哈囉喂搵咩鬼 之 搵到既感覺
-
本帖最後由 kky 於 2011-11-1 19:03 編輯
前言除了因為要儲夠洋洋萬字了左件心事，這次還是我人生首個哈囉喂派對，所以雖然遲了，但仍堅持去寫．
這次的遲來既動後感，一來是放假前夕工作特別忙，二來是我不知道應否繼續以描寫文方式去寫．記得曾在動後感回覆中見到 [你都寫晒，其他人好難寫落去]，又或 [你寫得甘詳盡，我都無咩補充]．．．尤其在上回既動後感見到 [詳情請見 XXX report]，又或 [相信大家都清楚]．．．我很猶疑，是否寫得過於平鋪直述？是否寫得太正經？
腦筋閉塞，所以走去睇返自己曾寫過既動後感．．．睇落才驚覺自己已加入 SBC 兩年多，雖說中途暫別了一年，但也參加了 16 次活動（都黎得好密下）．．．曾寫過 15篇動後感，1篇非活動後感想．．．原來以往的動後感，多形容自己的感想，少形容成個 party 既過程．
對於主題活動，[動後感] 彷彿多了一份 [對主持人所花心思] 既一份謝意，所以不自覺地寫得好詳盡，好希望其他沒有參加既會員，可以一起感受到當時的氣氛．不過，是次動後感不會見到描述詳盡既情節，而只會有個人感受．．．凌亂感覺．．．開始：想扮 [小姐][kky，果日你想扮咩吖？若要 thru 我地訂，要簡喇，因為要 group 埋一齊買．]
現實中，我曾想過做 [小姐]，還在網上 search 過有關 ESCORT 的網頁，網頁內容原來都幾健全下．．．除了 [明碼實價給客人]，還有 [入職要求]，[應徵者的 Q & A] 及 [申請入職的表格] 等等．
對這個行業存在的一點幻想，全因友人在啤酒時間提及他在生意上和 [小姐] 一起的體會．他說，[小姐] 除了穿著得體，談吐亦非常有智慧，什麼都答得上咀，不論時事八卦及新鮮智識．我想在．．．不單單是現代，還有古代的技藝及青樓，[小姐] 除了樣貌及酒量，琴棋書畫樣樣皆精．
現實中沒有這個能力，難得有角色扮演．．．當然是想扮 [小姐] 試試看了．[Dr. 唔該你．我簡左兩款衫：首選係 XXXX 號，次選係 XXXX 號．我想扮小姐或者阿拉伯女郎．．．]
失策既係，我無留意旗袍係一件入膊衫．．唯有真空．．．還有，唔識化妝．．．雖然我自以為化了妝，但我唔識化 Hayley 說最重要的眼睛，且烟脂唔粉紅等 =..=細膽 vs 門鐘看人家或被人家看屁屁、食眼珠、食屎．．．也不如我被鬼鬼祟崇既門鐘嚇了一下震撼 =..=
沒有秘密腦轉數超慢 + 口齒不伶俐，不懂招架 Dr. 像機關鎗一樣既問題，仲忟憎地打起交．鬥力下，攪到大汗淋漓．．．連 [格勒底濕晒] 都被 Dr. 大大聲笑住講出黎．．．我深信 SBC 真的是沒有秘密 =..=
又係你？！[又係你？！] 出自sendmail 口中，在他揭開張被後，說的．．．謝謝這位 [你]，不嫌悶 [又係我？！]；
[你倆個甘攪法梗係熱喇] 出自唔知邊位師兄口中．．．師兄响隔離牀，見住我邊說著好熱好熱，仍堅持蓋住張被；
[哎，我地又傾下計先] 出自 Dr. 把口．．．我以 [啍] 字及擰轉背回應．．．另一個角度看 party執拾，原來可以看到 party 中留意不到既事物；用另一個角度看 party．
邊欣賞邊除下牆上及門框的裝飾，吊飾、吊掛、門鐘、蜘蛛網及鈎在上面既小蜘蛛、一個個吹好的汽球及貼在後面的膠紙、飛晒邊既字、cut 好一張張小咭既 name tag 及 baggage tag．．．
還有一件件遺留下來既服裝、面具、帽、腦皮、彊屍牙．．．親手觸及與單肉眼看是兩個感覺，有些我都忘了是那位著過，有點陌生．．．
服裝及裝飾還可以重用，但為了 hygiene，毛巾用完一次便會棄掉．．．我在想，如果不單是男會員，女會員都可以帶毛巾．．．會多好．完成的諾言[洋洋萬字] 及 [幫忙執拾] 既歷史要追溯於某次活動，我為多謝 Dr. 而許下的諾言．
雖然 Dr. 話唔係要分幾篇，而係一篇過既萬字動後感；雖然 Dr. 話我是次執完好似無執一樣，又說就算我執完拒都會再執過；
有點似，一個自以為很好心地的小朋友，硬拖阿婆過馬路，其實阿婆都唔想過馬路 =..=不過，我自覺這個諾言已盡力完成．．．心事完結，可以安息．．．後記是次動後感前言寫了這麼多，全屬感想既一部份，無意詐騙字數，[為寫而寫] 也不是我的作風．感受來得較凌亂，甚至乎和派對既主題拉不上關係．對於 Dr. 為 party 所花既心思及時間，只好放在心裡；謝意盡在不言中．
-
kky 發表於 2011-11-9 01:06
大馬，你甘少回覆，連你既回覆都賺埋，我會繼續努力做返自己寫 report 的．
沒想過你我只有一面之緣，但 ...
感謝妳的祝福~我也想可以透透氣....
