長篇大論．Encore豪華（11）晚間活動．電視睡覺篇
-
電視精
我選擇了樓上既電影機，簡完一輪．．．都係睇返 [巾幗]∼
越坐越凍，好彩响衣櫃搵到士啤被∼用被圈住自己，暖晒∼∼
[喂，你唔係响度瞓吖．．．落去瞓喇∼]（哎吖係噃，阻住你地4個添，呵呵∼）响樓下，見到阿Wing瞓左，所以我睇完 [巾幗] 都瞓了∼
期間，阿虎問我聽唔聽到門口有聲（吓？我．．．入左個電視機，咩都聽唔到喔．．．）見張牀甘細，瞓得阿Wing，瞓埋我．．．甘阿虎點算∼？
我行去大牀果邊．．．不過，行到門口，已聽到呵呵聲，所以又折返阿Wing旁邊．．．
細心既阿虎話 [行黎行去做咩吖？我無甘早瞓架，你去瞓喇∼]（真既？幾時都話你好人∼∼）牀上運動
瞓左無幾多個鐘，就天光了．．．
我聽到阿Wing起左身，阿虎先去瞓阿Wing個牀位（嘩，真誇張∼）瞓左無一陣，我感覺到阿虎好大動作甘郁左幾下，好似係突然發惡夢，向空氣打左幾拳甘；
Wing刷住牙問 [你做咩吖，無咩麻∼？]
阿虎話 [我感覺到有D野响度飛，好似係蜜蜂．．．]Wing話 [kky吖，有蜜蜂吖，起身揚下個枕頭喇∼] 然後開晒燈．．．
我眼朦朦答 [哦．．．揚，揚，揚．．．]Wing再話 [揭下張被喇∼]
我又答 [哦．．．揭，揭，揭．．．] （好眼瞓呢真係．．．）Wing續說 [kky．．．出聲係唔等於做左個動作架∼]
我沒好氣答 [吓？無喎，唔見喎．．．] 然後瞓返．．．阿虎走去熄燈，然後再揚D被．．．
[嘩，曱甴吖！！！！]我霍一聲彈起身，跳左去牀尾既梳化，回頭見到阿虎枕頭底既曱甴！！！
[嘩！！！！好大隻吖！！！！吖！！！！嘩！！！！] 係甘叫，係甘指．．．完全對件事一D幫助都無．．．阿虎出左去攞拒隻波鞋，大力大力甘打落去．．．扁了；然後將屍首撥落牀，放返枕頭，繼續瞓返∼
阿Wing問 [死左未架，check下好喎．．．]
我問阿Wing [拒隻波鞋鞋底岩岩先好大力甘打完果個位咋喎，拒又瞓返果個位吖．．．？]都醒晒喇，所以走去刷牙；不過計計下．．．發覺多過6個人去食早餐，所以又去瞓返．．．不過．．．
Dr [喂，起身喇∼傻架咩，一個早餐幾錢吖，傻瓜∼]．．．於是我又起身了（Dr. 多謝你吖∼你真好∼∼）上左golf car掟過彎就到酒店大堂了∼（好野，上次懶瞓無食早餐，今次可以食喇∼∼）
上次得Dr同Candy有去食早餐．．．Candy話 [E？要等位架喎∼]
Dr [梗係喇，呢D鐘數；上次我地甘遲黎就話唔洗等唓∼]
（嘩．．．好多野食吖∼望住又無得食，真係零舍香既∼） -
feeling 發表於 2012-9-6 23:39
睇左幾日都未睇曬甘多篇，陰功，不過好中意呢篇，
似乎無論幾小既事都可以比妳寫得好得意，文章得意，
文 ...
玩得好開心，所以先甘多野寫，寫到停唔到，嘿嘿
謝謝你既支持吖∼ -
Dr. 發表於 2012-9-2 23:25
喂喂喂﹐你做咩周圍走唔過黎攬攬喎﹐仲好講!!你地可能夜晚開過度露台門﹐放左隻變種怪獸入黎﹐不過我做 ...
嘻嘻，唔好既，阻住你地
嘩．．．果隻曱甴，真係有隻中指甘長 阿虎話拒仲識飛架∼ -
睇左幾日都未睇曬甘多篇，陰功，不過好中意呢篇，
似乎無論幾小既事都可以比妳寫得好得意，文章得意，
文章入面既人物仲得意，我發覺唔似動後感，反而更似劇本，
直頭可以跟住劇本拍套戲出黎 -
喂喂喂﹐你做咩周圍走唔過黎攬攬喎﹐仲好講!!
你地可能夜晚開過度露台門﹐放左隻變種怪獸入黎﹐不過我做緊晨操唔得閒理你地!! 哈哈哈哈....