東京不眠不休【為食之旅】(6)
-
DAY 2（續）．天晴．有點凍
午餐
[6師兄．．．你還好嗎]．．．6 師兄滴著汗 =..=
[6師兄．．．不如到你同曹長去行下，輪到我地响度排吖]．．．6 師兄仍然沒有郁 =..=
[噚日你同曹長想去昅女．．．你地衣家去行下昅下喇]．．．曹長說 [玩野咩，昅街市 D 女]．．．
[哦．．．] 那刻我先知，原來這裡是街市 =..=排隊其間，曹長說 [排左甘耐，一陣食大果個 set，有 11 件壽司：10 件係 set 好既壽司，1件係任點]．
實在等得太耐，我口快快答 [吓．．．11件．．．我．．．驚唔飽 =..=]
排到壽司鋪門口，終於可以近距離睇下．．．
[壽司大] 的牌坊，黑字白底．．．門口前頂部覆蓋著小布（我無品地，揭開塊布裝下鋪頭入面）．．．
鋪頭好細，只有大約15個座位（唉．．．怪唔知後要等甘耐）
我地由早上排到中午先有得食，但我發現人龍仍然排到去轉角位（就响我地今早開始排既位置），心想：拒地排咩？排今晚既晩餐嗎．．． =..= ||
曹長說 [唔會，築地收 2 點]．．．（嘩，甘串∼？！）店員小姐，先為排到店門前既客人落單．問我地响邊度黎，又細心地問我們每一個 [Anything you don’t like?]
我答 [I love everything :-)]，店員小姐笑得很燦爛說 [Good, good, thank you, thank you]
到了到了∼ 等左 2 個幾鐘（那是 6 師兄．．．我們才不過等了 1 個鐘左右），終於到我們入去了∼
店鋪很窄很長，一個 “L” 型的長 BAR 枱，將壽司師傅困在裡面，客人像酒吧一樣面向師傅坐．
師傅不斷躬身，微笑地向我們說不好意思，又謝謝我們等了這麼久．
鋪頭既通道只有一個人的寬度，在通道頂部設了一個層架．曹長幫我們將袋及外套放在架上．．．有 D 似坐長途火車甘（又有點配服他們妙用空間的設計）．我們坐下後，第一舊壽司便送上來．．．壽司不是放在碟上，而是放在枱面上（我愚昧，有點驚訝．．．）
準確點說：面前既 BAR 枱有上下兩層，上層短 D 下層長 D，師傅將壽司放在上層，店員小姐在下層為我們送上茶、面豉湯、蛋卷、筷子 及 豉油．
我無暇理會那件壽司，甘耐先入到黎，梗係影下周圍環境，互相影下合照，連師傅都幫忙楂機影我們 5 個人的合照．影夠起筷了∼
（E．．．各人都只夾起面前紅橙色肉的那舊壽司，便放低筷子）．
（嗯．．．米白色果舊，先至係第一舊送上黎既壽司喔．．．）
（哎．．．睇真 D 先發現，原來果堆 lin 到好似壽司甘大既係．．．酸薑 =..= ）
（嘿．．．好彩掛住影無食先，唔係就成舊 [酸薑] 擺落口．．．喇：O）曹長說，第一件是 toro．．．對食，我不懂．．．味覺，更不是強項．．．但這舊壽司，真的真的真的好好味．
落單果時，心裡盤算著．．．一舊要 40蚊既壽司．．．究竟會是一舊什麼樣的壽司．．．？
細味在口中的那舊橙紅色的肉及飯．．．我明白了．
（及後曹長說，多人排隊既原因是 [好抵] ∼）壽司食完一舊，師傅才遞上 [下一舊]，印象較深既壽司有．．．
最喜歡的魚子、從未見過會郁既北寄貝（曹長說在香港見到既都是已熟，所以是紅色）、好多細細粒米白色細蝦仔，從未食過甘好味既鰻魚、還有．．．秋刀魚．印象中的秋刀魚：多骨、熟晒啡色．．．但眼前的秋刀魚，無骨，很鮮、有點咸味．．．說不出的驚喜味道．
所以我選了 [我的第 11 件 ECHO 壽司] 為．．．秋刀魚．
曹長說 [ECHO 壽司] 應該選 D 貴價既海膽或toro，不過秋刀魚當造，都可以叫喇∼一輪牛趙牡丹，整個 set 便食完了，個肚脹卜卜．．．好滿足∼
好∼ 出發往下個站，再食：D本帖子中包含更多資源
您需要 登錄 才可以下載或查看，沒有帳號？註冊 Registerx
-
Hayley 發表於 2011-12-1 22:36
好！想！食！呀！$40一舊抵到爛！因為香港$40一舊既貨色同日本果D完全兩回事，響呢度係冇可能 ...
嗯．．．其實我每次都好期待曹長帶隊既 [食食團]，果次我地去泰國都有好多好野食．响日本蟹店食既 [蒸蛋] 反不及响泰國的日本店．．．仲有响泰國食既燒烤店，曹長叫左 [擺滿一張超過 2米長枱 既 紅肉]．
場面 同 味道 至今都很難忘．
期待下次 SBC 既衝出香港活動 -
幽靈 發表於 2011-11-30 17:15
月睇月想再食
的確係，事隔 3 個月喇．．．都仲記得 [秋刀魚] 既味道 -
Dr. 發表於 2011-11-29 12:34
間店好似裝修過喎﹐有少少唔同左咁既.....嘻嘻嘻嘻查實你地幾點去到排隊呀? 我倒屎咁早就到左囉喎﹐不過 ...
ar．．．好似係朝早 11點去到，6 師兄幫我地排左兩個幾鐘，差唔多中午 2 點先開始入到鋪頭開始食：O -
好！想！食！呀！
$40一舊抵到爛！因為香港$40一舊既貨色同日本果D完全兩回事，響呢度係冇可能用$40就食到日本既水準架！
唉好耐冇食過日本菜，勾起我條癮添
-
間店好似裝修過喎﹐有少少唔同左咁既.....嘻嘻嘻嘻
查實你地幾點去到排隊呀? 我倒屎咁早就到左囉喎﹐不過都排好X耐! 另外市場入面好多生果都好吸引﹐不過真係超~~~~貴!!!!