東京不眠不休【為食之旅】(3)
-
DAY 1（續）．天黑
晚餐
去到大堂，其實已過了正常食晚既飯時間，問曹長 [我們還要等位嗎？]；曹長說 [在日本好食既地方要等位是閒事．]我們從酒店，再折返回剛才曹長攞定飛既地方，食店要搭電梯上去，有點似銅鑼灣專門做食店既單棟式建築物．
到達後，正如曹長所料，等候大堂還坐著一些人；front desk 既店員忙著先和曹長登記 及 點菜；
店員攞住張有彩色圖片既餐牌，有誠意地在精美圖片 及 價錢那兩個位指來指去，用英文向曹長介紹著；曹長用英文回覆他．
我向曹長說 [ar．．．拒頭先講咩話．．．唔係好聽得明 =..=]；曹長向我解釋 [呢個包埋咩咩，果個唔包咩咩，我地都唔需要咩咩喇，食打邊爐 okay 了]（哦．．．）等候其間直至我們入坐，我來來回回問了曹長多次 [新宿] 及 [打邊爐] 既日文點讀；曹長重覆又重覆著，最後我放棄了．．．
布甸幫忙解釋著那個日文是 [甜鼓油] 既意思，這個我聽懂了．等待期間，曹長去了一間劃開的小房間叉電；才發現多一點點日本不一樣的地方．
進去後，沒有打過日本邊爐既我，有點茫然．．．
曹長說著，日本打邊爐用甜鼓油加水做湯底，係甘小水就 okay，唔同香港既打邊爐一大煲湯．
未打過既我完全不知從哪裡開始．．．曹長說，因為甜鼓油味濃，打隻蛋落碗度，烚完既肉，點一點碗內既蛋汁再食．曹長說完後，我們像甴曱一樣四散．．．捉都捉唔住：D
點野飲喇∼ 我們再次入席，曹長幫我地點了一個任點任食，唔差在點埋任飲既餐∼
在限時既兩個鐘頭內，我們 5 個人吃了，2 round 雜菜、最少 12 碟牛肉 及 豬肉、3 round 野飲；
香港既打邊爐中途會加水，但日本打邊爐中途原來會再加甜鼓油及水．
蛋汁越食越深色，食完後．．．我共打了 3 次蛋，即生食了 3 隻蛋（嘩．．．）大家食到飽飽，尾聲仲叫碗飯，布甸用爐中用剩既汁送飯；六師兄就將成碗飯倒入個爐度，連埋 D 汁煮一煮．．．
見住飯與飯之間的水泡仔 [bu-lo bu-lo] 定晒眼．．．
六師兄問我試唔試一啖．．．飽到咪晒眼既我答 [嗚．．．好哇∼]甜品
曹長埋左單後，問我地去唔去試轉角果間拉面；我話 [痴線]．．．
但那邊箱問布甸．．．[你估呢度有無甜品呢呵 =..=]
曹長話，呢度無 [楊之金露，芝麻糊果 D 架喎．．．一陣去 seven 同你睇睇喇．]小幽問 [你又話好飽既？！]；布甸同我不約而同地說 [吓，兩樣野黎架喎]∼
我續說 [係喔，唔同味道；好似去個肚唔同既地方甘]；小幽 [兩個胃？！]（ar．．．=..=）去到 seven，曹長帶我到甜品凍櫃區，我簡左一杯 size 唔太大既 choc mousse；布甸 及 小幽買左 [溫泉蛋]．
我悟性低，當時有點不明所以，點解打邊爐食左甘多蛋仲要買隻蛋去食．．．
直到翌日早上，我食過既那隻蛋．．．終於明了．回到酒店房沖完涼，其實已眼瞓無比；躺在牀上，小口小口地嘆著那杯古古慕思．．．嗯∼
食完不足 3 秒便睡著．．．當然牙都無刷了：O（待續）本帖子中包含更多資源
您需要 登錄 才可以下載或查看，沒有帳號？註冊 Registerx
-
d牛牛同豬肉超好味呀~特別係雞蛋呀~
-
好有心思既文章, 最正都係D 漫畫圖
-
Dr. 發表於 2011-11-9 02:07
Here I come!!!都估到曹長會帶你地食放題架啦!!! 我食到怕左~~~真係會食到死架!!!
我每餐都淨係會求其揀間冇咩人唔駛等位既餐廳食！
所以基本上好似真係冇食過D咩好野，除左大toro sushi！真係超級無敵地正，響香港未食過咁正架囉(當然我都未去過高級日本餐廳，可能果D會食到)
唔知仲食左咩呢∼ -
對上一次食sukiyaki都真係已經係上次去日本旅行既事，響香港都冇食過，睇完你report勾起條筋想去食！！
你幅圖又笑死我，超正呀，我諗曹長真係咁既樣囉哈哈哈哈
我都想知溫泉蛋係點，未食過呀！
-
Kururu 發表於 2011-11-9 06:43
新宿係 shin-ju-ku, 我哋食既係su-ki-ya-ki , 中文係壽喜燒, 唔係甜豉油好在曹長糾正左,
我重以為真係用甜豉油tim....
差d做左天真mail -
日式打邊爐,好好味丫
-
haha,你攪到我一早睇完就好肚餓
-
Kururu 發表於 2011-11-9 06:43
新宿係 shin-ju-ku, 我哋食既係su-ki-ya-ki , 中文係壽喜燒, 唔係甜豉油
我睇完佢講打邊爐同甜豉油都笑死左！同埋shinjuku同sukiyaki，有咩可能分唔到呀XDDDDDDD，佢地唯一既相同係s字開頭...........
今晚返黎再覆，而家趕時間= =
-
新宿係 shin-ju-ku, 我哋食既係su-ki-ya-ki , 中文係壽喜燒, 唔係甜豉油
-
Here I come!!!
都估到曹長會帶你地食放題架啦!!! 我食到怕左~~~真係會食到死架!!!
你所講既溫泉蛋即係咩呢? 我catch up 唔到喎~~~
見你對mousse無恐懼﹐我就放心啦﹐哈哈哈哈哈哈哈哈哈哈哈.....
P.S. 係日本要排隊既食市﹐唔一定係好食﹐但一定係人氣店囉!!
