東京不眠不休【為食之旅】(12)
-
DAY 4．天晴．都仲係凍（腰圍 +5吋）
早午餐
今早較昨天早上既集合時間再遲了一點．．．不過，仍然眼瞓 =..=
拖著疲乏的身軀，再推著兩件行李往酒店大堂．
條腰很痛．．．唔止我，仲有布甸．．．我地半彎著腰，學著 6 師兄教我地做既伸展動作．．．
布甸諗起一個廣告．．．說：[如果拒識得係 4 個星期前飲安怡，情況會唔一樣．．．] =..=我們退了房，將行李寄存响酒店，向我地既第一餐出發：D
曹長帶隊，我從來都唔會問我地去緊邊，準備去食 D 咩．
總之上 JR 就瞓，被拒篤一篤個鼻就落車；入到餐廳就坐住等食，唔需要睇餐牌，唔需要煩食咩．今早我們直接搭 JR，行了一小段路，曹長在一條小樓梯停下，說 [就係呢度]．
小幽同我，好快影完．．．因為鋪頭既入口真係．．．好細 =..=樓梯好窄好直．．．有 D 似巴士果條樓梯．．．分分鐘比巴士果條仲要直．
每級又好高，我細粒又矮，差唔多扶住兩邊扶手，爬上去甘濟 =..=鋪頭如樓梯一樣，好細．．．大約坐 15 個人左右．
廚房是全開放式，煮野食既鐵板、雪櫃、工作枱、洗盆盤．．．全部看得見．通道亦很窄，只有一個人甘闊．．．老闆示意我們坐下．．．當然了，我們不坐下，他跟本無法行過黎 =..=
我除了外套，除埋個背囊，有點茫然加不知所措的眼神看著老闆 /-..-
他微微笑示意我拉開坐椅下的小抽屜．．．[嘩，好細心既設計喔∼]，我將手上既物品全部塞晒入去，坐好∼老闆又微微笑地向我地三個女仔遞上一人一條紙圍裙．．．原來我地三個對正個鐵板∼
著好紙圍裙後，師傅响我地三個面前從雪櫃攞出幾塊牛肉，咭咭咭，然後放响鐵板上．．．
我同小幽好似癲左甘，對住師傅狂影 =..= 影 movie 少不了，見著他將牛肉反來反去，切開一塊塊，及加汁等等．．．
都唔知老闆原來已為我們送上沙律、面豉湯、同埋白飯．．．（E？白飯？．．．先醒起，我地唔係去食早餐咩？）枱面位置有限，我諗都無諗，便將面前既沙律清理掉∼
消滅後，老闆便送上各人一塊剛剛煎好既牛排一件．．．我好快影左一張，就忍唔住食了．除左好味．．．我唔知可以點樣如何仔細形容面前那啖牛肉．．．juicy、鬆軟、牛肉味濃郁 =..=
响我地食緊既時候，已陸續有人排隊．．．看看鐘，時間都未到中午時間喔．．．？！
那刻才明白，原來係呢度太受歡迎，如果到食 lunch 時間先黎，一定爆滿：O午餐後小吃
我食完後，曹長著我先到樓下排隊，他去找數埋單．．．我說 [哦∼！] 便衝落樓．．．
落到去，只見轉角有一條很長既人龍，我便排了．．．
只是，究竟排咩，我唔知道．．．但見到旁邊又有另一條排甜品既人龍．．．
到小幽落埋黎，我就叫小幽幫我排住我排緊果條人龍，我去排甜品人龍∼就這樣，果頭先食完一個 bunch set 果頭又接住食了兩個 snack =..=
兩個 snack 分別有：肥膩炸牛肉球 同埋 豆蓉夾餅：D
食完行左一陣，我地便返去攞行李，準備去機場了∼午餐後甜品
曹長說 [無謂甘多人去酒店攞行李喇，你地响 JR 行下街，我同 6 師兄去攞得喇]．
小幽同我，唔敢行太遠．．．行左幾間化妝品鋪頭，就去廁所，準備坐長途機鐵了．去完廁所．．．竟然比我地見到間．．．好靚既 cake shop 嗚 =..=
我地快快手手簡左兩件，仲比我地遇到一個 [同我地一樣有數 coins 障礙既 cashier 妺妹]：D往成田機場
上到機鐵，小幽同我都急不及待將蛋糕拆開：D 一件 cheese cake，一件 mango 千層∼
6師兄坐向另一邊，啋都無啋我地，就咪上眼瞓左．．．而我地就食得好開心∼
總感覺成個餐，要食埋甜品，先至夠完整．．．
就這樣，我地好滿足甘，咪埋雙眼坐機鐵去成田機場．
開心地完成這次東京不眠不休【為食之旅】．．．想著這幾天從未嘗過既美食，有 D 擔心自然會唔會咀刁左 =..=本帖子中包含更多資源
您需要 登錄 才可以下載或查看，沒有帳號？註冊 Registerx
-
bb8467 發表於 2012-1-10 06:39
I LIKE JP!!
謝謝幫襯 同埋 挖返個 post 出黎，remind 左我未覆其他人既 message．．．
我並沒有特別喜愛一個地方，只 enjoy 一班人去玩去食甘：） -
Dr. 發表於 2011-12-28 17:58
果然係狂食不休團﹐我想知牛排店係邊頭喎!!!
吖．．．衣個要請教下話事人喇：O -
bb8467 發表於 2012-1-10 06:39
I LIKE JP!!
你似乎都鍾意北海道喎﹐連頭像都要係薰衣草! -
I LIKE JP!!
-
果然係狂食不休團﹐我想知牛排店係邊頭喎!!!