-4 06:08你做乜唔叫我一齊沖, 我的眼睛也是圓圓的
本帖子中包含更多資源
您需要 登錄 才可以下載或查看，沒有帳號？註冊 Registerx