hea trip
-
是次活動
老實說，我喜歡戶外活動，多於困响酒店的室內活動．
我喜歡行開下，但又懶做事前的準備及安排打點．
這個陽光海灘活動，對我黎講，好吸引．．．是日慢拍
為左唔想甘趕，第一天同公司請左下午半日假，第二天同公司請左上午半日假．
我坐左普通位，唔迫人，吹住海風，好舒服．
不過慢船原來要坐 45 分鐘．．．等我仲sms Dr. [上左船，半個鐘後到] =..=是日住宿
到達碼頭後，跟著Dr. 的後面走到去渡假屋（令我諗起第一次參加SBC的戶外活動，响泰國跟住曹長既後面走）．
我們的渡假屋响地下，係貼住海灘的第一排小屋．小屋主要是開放式，有一個房間，有一個露台．
露台外直接係沙灘，露台較海灘高，所以响小屋落地玻璃外見到既係一個海連天的水平線view，好靚好舒服．很想响露台直接跳落沙灘，只係個子矮，對腳唔夠長落地 =..=是日放晴
按活動細節，帶備了泳衣．只是最近天氣都是毛毛雨，無諗過會有得游水．
不過，是日放晴：）我落船後，响住宿的地方安頓好，換左上次泳衣活動的一身裝束，便同大家出發．下午3-4點左右，Dr., Sphere, Sunnyguy, Candy, 玻玻, 我們一行6人步向海灘．是日游水
第一件事，係去租浮牀．．．唔知係 Dr. 定係 玻玻 既主意，總之最後我地租左一隻龜．
Sphere同Candy沒有落水，玻玻唔係太熟水性．所以最後係玻玻瞓响浮牀，Dr., Sunnyguy, 同埋我一行三人，扶住隻海龜出發：）
首先係發現選浮牀出現問題，玻玻 model 身高，隻龜跟本就唔夠長，只係承托到玻玻個身，對 42吋長腿飛晒出界．．．我地三個一扯隻龜，玻玻就跌左落海 =..=
後來玻玻終於捉住隻龜個頭，勉強固定到响浮牀上面之後，又發現另一個技術上的問題．．．
Sunnyguy用力一開始游，隻龜就會側左去拒果邊 =..= 無論我同 Dr. 响另一邊點樣扯住，隻龜都係甘．．．
點都好，大家辛辛苦苦，向浮台出發．．．拉住扯住，一 D 都唔暢泳係甘游，又比我地 4條傻仔游到去浮台前面果粒橙色波果度．．．不過，要抖抖 =..=
此時，玻玻唔忍心見到我地甘樣，所以提議我地帶拒返回沙灘．
之後，輪到 Dr. 上左隻龜．．．唉，諗都諗到，得Sunnyguy同我游，隻龜咪仲側埋一面 =..=
首先係Sunnyguy諗到個方法，拒游响龜既中間，面向天捉住個龜個頭，對腳响隻龜底下面游背泳．
Dr. 為左要固定自己响個浮牀上，又係捉住隻龜個頭．．．
拒地兩個面對面，隔住隻龜，一個上一個下．．．此情此景，我想唔識呢兩個人 =..=
不過，係我唔好．．．係我游水麻麻地，要有 D 野扶住游．．．所以，我地最後都係要拖住隻龜游出去浮台．
我地3個各自一隻手捉住隻龜，一隻手游水，隻龜越游越重．．．我地3個傻仔一面呻苦，一面游水，一面講笑，一面飲海水．．．好白痴甘終於游到去浮台：D
Dr. 話，點都要抖返一粒鐘．．．Sunnyguy話，一隻手好難游，拖住隻龜好似游左幾個堂甘．．．我話，我想飲啖清水，D海水好咸．．．
上浮台後，3個傻仔仲高舉隻龜以示成功．．．我真係想唔識呢兩個人nei x 2 =..=
休息後，以為最痛苦莫過於要拖隻龜游返去，但原來响浮台晒到成身暖立立，落水果下先想死．．．
D水凍到呢 =..= 我唔知响條扶手梯又上又落左幾多次，終於浸到落水，開始左我地既艱苦回程．
回程既時候，真係有諗過唔要隻龜．．．情形有 D 似，楂住架車但搵唔到位，想dup左架車甘．．．
最後當然沒有放棄及成功游左返去，完成充滿血淚但笑聲既 [暢泳]．是日下午茶
因為陸續要在碼頭接其他人，所以沖涼後，我們便開始去碼頭附近搵野食．
我地先試左街頭小吃的大大粒魚蛋，一串只有兩粒．我覺得唔辣都好好味：）魚彈好彈牙喔：O
之後，我地去左飲茶．．．（係吖，我飲過早茶，飲過夜茶．．．真係第一次 [飲茶] 作為下午茶．．．）
Dr. 坐低食左小小，凳都未坐暖，就去接 情婦 同埋 火星人．
（情婦：好耐無見了，你好嗎．．．我不知道你的新名字，一直以為你消失了．．．再次見到你，好開心，期待日後再次在活動中見面．）
