東京不眠不休【為食之旅】(2)
-
DAY 1．天黑
成田機場
地理差爆既我，完全對“新宿”既位置沒有任何頭緒，只記得好似有套戲講關於“新宿殺人事件”=..=
曹長說，大約坐 1 個鐘多 D 便會到達．成田機鐵較香港機鐵寬敞，仲有個手柄，可能這是與車程時間有關（香港機鐵由總站至總站也不過 30 mins）
安頓後，抬頭望到兩個螢幕，見到車站的路線圖，才“哦．．．原來新宿較東京還要後”（但實際東京又响邊，都係唔知．．．）
成田機場路線共有 10 個車站，我只聽過 3 個地方名：東京、涉谷、新宿．
新宿是全條路線既尾 2 站．想著想著，我又自自然然進入睡眠 mode，窗外景色沒有怎樣留意．
1 小時後，微醒了一下，看了看螢幕，機鐵到達東京．．．哦，仲有兩個站先到，等我再瞓多小小先 z z Z Z
直至曹長拍醒我說“新宿站喇”
還未睡醒既我，模模糊糊地跟著大隊落車．．．我的行李，好似係 6 師兄定係布甸幫忙拎落車 =..= 唔該晒嗚．．．新宿站
到達新宿，已是晚上時間．
是的，由早上食完香港機場既早餐，到達便已是新宿的晚上：
飛機 delay 了 1 小時、飛行時間 4 小時、等機鐵 30mins、機鐵車程 1.5 小時 = it’s a long way，好似返左一日工∼由新宿車站去酒店，要走一段路．．．我們先經過一個橋底．
是新宿站的路軌底下．．．嗯，可能我住香港果邊，沒有經過這類橋底，又或許我還未睡醒．．．
經過橋底時，聽到火車經過的隆隆聲，著實有點可怕．．．
快步走不了，因為街上推滿人．．．過了橋底後，曹長著我們停一停，因為他去叉電．
我襯這個時候，回望剛才經過的火車橋底，及看看眼前街道既景觀．這裡人口很密，建築外牆都被利用作廣告（有點似旺角及銅鑼灣的鬧市）；
和香港不同的是，人行路的佈局．．．除了商鋪自律地沒有將貨物擺在外面，佔用人行路空間；
人行路靠馬路邊種了一排樹，地面的鋪地有盲道，還有單車停泊位 及 吸煙區域．
我有點託異，馬水車龍．．．仲有人會踩單車？！跟住曹長走著走著，開始步入內街．內街很窄 及 近乎一個八卦圖陣的佈局．
不會相信眼前的建築物的闊度，有的只得 [兩個成年人張開手加埋] 甘窄，密密麻麻的小建築體，你貼著我，我貼著你．
望著那些閃來閃去的燈色，粉紅粉紫色系既色情場所廣告．．．我有點眼花．
但為免走失，我努力地推著行李緊貼著隊友們．整條街的內容很豐富，除了開宗明義的色情場所、林林總總的食店；還有寵物店、藥房．．．
還有，站在街上拉客既．．．小姐．．．及．．．先生．是的，是先生；唔．．．我愚昧，第一次見到滿街都是的．．．小鴨．
是的，是小鴨；唔．．．因為他們的年紀都很小，若我沒有看錯的話，我想他們才不過 18-23歲．曹長叫我們小停一會，他去我們晚餐的地方先行取飛排隊；
此時，我像小時候出貓一樣，面向住布甸，但其實雙眼周圍射 =..= 向布甸說：[嘩，我 12 點正果個，係極品黎架喎．．．]
布甸話，好既已經比人 mark 左，留响鋪頭入面；出黎企既，梗係唔多得．．．
我還以為，最好既先會安排企出黎，吸引 D 人去幫親添．曹長取完飛仔後落返黎，我們又跟著曹長走著走著，前往酒店．
酒店轉個彎就到了，路上還經過很多時鐘酒店，標價著 5,000 yen．
我問曹長．．．這是每小時的收費嗎？
曹長說．．．嘩，起碼都 2 小時 或 3 小時既收費喇∼ 1 個鐘，點夠攪吖？！（唓，點知唓 =..=）出發前，曹長曾經和我說，不要寄望新宿既酒店像上次去泰國既酒店一樣大．
Check-in 後，我們分成 3 隊上酒店房，我獨自佔有一個房間，進去後．．．[吓？] 了一聲．．．
放下行李後，便去個廁所．．．又 [嘩！] 了一聲．．．
小便後，小幽 及 6 師兄便過來我的房間，搵埋我落去地下大堂集合，準備一起去食晚餐．路上和他們閒談才知道，原來這是一個雙人房．．．再 [WHHHHAAAAATTTT ?!] 了一聲．．．
心想：房間唯一可以行走的通道等於一個人的闊度，兩個人的話應該大家都要側身而過．．．
心又想：相信這個雙人房，是需要一對非常合拍 及 非常有默契的戀人，並且深愛著對方才可以一起住 =..=6師兄續說，你留意一下廁所的細部構造，浴缸及地板是一件過，成件是預制件，沒有縫位．．．我 [啊∼] 了一聲．．．
飯後回去房間．．．此時，我才細味這個 [小斗室]．被 6 師兄這樣一提，及後的幾天，我始學習欣賞別人 [如何利用空間] 的智慧設計（待續）
本帖子中包含更多資源
您需要 登錄 才可以下載或查看，沒有帳號？註冊 Registerx
-
成田機場路線共有 10 個車站，我只聽過 3 個地方名：東京、涉谷、新宿 <<<< 係呀係呀~係e3個呀~kky巧叻呀~
ps : 你有冇望出窗外呀d街燈超唔夠........黑mama...超恐怖....感覺係會隨時比人湯死牛....... -
kky 發表於 2011-11-9 01:51
thank you for your support again...~
wow, seems quite lots of you are frequent flyer ...
haha not anymore la~~ cant go to Japan for a long while now ~~
-
Dr. 發表於 2011-11-9 02:05
Johnny's 事務所丫﹐K嬸! 木村果間經理人公司呀!
