東京不眠不休【為食之旅】(5)
-
DAY 2（續）．天晴．有點凍
午餐前小吃
篤．篤．篤．．．．從睡夢有點醒意時，感覺鼻尖被篤篤中．．．
半睜著眼問：[嗚？．．．到了嗎？]．．．聽到曹長的回應 [嗯]從 JR 行返上地面後，我們經過一個大橋底，那裡很多貨車，地面很多積水，感覺有點污漕．
（不過，後來才知道原來這裡是街市．．．甘又唔算太汙漕啊：O）跟著曹長再往裡走．．．是一排排單層高的小商店，有賣刀、調味料、小食、鞋等等．．．
經過整齊的小巷，經過幾間壽司店，曹長在轉角一條人龍停下．
曹長說 [你地去行喇，我響度排隊]．．．[嚇？排咩吖？]．．．[咪排頭先經過果間壽司鋪咯]．．．[嚇：O]
我問 [我仲未肚餓啊，啱啱先食完野]．．．曹長說 [嗯，要等 2個幾鐘架，你地去行喇]．．．[嚇：O]
6師兄去完廁所說 [我行過喇，曹長你帶拒地行喇]．．．曹長 [嗯] 了一聲，帶著我地三個女仔離開人龍．曹長先帶我地幾個女仔去廁所，指了一下在廁所旁邊毫不起眼的小店，告訴我這是第一間 [吉野家]．
[嚇：O]．．．很難想像眼前這麼小的店鋪，會變成一間牛肉飯王國．
對於吉野家的牛肉飯一點都不陌生，望著這間陌生小店，有點兒感覺很幸運．廁所後，跟著曹長走著，過了一些馬路，來到街市的另一邊．
這裡較剛才的小巷人多，有點水洩不通，要慢慢行．．．
除了和剛才那裡賣差不多既野，這裡還有賣茶葉、賣碗、醃制食品．．．[ar，這是．．．？]
曹長說 [這是木魚]．．．[吓．．．？]
曹長續說 [刨出黎咪果 D 咯，放响 D 野食上面飄下飄下果 D 呢．]．．．[吓？原來未刨之前係甘既樣架．．．]
曹長再解釋著 [嗯，魚黎架，制過唓]．．．[吓？魚黎架咩？無眼既？個咀呢？]
[嗯，切左咪無咯，去左骨，淨係攞舊肉去制吖]．．．[哦．．．]
EQ 奇高，沒有答到反眼既曹長，繼續向前行．這邊街市也有壽司店，還有路邊燒烤店，還有賣海產乾貨店，還有蛋卷．．．部份小店設有試食．
[嘩，呢款魚仔好味喔∼]．．．[嘩，好大條魚喔]．．．[嘩，蛋卷好 juicy 好甜好好味喔∼]
其中有間蛋卷小店，在店前設了一個爐即場教點整．．．才知道原來口中的那舊蛋卷要慢慢一層層甘去整．
曹長賣了串牛肉比我地食．．．[嘩，好好味喔∼好鬆化，好香喔∼]我地再行多左一陣，曹長領著我們起程返去壽司店．
沿途還是沒有放棄試食既我，都自覺真的要停口了，因為唔想食到個咀甘多味，心想 [我．要．留．返．個．味．覺．比．D．壽．司] 既時候．．．布甸說 [E，有乾果試 wor∼]．．．隨手我便攞舊切到圓碌碌橙色既乾果．
[嗯，好味喔，無一般乾果既糖精味，係一種．．．生果味．．．ar，但我一時間分唔到係生果喔．．．]
布甸說 [係芒果吖∼]．．．我開心地回應著 [哎吖，係哎係哎∼]．
跟住我地試埋士多啤梨、紅莓、仲有柿．．．問人 [how much?]．．．小店回答 [1000yen]．．．
心裡 [嘩：O] 了一聲．．．布甸與我對望，港幣 100 才手掌甘細包 =..= [好貴嗚．．．]布甸與我離開了這個路邊小攤擋，會合站在廁所門外既曹長，一起等待去緊廁所既小幽．
我們喋喋不休地向曹長說剛才試食既乾果，不過太貴所以唔買．．．
口是硬，但條脷偷偷地 lam 下又 lam下咀角餘下既乾果味．．．曹長說 [鐘意咪買咯]．．．[甘貴]．．．[甘遠黎到，咪買一包咯]．．．[嗯]．．．
[你係甘 lam 個咀角喇]．．．[ar]．．．[話你知吖，呢度就拆架喇，下次可能．．．]
未聽完，我已經一支箭走返去乾果路邊小店．．．買了 ar ．．．兩包：D本帖子中包含更多資源
您需要 登錄 才可以下載或查看，沒有帳號？註冊 Registerx
-
kky 發表於 2011-11-28 21:58
嗯，果日大約 8 點响大堂集合，對於去旅行黎講的確係幾早．．．
不過築地下晝 2 點就收檔，同埋值 ...Dr. 發表於 2011-11-29 12:39
八點???? 哇﹐你地都好遲下喎!! 我無記錯﹐我好似六點幾已經行人!!!本身約8點半....但個個唔知醒....9點先出現..... -
kky 發表於 2011-11-28 21:43
甘都仲記得．．．利害吖．．．
HAHA因為太過味個幾日既每一個細節啦 -
kky 發表於 2011-11-28 21:58
嗯，果日大約 8 點响大堂集合，對於去旅行黎講的確係幾早．．．
不過築地下晝 2 點就收檔，同埋值 ...
八點???? 哇﹐你地都好遲下喎!! 我無記錯﹐我好似六點幾已經行人!!! -
Hayley 發表於 2011-11-28 21:41
好想響築地拆之前去呀...成日都懶得滯唔想咁早起身
嗯，果日大約 8 點响大堂集合，對於去旅行黎講的確係幾早．．．
不過築地下晝 2 點就收檔，同埋值得去喔 -
Dr. 發表於 2011-11-28 17:52
你講"拆"定"擦"先? 快D補充啦!!!
同 [吉野家．創業鋪] 影張合照後，我唔小心踢開左人地 [擲住布招牌果舊石]．
[舊石放响塊鐵皮] 上面．．．所以踢開咪 [磅！] 一聲 -
幽靈 發表於 2011-11-28 08:23
你講溜左"擦"人照牌個段呀~
甘都仲記得．．．利害吖．．． -
好想響築地拆之前去呀...成日都懶得滯唔想咁早起身
-
Dr. 發表於 2011-11-28 17:52
你講"拆"定"擦"先? 快D補充啦!!!
拆呀 -
幽靈 發表於 2011-11-28 08:23
你講溜左"擦"人照牌個段呀~
你講"拆"定"擦"先? 快D補充啦!!! -
你講溜左"擦"人照牌個段呀~