Dr. 再食左無幾啖，又再次出左去，為我地既晚餐張羅．．．回來時，我地全部拍拍 [羅柚] 拍拍手，食飽便離座，留下的．．．只有一張單，同埋無晒燒肉，只淨下幾粒花生既燒肉碟 =..= 留比為我地張羅一切既 Dr.．．．（Dr.，謝謝你 =..=）是日晚餐
在未開始晚餐前，大家利用這個時候，買了一些日用品及飲品先搬回小屋．再回去碼頭接 SamL，Mimi 及 新靚女會員 Hayley （Y小姐，歡迎你：）
海鮮晚餐好豐富，堆滿晒成個轉盆：）但啱啱先飲完下午茶，加埋係甘乾杯既啤酒．．．對住眾多既美食，我好快食飽：D 而玻玻，都由有胃痛食到無晒胃痛喇：D是日遊戲
遊戲，總是令我感到開心．大家集體坐住 Dr. 後來加碼的大墊褥，圍住一齊玩啤牌遊戲：）
這個感覺，久違了．．．應該係遠自細個時代既宿營，又或者係那段寄宿學校既生活．．．
好鐘意一大班人圍住，應該係好鐘意响一大班人入面，聽住你地既笑話，融入大家的笑聲：）
此時，最後加入既 Ms.A 同埋 新型男會員 Zero 都黎左．
直到各人身上既衫被罰到除晒，直到被罰要飲酒既果支 Black Label 所剩無幾．．．
我衝口而出 [吓，甘快飲完咪無得再繼續玩囉：（]
Dr. 答 [仲玩，就快 3 點喇]．．．吓：O 係喎．．．=..=是晚開波
熄燈了，我睡了．．．朦朧間，隱約聽到此起彼落的開波聲．
整晚輾轉反側，有點凍，又行出行入去廁所．．．我沒有細看係邊位師兄瞓响我隔離，但我記得我地好似講過一兩句野，但我又繼續入睡．．．在此，說聲 [不好意思，阻住你瞓覺添]．到清晨既時候，聽到部份人既梳洗聲音．．．落地玻璃透入暖立立既陽光告訴我，要起身了：）
回到家裡，再睡了兩粒鐘．．．精神飽滿返工．
雖然只係一個短 trip，不過陽光與海灘既快樂，圍住玩遊戲既快樂，已蓋過一切不快事．
各人的快樂不一樣，我有幸在這裡找到一班很好的朋友：）有你們已足夠．是日鳴謝
這篇沒有色慾的動後感，謝謝大家讀畢至此．雖然我參與的活動，沒有 [慾]．．．
但有 [情]，這是我在這裡令我感到最快樂的地方． -
都未講到要打鑊你 ...
kky 發表於 2011-7-27 00:46係喎﹐我記得你講左話要打鑊我N咁多次喎!!!! 哈哈哈哈哈.....
另外活動後除左寫動後感﹐其實仲有好多野要update添架!
-
支持你呀!!!
好感性既一個REPORT呀!!!
dada 發表於 2011-7-25 01:00Dada，多謝你的支持喔：）哎吖．．．我來來去去都淨係識得直接寫，唔識攪笑野吖嘛 =..=
唉~~~仲要 x3
Dr. 發表於 2011-7-25 08:49都未講到要打鑊你
支持 中文老師
今次無平面圖睇既
赤貧線下 發表於 2011-7-25 09:44好多謝赤兄既支持，同埋謝謝你連舊 post 都記得：）不過，我都話唔係老師咯，唔好誤導各位師兄師姐噃 =..=
DR攬住隻龜....個頭已經好笑
重要加多個sunnyguy響下面對望......
kky....有無一刻後悔無帶防水相機~~~
kaka 發表於 2011-7-25 10:09：D 哎呀，又無諗到喎．．．果一刻，我即時反應係彈開左，問：[我會唔會阻住你地吖 =..=]
十分精彩既報告, support kky~~
samL 發表於 2011-7-25 11:05support c 姐包膠....
ulrich 發表於 2011-7-25 13:47U仔，SamL：謝謝 x 2 你們的支持喔：D
係呀，不過戶外活動可能相對比較少？
因為我諗我都鍾意出去行下hea下relax下再[活動]咁既pattern∼同埋細細聲講，我都覺Dr既文字好吸引，未識佢之前已經俾佢既動後感吸引左∼
唔知佢呢2次動後感幾時寫呢∼∼
Hayley 發表於 2011-7-25 20:46你寫咁大隻字都無用格﹐我今日返到黎都未坐定定.....仲有好多人未寫﹐等佢地寫埋先啦!
Dr. 發表於 2011-7-25 21:35Hayley，同意你所說，我也很喜歡看 Dr. 的文字：）
不過，Dr. 活動前要忙於安排，活動時又忙於替我地張羅，活動後仲要寫動後感．．．會好 [支力] 架噃 -
你寫咁大隻字都無用格﹐我今日返到黎都未坐定定.....仲有好多人未寫﹐等佢地寫埋先啦!