-
kky 發表於 2011-11-9 00:41
嗯．．．的確係一個叔輩級人馬，因為我都係大嬸了
係既﹐K嬸!!! -
大馬 發表於 2011-11-7 09:01
kky, 其實我好喜歡看你的報告, 全因為你將心中所感, 盡在文字中表露出來。
遊記不寫也罷, 但心中之言, 對 ...
大馬，你甘少回覆，連你既回覆都賺埋，我會繼續努力做返自己寫 report 的．
沒想過你我只有一面之緣，但可以得到你的支持，感謝你看畢我的動後感．那次見到你，是我第一次參加 SBC 的活動，所以很怕醜；
不過，我的怕醜到現在也沒有怎樣進步過 仍然 act 得像個新人．．．嘿嘿．大馬，生活迫人，在你未找到一些小空間，這裡未嘗不可充當一下你抖抖氣的地方；
希望你有天可以放鬆一下，找回自己的生活 -
Dr. 發表於 2011-11-6 00:12
你呢個朋友都應該係叔輩級人馬﹐依家仲邊有呢D小姐呀?
嗯．．．的確係一個叔輩級人馬，因為我都係大嬸了 -
star_glass 發表於 2011-11-2 01:30
支持KKY姐姐..
玻璃妹妹，謝謝你的 support 喔HelloFriend 發表於 2011-11-2 08:44
kky支持妳Hellofriend ，謝謝你的支持kw958 發表於 2011-11-1 23:22
支持小師妹~謝謝愛護我既三師兄 -
Hayley 發表於 2011-11-1 21:37
First of all...
現實中，我曾想過做 [小姐]...
謝謝 Hayley 噴了既支持 雖然你成日話寫甘多字，唔知有無人睇哂；我想話我有睇哂，仲好鐘意睇你既寫實 report 架∼ -
kitkit 發表於 2011-11-1 20:15
Hi Hi~~ have been waiting for your report ne~~ super support you!! You are the best chinese write ...
thank you, kitkit...thank you for your support and nice wording i'm not a writer la, aiya =..=
ar......still remember the hot -
Dr. 發表於 2011-11-1 19:22
睇得出你好亂!!! 哈哈哈哈哈哈哈哈.....你執得好好丫﹐又要我以身相許咁報答你呢?!
咩 [又] 以身相許吖．．．都不曾有過，別誤導觀眾喔
但 Dr. 每次都甘有心機睇 report，謝謝你的支持．．．日本之旅既 report 做返自己了 -
本帖最後由 大馬 於 2011-11-7 09:03 編輯
kky, 其實我好喜歡看你的報告, 全因為你將心中所感, 盡在文字中表露出來。
遊記不寫也罷, 但心中之言, 對主持人的默認與支持, 郤實在千言萬字也不能盡說。可恨我只見過妳一次, 也可憾是我忙得沒有了生活, 沒有了時間, 不能參與活動再一次結識妳。
在此希望妳可以繼續妳的作風, 把妳對出席活動的所想與所感以文字完全地表現出來,
好讓我這些活在世上但不知快樂是何模樣的行屍酒肉, 可以透過妳的文字去感受一下活動的快樂!謝謝妳
大馬 -
對這個行業存在的一點幻想，全因友人在啤酒時間提及他在生意上和 [小姐] 一起的體會．他說，[小姐] 除了穿著得體，談吐亦非常有智慧，什麼都答得上咀，不論時事八卦及新鮮智識．我想在．．．不單單是現代，還有古代的技藝及青樓，[小姐] 除了樣貌及酒量，琴棋書畫樣樣皆精．
你呢個朋友都應該係叔輩級人馬﹐依家仲邊有呢D小姐呀?
腦轉數超慢 + 口齒不伶俐，不懂招架 Dr. 像機關鎗一樣既問題，仲忟憎地打起交．鬥力下，攪到大汗淋漓．．．連 [格勒底濕晒] 都被 Dr. 大大聲笑住講出黎．．．你真係好記性﹐我有話你格勒底濕晒咩??? 我地有打交咩???
不過，我自覺這個諾言已盡力完成．．．心事完結，可以安息．．．
還完息﹐係時候還本啦!!! -
支持KKY姐姐..
-
First of all...
現實中，我曾想過做 [小姐]...我噴了。
Last but not least...(hahahahaha)
對於主題活動，[動後感] 彷彿多了一份 [對主持人所花心思] 既一份謝意，所以不自覺地寫得好詳盡
呢個係我寫得咁詳盡既主要原因，平時我通常都係[發生既野]+[感想]各寫幾句就完了 (仲要可能係point form)
寫野寫得太detailed其實唔係exactly我style，因為寫得太長氣同貼近現實都係幾唔浪漫既一件事，不過通常活動唔會trigger到我D寫作靈感同文藝氣息(有存在過嗎？)，所以最後都係記者上身咁寫report...不過學Dr.話齋，自己想寫咩咪寫咩囉，我手寫我心丫嘛，唔好淨係寫[到此一遊]或完全唔寫已經好好呢！拿，反而遊記呢D野我就覺得要寫得好詳盡先有佢既意義囉！哈哈哈哈哈哈哈哈！
-
Hi Hi~~ have been waiting for your report ne~~ super support you!! You are the best chinese writer!! You can write a book about the club!!~~ Woohoo, see you soon babe!
P.S.
-
睇得出你好亂!!! 哈哈哈哈哈哈哈哈.....
你執得好好丫﹐又要我以身相許咁報答你呢?!
今次無左你既特色啦﹐咪鬼理其他人啦﹐你想點寫就點寫﹐咁先係你既野!!!
返屋企再同你 Word count﹐哈哈哈哈哈哈哈哈.....