長篇大論．Encore豪華（4）水戰篇
-
水上抱抱．水蛋戰
大家換上泳衣都一二三落晒泳池∼
今次Dr.無帶上次果個水底相機，由Candy 出動拒個咭片相機．
而影相呢D甘重要既任務，仍然由我操刀（嘿嘿∼）
而Dr.就囉囉唆唆甘話我 [上次吖，你影D相模晒吖，bla-bla-bla．．．]放低相機後再次落水，但游游下 [點解越黎越少人既∼？]
搵完樓下搵樓上，見到Candy，阿喬，Dr.三個嘻嘻哈哈甘响個廁所度．．．（攪咩吖∼？）
Candy笑得好開心話 [今次有排玩喇，成200個水蛋吖∼]我見Dr.攞住兩個，阿虎又唔知幾時上左黎．．．泳池淨返 Wendy 同 Max．．．
Dr.同阿虎拎住D水彈，攝手攝腳甘走去露台，仲邊行邊 shu 我，叫我細聲D．
阿虎同Dr.一人一邊，Dr.輕輕力推開露台度玻璃門，望住輕靠住泳池邊既Wendy，同我地講 [嗱嗱嗱，拒個位就岩晒喇∼]
就响Wendy咩都唔知既情況下，一隻兩隻色彩斑斕既水蛋從天而降．．．[嘩∼]
有D無爆到既水蛋就比阿Max執左，掟返上黎露台．．．[嘩∼]
頓時露台變炮台．．．（好驚∼）Candy不斷整左好多水蛋，樓上運到樓下，走上走落（辛苦晒∼）
大家都由樓上走到去樓下，將戰場移到去泳池∼落到泳池，先宏觀到成個戰場（嘩．．．今次大鑊喇∼）
爆開既水蛋，整到成個水池，平台，欄杆 同 別墅外牆都好多顏色．．．
[整到甘樣，我地要唔要執返先走架？]（我好驚吖．．．）
[住完有垃圾，係好正常架喎]（吓？Dr.總可以將大事化小∼）水上抱抱．騎膊馬
游游下唔見左阿Wing，發現拒响樓下洗手盆 [E，阿Wing，原來你响度∼]
Wing答 [係吖，我想整滿一盆七彩既水蛋影張相∼]
[一齊整吖，快D整完，出返去一齊玩吖∼]
[好吖∼][E，點整架？係咪要用個pump架∼？]（我記得响樓上見到Candy用個pump．．．）
[唔洗架∼ 套個汽球落去飲水用果支幼水喉果度，然後開水喉就得架喇∼]
[E，係喎，好快吖∼]整左好多，我話 [嘩，好靚吖∼]
Wing望左陣 [嗯．．．加多D藍色添．]
[好，我去整∼ 吖，不如甘，我整完放响度，你擺位吖∼]
[嗯，好吖∼]
終於整滿一盆，影左張相∼ 相中既水蛋好似復活蛋∼∼我地將水蛋一個一個甘放响泳池度飄黎飄去；
但係逐個拎又點夠阿喬快，阿喬用條毛巾一堆甘運D水蛋出黎泳池邊，Dr.同阿虎見到直頭痴左線甘．．．阿虎成個將阿喬放上膊頭，阿喬騎住阿虎响池中橫行，拎住一個又一個水蛋係甘掟向我地．
Wendy都即刻騎左上Max膊頭還擊；
而Dr.都好就手甘捉左我上膊頭．．．[嘩，唔得吖，好驚吖．．．喂，放我落黎吖．．．]
我驚到一個水蛋都無掟過，對腳夾緊Dr.，對手捉住拒個頭；
難為拒要兼顧捉住我，對手又要去掟水蛋．．．（唉，Dr.你簡錯partner喇∼）
冤冤相報何時了，最後由阿虎同阿喬既強勢組合，响一串咿嘩鬼叫之下，仍然無跌到落水．水戰完畢 [好咯，終於都可以正正經經游水喇]
Max話 [真係？] 然後將拒手上果個剩餘水蛋飛埋黎（哎吖．．．） -
candy 發表於 2012-9-9 19:53
如果再有下次,我覺得應該要水槍同水蛋一齊玩咁樣會更刺激
嘩．．．我諗我要浮潛先得喇．．． -
如果再有下次,我覺得應該要水槍同水蛋一齊玩咁樣會更刺激
-
kky 發表於 2012-9-8 11:42
太驚喇，所以無法忘記．．．
都唔合作，仲好講！ -
火麒麒 發表於 2012-9-3 17:31
第四回睇完，戰鬥呢一樣野，睇表面虎哥都無得輸。
唔單止阿虎，阿喬起勢掟水蛋都好強∼ -
Dr. 發表於 2012-9-2 21:42
係喎﹐唔記得左騎膊馬呢個環節添!!!
太驚喇，所以無法忘記．．． -
第四回睇完，戰鬥呢一樣野，睇表面虎哥都無得輸。
-
係喎﹐唔記得左騎膊馬呢個環節添!!!