Dr. 發表於 2011-7-25 21:35
車∼ -
係呀，不過戶外活動可能相對比較少？
因為我諗我都鍾意出去行下hea下relax下再[活動]咁既pattern∼同埋細細聲講，我都覺Dr既文字好吸引，未識佢之前已經俾佢既動後感吸引左∼
唔知佢呢2次動後感幾時寫呢∼∼
Hayley 發表於 2011-7-25 20:46你寫咁大隻字都無用格﹐我今日返到黎都未坐定定.....仲有好多人未寫﹐等佢地寫埋先啦!
-
哦．．．原來果位師兄係你：）
係吖，我都係最鐘意游水果 part，所以好自然甘寫左好多：）
唔可惜，未來仲有好多活動架嘛：）希望再次見到你吧∼Dr.，我果 D 文字都唔夠你既 1%．．．你 D ...
kky 發表於 2011-7-24 23:48
係呀，不過戶外活動可能相對比較少？
因為我諗我都鍾意出去行下hea下relax下再[活動]咁既pattern∼同埋細細聲講，我都覺Dr既文字好吸引，未識佢之前已經俾佢既動後感吸引左∼
唔知佢呢2次動後感幾時寫呢∼∼ -
support c 姐包膠....
-
十分精彩既報告, support kky~~
-
DR攬住隻龜....個頭已經好笑
重要加多個sunnyguy響下面對望......
kky....有無一刻後悔無帶防水相機~~~ -
Dr.，我果 D 文字都唔夠你既 1%．．．你 D 文字先至叫到大家笑到噴飯：D
其實果兩個只係其中兩 part 唔想識你地．．．仲有 1 part 係我地游剩 50M 就到上岸，你諗住衝刺游埋拒，係甘舉高又放低隻龜，加埋你果 D 游到 he-he-hur-hur 既姿勢．．．果陣我都唔想識你 =..= x 3
kky 發表於 2011-7-24 23:48唉~~~仲要 x3
-
支持你呀!!!
好感性既一個REPORT呀!!! -
Haha I thought I was the one who bother u to sleep because I kept rolling over and over lol
Klozero 發表於 2011-7-24 05:58哦．．．原來果位師兄係你：）
游水果段好好笑！成個情形好vivid咁出現響我個腦，俾著我都唔想識佢地呀哈哈哈哈！
睇完覺得好好玩呀∼成日飲飲食食好relax！搞到我覺得淨係去食晚飯好可惜添！
不過其實我對環境方面一直都有少少潔癖，所以除左細 ...
Hayley 發表於 2011-7-24 08:43係吖，我都係最鐘意游水果 part，所以好自然甘寫左好多：）
唔可惜，未來仲有好多活動架嘛：）希望再次見到你吧∼你文字上的魔力實在太大﹐一路睇一路又會心微笑到噴飯!!!
同埋"想唔識呢兩個人"咁大膽???! 我叫左你搭水上的士架啦﹐順便溝下D無Bay Watch裡面咁靚仔既救生員嘛!!!
Dr. 發表於 2011-7-24 08:52Dr.，我果 D 文字都唔夠你既 1%．．．你 D 文字先至叫到大家笑到噴飯：D
其實果兩個只係其中兩 part 唔想識你地．．．仲有 1 part 係我地游剩 50M 就到上岸，你諗住衝刺游埋拒，係甘舉高又放低隻龜，加埋你果 D 游到 he-he-hur-hur 既姿勢．．．果陣我都唔想識你 =..= x 3仲有好多謝見證我第一次上浮台既KKY,Sunnyguy同隻龜!!!
Dr. 發表於 2011-7-24 12:55我都要謝謝你攪呢次甘開心既活動：）
十卜KKY姐姐
龜~~龜我見証到你地同隻烏龜博鬥
candy 發表於 2011-7-24 17:09哎，搏鬥呢個詞語實在用得太好．．．當時的確似搏鬥 =..=
下次都係要塊浮板算喇．．．=..=Support kky
star_glass 發表於 2011-7-24 21:27玻玻，謝謝你：）
-
Support kky
-
十卜KKY姐姐
龜~~龜我見証到你地同隻烏龜博鬥 -
仲有好多謝見證我第一次上浮台既KKY,Sunnyguy同隻龜!!!
-
你文字上的魔力實在太大﹐一路睇一路又會心微笑到噴飯!!!
同埋"想唔識呢兩個人"咁大膽???! 我叫左你搭水上的士架啦﹐順便溝下D無Bay Watch裡面咁靚仔既救生員嘛!!! -
游水果段好好笑！成個情形好vivid咁出現響我個腦，俾著我都唔想識佢地呀哈哈哈哈！
睇完覺得好好玩呀∼成日飲飲食食好relax！搞到我覺得淨係去食晚飯好可惜添！
不過其實我對環境方面一直都有少少潔癖，所以除左細個被迫去果D之外我再冇去過宿營... -
Haha I thought I was the one who bother u to sleep because I kept rolling over and over lol
