遲了一點的「第一次動後感」
-
老實講，嚟之前已經勁睇大家的動後感，希望有多一點心理準備，希望嚟到嘅時候會冇咁緊張，快點適應。
點知到真實情況，原來唔係咁易就適應。人數比想像中多，食嘢時還好一點，能夠和大家有講有笑，但係正式開始之後，我真係啞咗……
我真係唔知點打開話題，見到有幾位朋友，應該好耐冇見，所以我敢插咀，怕打擾他們交談。而面對幾位新朋友，和他們多傾一會，又怕阻礙他們尋找機會……所以有一段很長…很長…的時間，做了紙板人……不過老實講，雖然我站在一旁，唔敢答嗲，但係其實我係好enjoy整個氣氛的。本來諗住今次係第一次，睇怕都會失敗而回，點知宵夜過後，奇蹟出現了！！
唔知點解，突然大家會按摩起來，我終於覺得自己有d用了。在按摩其間，終於可以溶入大家，打開了缺口。
疑似Crystal(你亦有話自己係疑似Tamama，唔好意思，可能我會搞亂咗)，很高興同你傾你居住地方的事情，因為我前排曾到此工作了一個月呢。多謝你很有耐性咁陪咗我好耐，因為太緊張，表現不皆，但你仍想盡辦法幫忙，下次我一定會努力適應環境！
Angelababy，不好意思，同你未按摩完就行開咗，下次一定幫你按足一次「正」骨，送特別服務。(難為正邪定分界……)
阿Joe，你非常照顧新人，成日走嚟同我哋傾計和鼓勵。
曹長，你安排得真係好好，完全係攞個心出嚟嗰隻，如果我冇搞錯，你應該成晚都冇坐低過……真係辛苦哂。
還要多謝黃姑娘，當她見到我終於較為投入時，在我旁邊說了句：「終於見到你主動d喇……」老實講，真係好感動，因為覺得原來有人留意我做咗大半晚紙板，而且加以鼓勵。到今天來到論壇，方知道黃姑娘當晚有唔開心，但仍然不忘鼓勵新人，更加感動。希望有機會和你多談兩句。謝謝。其實我咁唔主動，係好怕太多口變成惹人反感的搭訕，所以只好常常微笑(其實好多時係傻笑) 著對著大家，希望大家不要見怪。經過今次之後，期望下次會主動、勇敢一點吧。
最後，好高興當晚認識了許多新朋友：糖糖、Ray、Max、Wendy、Her、S10、Tiffany、六寸、樂、Funky、Lala、蟹……不能盡錄，希望慢慢能和大家加深認識吧。
-
點解冇人記得我架>
Ｔaｍaｍa〞 發表於 2009-12-19 09:09我記得你架！！！
-
支持支持~~可惜我宵夜過後走左見證唔到你既奇蹟出現添...
-
十卜先
同一地點卻未能相認
ayunano 發表於 2009-12-13 12:29我諗我臨走嘅時候，我哋對望過一眼架。
-
支持你牙~
雖然我有事走先,希望下次可以再見到你牙!
魔童LaLa 發表於 2009-12-13 17:47對呀，食完嘢已經唔見咗你，希望下次LaLa你可以留耐d啦。
-
冇機會同你切磋添
Joanne 發表於 2009-12-13 14:34來日方長，一定有機會。
-
做乜咁留意人哋姐
Kururu 發表於 2009-12-14 03:03哈哈，曹長，我唔係淨係留意你架！！！
-
老實講，嚟之前已經勁睇大家的動後感，希望有多一點心理準備，希望嚟到嘅時候會冇咁緊張，快點適應。
點知到真實情況，原來唔係咁易就適應。人數比想像中多，食嘢時還好一點，能夠和大家有 ...
crazydog10 發表於 2009-12-13 06:11做乜咁留意人哋姐
-
支持你牙~
雖然我有事走先,希望下次可以再見到你牙! -
支持你先...
希望下次見到你.. -
十卜先
同一地點卻未能相認 -
忘了說我是誰，驚大家見到crazydog10唔知係邊個。我是Simon呀！