長篇大論．Encore豪華（7）游夜水．水上滑梯篇
-
游夜水．水上滑梯
Dr.，Candy，Wing 同埋我，用左好少好少時間換泳衣；Dr. 同 Candy仲有時間去幫大家攞毛巾 同 搵拖鞋∼
（你地真係無得頂∼∼）我好開心，因為上次都無機會去玩滑梯∼
golf car响公眾泳池入口停低，我地一二三跳落車向泳池出發，黑麻麻燈光又暗，我地都行得好小心．．．黎到喇 [嘩．．．好高吖．．．哎吖，仲好凍添吖D水．．．]
Wing好有經驗甘，將D水向自己身上拍，嘗試先適應水溫；
我都學拒，將水向自己身上拍打．．．只係我都未拍打完，樓上成盆水淋左落黎．．．
抬頭一望 [嘩，好大個桶吖．．．] 滑梯上有個超級大桶，滿左水就會自動倒水落黎．．．淋完水，立刻適應晒水溫，問題係點樣開始．．．
同Wing觀察下呢度總有三條滑水梯；就沿樓梯上去了∼
經過第一條甘矮既滑梯，我地當然直行了．．．經過第二條，救生員話 [果條無開]，所以我地只好去第三條．第三條滑水梯係密封式，見唔到入面咩情況；要向個伸手不見五指既管道滑落去．．．我有D驚；
Dr.第一個入去條管度，Wing，Candy同埋我一直望住個出口．．．等左好耐都唔見拒出黎．救生員唔比我地入去條管道，阿Wing向住條隧道大叫 [喂，你滑到去邊吖？]
條管居然有聲回答．．．（回音中．．．）Dr.話 [喂，我．等．緊．你．地．落．黎．吖．．．]
阿Wing又向管道大叫 [你快D出黎喇，你唔出黎，救生員唔比我地入黎吖．．．]
（我望望條管，响度諗 Dr.係點樣抓住條管，唔比自己滑出黎架呢．．．）終於我地响終點見到Dr.出左黎，救生員比阿Wing入隧道．．．
而阿Wing香艷既叫聲就沿住條管發出，清脆既聲音直頭可以知道拒滑到去邊．到我自己滑，要入去個黑麻麻又窄既管，真係．．．唔係好舒服．
管道好窄，窄到坐唔到起身；好驚，响度嗌，又mak大眼．．．嘩，我見到好多星星吖∼
原來條密封式既管，有好多細細粒既燈．．．嘩，好靚∼等埋Candy落黎，都未回氣，Dr.又走上去滑多次；
Wing同我就去滑第一條矮梯，上到梯頂先發現 [嘩，條梯甘直既∼？]
Wing一邊，我响另一邊，一齊滑落去呢條孖梯（yea∼）
滑完輪到Dr.同Candy滑，Wing同我就滑多次星星梯（yea∼yea∼）畢竟時間有限，所以我地去左大池游下．．．
大池有瀑布小橋，不過實在太大，同埋D水好乸．．．Dr.話 [呢度係公眾池，所以會氯氣重D，殺箘吖麻∼]
游左一陣，Dr.話 [不如我地鬥快吖，嗯．．．去個籃球架度吖∼] -
火麒麒 發表於 2012-9-3 18:24
第七回睇完。kky妹你應該好習慣黑架，活動時見你要黑麻麻先開始既。
吓．．．點同吖∼？ -
Dr. 發表於 2012-9-2 21:54
如果可以四個一齊滑就好啦!! 極度失望~~~
危險吖．．． -
第七回睇完。kky妹你應該好習慣黑架，活動時見你要黑麻麻先開始既。
-
如果可以四個一齊滑就好啦!! 極度失望~~~