長篇大論．Encore豪華（12）早上活動篇
-
豐富早餐
早餐自助餐真係好豐富，我食左3-4轉（呵呵∼）
食得差唔多，阿虎黎左join我地；原來拒都要早走．．．
甘Dr放心咯，有阿虎陪住阿喬，Wing同埋Candy∼食完早餐，約左既車又未到時間，所以大家都响度hea．．．
影下相，吹下水，叉下電[嘩，你果條咩黎架？！]
[charger咯∼][1個插分拆甘多唔同款既頭既？！]
[咩型號電話都得吖麻∼淘寶咋，好平架∼]愛靚既Dr話 [嘩，幾平都甘話，成隻八爪魚甘，實比人笑死．．．]
我插咀 [唔係吖，幾好吖，可以一齊叉電，唔洗一次叉得一樣野．．．]阿虎再話 [唔係吖麻，點一次過叉吖？辛辛苦苦插完甘多個電話，叉5分鐘吖？]
我有點茫然唔係太明．．．阿虎續說 [即係話一個奶媽一次過餵10個細路仔，一陣就飲晒喇！]
哈哈哈∼我笑到收唔到聲．．．
咭咭咭∼停左一陣，靜左落黎，諗起又傻笑．．．[好喇，車黎喇，走喇走喇∼]
眾人起身就走，送拒地上車；而Dr，Max，Wendy同我就返回別墅．．．路上，Dr話 [我地lai左個早餐吖∼]
[咩吖？．．．E，係喎！哎吖，早知我都．．．]
[其實你都可以架，唔好鬼鬼祟祟就得架喇∼不過算喇，買1送1，都抵∼]（咭咭咭，奸笑回別墅中∼）返到別墅，大家忙於執野；Wendy無執過，因為Max幫手執．．．不過Max都好快執完；
我話 [嘩，你甘快既∼]；Max話 [係吖，我D野來來去去都擺返呢個位之麻∼，你呢？][ar．．．] 你見我走黎走去，都知我係一個無咩手尾既人，D野仙女散花甘，散落一地．．．
嗯，Dr都唔係好得我好多，我上上落落行左兩次，揭開D野揚黎揚去；
不過，我由細到大都係甘；呢個教訓成日受，但次次都唔會記住∼都係鐘意享一時之樂，嘿嘿．．．執完野，仲有時間可以游下水∼∼（上次第2日都無機會游水，今次早左起身，時間多左好多∼）
早上集泳班
今朝得我地4個，我地可以平排游，沒有水蛋，沒有太勁陽光，大家好專心甘游水，有D似早上習泳班∼
Wendy話 [其實今朝7點幾起左身，已經落黎游左一陣∼]（嘩．．．甘早 =..=）只係游左無一陣，開始落雨（嗯 =..=）
所以我地落左去下面果層草地花園行下，然後就上返去別墅入面，浸浴∼∼浸浴閒談
[E？拒地兩個呢∼？]；[仲响下面吖．．．]
[你又知？]；[响草地吖．．．][係？] 我繼續頭昂昂，想偷睇∼
[呢度睇唔到架，行返出小小．．．]
[吓？甘遠甘唔睇lu∼]乖乖坐返按摩池∼今日人少，可以伸長手腳，可以伸懶腰．．．Dr遞上椰子橙汁酒（嘩，好味吖∼）
Dr話 [快D飲埋拒喇，唔係一陣又要拎喇．．．]
飲完又添，飲完又添．．．過左好多round，Max同Wendy終於返黎喇∼4個坐埋一齊，傾左好多話題．．．
由大部份女仔既最愛體位，推理女仔可能有種潛伏 [喜愛被人征服] 既心理；
又由肉體關係上得到既那種真實快感，講到去神交關係上享受既那種雖無實但估估下既趣味．
再由女仔為悅已者容去整容，講到去男仔既可接受情度．．．
熱水都講到變凍水，椰子橙汁酒都飲晒∼豪華回程
隨著Dr辦理check-out；隨著Dr安排既車返回車站．．．豪華旅程到此，圓滿結束∼
Dr再次謝謝你為我地安排既所有．．．而長氣包告到此，終於斷氣∼∼ -
kky 發表於 2012-9-12 00:15
謝謝收看∼ 錯處一定有，因為本故事乃改編自真人真事吖麻 嘿嘿∼
長氣努力收歛中，好 ...
唔係我講先架，我頂多係共犯架咋，冤枉呀大人！ -
Dr. 發表於 2012-9-11 10:41
Max小朋友﹐做咩叫到人咁老? 你無上「與靚女溝通入門」咩??? 母性係一個女人引以為傲既一樣美德﹐你唔覺得 ...
咪嚇人喇，幾時有篇甘既野吖你 -
ms306 發表於 2012-9-10 22:13
kky媽媽, 你雖然係比較冇條理(依你執拾o既情況推斷), 不過你竟然咁好記性(雖然俾我搵到錯處), 連大家o既dia ...
謝謝收看∼ 錯處一定有，因為本故事乃改編自真人真事吖麻 嘿嘿∼
長氣努力收歛中，好似 Dr 話我似菲律賓人果 D 我都無寫架喇（不過，已記錄在記仇檔案中．．．）呵呵∼ -
kky 發表於 2012-9-8 12:17
直頭尷尬喇，比你講中晒心入面諗咩∼咁厲害?? 我要訓練到你做返個人﹐就算做唔到人﹐都做隻馬，點都唔好做神﹐咁我地就算唔人交﹐都可以去馬交!!!
-
ms306 發表於 2012-9-10 22:13
kky媽媽, 你雖然係比較冇條理(依你執拾o既情況推斷), 不過你竟然咁好記性(雖然俾我搵到錯處), 連大家o既dia ...
Max小朋友﹐做咩叫到人咁老? 你無上「與靚女溝通入門」咩??? 母性係一個女人引以為傲既一樣美德﹐你唔覺得好sexy既咩?? -
kky媽媽, 你雖然係比較冇條理(依你執拾o既情況推斷), 不過你竟然咁好記性(雖然俾我搵到錯處), 連大家o既dialogue都記得!!!
仲有, 你真係好有heart, 打得咁詳盡, 我一打開見到咁多個post, 真係好震撼~~~~~~~~~ -
Dr. 發表於 2012-9-2 23:32
神交...........哈哈哈哈哈哈哈哈
直頭尷尬喇，比你講中晒心入面諗咩∼ -
神交...........哈哈哈哈哈哈哈哈