你好叻呀，咁你都知，果然係走在時代尖端既大叔internet真係偉大
-
kky 發表於 2011-11-9 01:55
哈哈，謝謝 Hayley 甘有心既 reply∼ 下幾節會多 D 相架．．．比多 D 時間我．．．
其實我個內心幾麻 nu ...
唔好玩啦...女生男相既意思係係女仔但睇落去係男人樣
同埋你內心都一D唔會似男仔囉...睇你平時寫野都知啦，睇黎你D朋友真係未見過男人婆可能佢地會直接覺得我係人妖你點能夠連Johnny's都唔知架！
可能講木村、SMAP、Kinki kids果D唔後生既你都唔識，要講少年隊、近籐真彥你先知呀K嬸！ -
kky 發表於 2011-11-9 01:55
哈哈，謝謝 Hayley 甘有心既 reply∼ 下幾節會多 D 相架．．．比多 D 時間我．．．
其實我個內心幾麻 nu ...
Johnny's 事務所丫﹐K嬸! 木村果間經理人公司呀! -
南，C.C.，yeungycs：謝謝你們看畢報告，感謝支持∼
-
Hayley 發表於 2011-11-7 19:47
正確黎講，佢地係小牛...係小牛郎！
我諗未必真係賣身架！
哈哈，謝謝 Hayley 甘有心既 reply∼ 下幾節會多 D 相架．．．比多 D 時間我．．．
其實我個內心幾麻 nut 架 有朋友話過我女生男相 =..=
不過，什麼是 johnny's 吖 -
kitkit 發表於 2011-11-7 14:12
WOW, i love japan so much, I used to go there 4 times a year before the earthquake Now, I am not ...
thank you for your support again...~
wow, seems quite lots of you are frequent flyers to japan
as for me, japan is so fresh...~ -
Dr. 發表於 2011-11-7 02:40
原來你未去過東京咩?我除左頭一次去東京住新宿之外﹐之後住過一次池袋﹐之後次次都住涉谷﹐貪佢房大同 ...
其實以前曾經跟團去過東京，但去的是 [迪迪尼] [哈囉咪咪 land] [富士吉] 甘．．．
唔會有機會响條街度行 同埋 搭地鐵．除左歌舞伎町有中國佳麗，食店既店員都有好多講國語既女學生喔∼
-
你張圖真係簡單易明完全明你點解囧.....
-
忍唔住要講句... i love Japan...
-
是的，是先生；唔．．．我愚昧，第一次見到滿街都是的．．．小鴨．正確黎講，佢地係小牛...係小牛郎！
我諗未必真係賣身架！向布甸說：[嘩，我 12 點正果個，係極品黎架喎．．．]哈哈哈哈哈哈好harsh呀！！做咩成個麻甩咁！？
學布甸話齋，正果D梗係留響店入面做王牌林下女飲下酒架啦！
係D"極品"，或者新仔先要企街架嘛！
再講丫，日本邊有靚仔架？靚仔果D已經入哂Johnny's喇！進去後．．．[吓？] 了一聲．．．
放下行李後，便去個廁所．．．又 [嘩！] 了一聲．．．心又想：相信這個雙人房，是需要一對非常合拍 及 非常有默契的戀人，並且深愛著對方才可以一起住 =..=你既反應同內心OS笑死我！！XDD
不過東京比較平既住宿一定係咁架喇，何況仲係大JR站附近既地方，唔好話住幾日既酒店，連好多人長住果D weekly mansion都係咁既款，同香港果D service apartment差天共地，好難想像點樣長年累月屈響間咁既房...響東京冇錢真係唔駛做人...
但其實唔係東京既話相宜既價錢已經可以住到好正常decent既酒店！6師兄續說，你留意一下廁所的細部構造，浴缸及地板是一件過，成件是預制件，沒有縫位．．．
六師兄唔講我都真係唔知喎，一講我諗返以前住過池袋既套房又真係無啦啦個廁所係高過間房一級，地下踩落去係有D空心既聲咁，原來係組合黎既！又識多左D野！多謝六師兄同kky！期待下part！(可唔可以要求多D相呀？)
-
KKY師姐畫d圖好okay喎~XD
簡單易明 -
WOW, i love japan so much, I used to go there 4 times a year before the earthquake
Now, I am not allowed.... damn!!Rooms in Shinjuku is really small, unless you go to those nice brand hotels e.g. Hilton, they have super big room~~ American stuffs are always bigger for some reason~ HAHAHA (Ours are not too bad la!!)
Waiting for Part 3~~
Thanks K-KY!!補充內容 (2011-11-7 14:51):
hehe also forgot to mention!! Nice pic, you sure have job sickness ^^ -
原來你未去過東京咩?
我除左頭一次去東京住新宿之外﹐之後住過一次池袋﹐之後次次都住涉谷﹐貪佢房大同靠近我活動範圍! 新宿我必去既地方都已經無左啦........
歌舞技町裡面好多小姐都係中國佳麗黎架﹐賺外匯嘛!! 小鴨係唔係﹐我就唔知啦!