東京不眠不休【為食之旅】(11)
-
DAY 3（續）．天黑．仍然凍（腰圍 +4吋）
晚餐
坐上 JR，曹長帶我地去另一個買野既地方．．．仍然是坐車就瞓既我，唔知呢個係咩站，只見到有好多招牌燈，繁華熱鬧人多車多．
曹長在一間單棟式既鉛筆大廈停下，我地一起對鐘，約好集合時間，然後四散．
單向既我，只懂轉身直往這棟鉛筆大廈，開始行 mall （及後才知道他們分別去了其他大街行喔 =..=）仲用緊舊式電話既我，無鉸到當地時間，行下行下．．．突然見到鋪頭入面既鐘（E？．．．死喇：O）
我狂奔去集合地點．．．要大家等，唔好意思 =..=曹長說 [試下呢間，若果食唔飽，我地再去第度食]
見到門口既兩隻小鑊鏟，我同小幽又影影影．．．店內都幾煙下，見到每枱都有個方型鐵板．．．曹長問 [你地想自己煮，定叫人幫手煮]．
6師兄答 [嘩，梗係叫人黎整喇，你信得過拒地咩（指住我地幾個女仔 =..=）]
曹長續說 [嗯，我都係甘話]我地共叫左 4 款薄餅，曹長留起左一款比我地自己煮．
鋪頭派左個好 kawaii 既女仔幫忙為我地煮薄餅，拒仲識講國語既添 =..=
曹長話有好多留學生出黎做 PT，呢個女仔可能係台灣黎既．．．
曹長說，喜歡以前語言不通，指指下先好玩．．．衣家下下講埋國語，都唔知自己去左邊 =..=曹長留下的一款薄餅，由小幽主持．見拒起勢地係甘炒，真係小 D 力都唔得．
[嗯，味道不錯啊∼]．．．小幽謙虛地說 [ D 料準備好晒，好易唓：）]
加埋木魚碎同埋醬汁，賣相媲美店員小姐的手勢喇∼食完薄餅，意猶未盡．．．曹長幫我地 3 個女仔點了甜品．
係一杯 [綠茶雪糕] 加 [紅豆蓉] 加 [湯圓]．．．撈埋底下既 [麥片] ^o^/ 又脆又甜．．．好味喔∼
曹長問 [飽嗎？]，我答 [飽：O]晚餐後小吃
我地坐 JR 返回酒店，途中在一間串燒店前停下．
曹長問我地 [想試下串燒嗎？]，我答 [想：O]（有點似大人問小朋友 [今日乖唔乖？] [乖：O]，只順口回答但不知其義=..=）
曹長熟練地推門內進往樓上去．．．我們又跟著他．．．串燒店既店員係另一個 kawaii，又係講國語的 =..=
坐下後，大家分別點野飲，我地叫左凍 sake，曹長叫左熱 sake．
送上黎既凍 sake，用小碟盛著，kawaii 將酒倒滿，酒溢出至小碟上；kawaii 說，可以先將杯內的酒飲掉，再飲小碟內的酒．先送上來既是馬肉刺身．．．我扁著咀，看著曹長，曹長說 [食喇，咩都試下吖]
馬肉刺身本來要夾著生蒜吃，但我唔食蒜，所以就甘食生肉．．．
嗯，這啖係我去日本食甘多餐，最麻麻地既一啖 =..=其他陸陸續續送上來既，都係烤熟左既：D（好香喔∼）
除左魚春外，其他都咭好一串串．．．
牛肉、豬肉、雞肉、雞尾、茄子、雞心．．．
最記得既係咭得好特別既雞翼、同埋和香港唔一樣既雞軟骨．
香港用既雞軟骨係 [雞翼既轉彎位]，日本用既雞軟骨係 [雞胸肉尖尖果個L型軟骨]．我地將用完既竹簽放响 [收集小杯] 內影相，曹長說 [甘都影？！成個香薰爐甘∼]
由於今晚係是次 trip 既最後一晚，所以 6 師兄、小幽、同埋我一齊去左激安作最後衝刺，shop 到 3 點幾 =..=
回到房中．．．沖涼、執野 pack 喼．．．瞓上牀時，已經沒太大知覺．
心想：真係留多日都頂唔住 =..=本帖子中包含更多資源
您需要 登錄 才可以下載或查看，沒有帳號？註冊 Registerx
-
Dr. 發表於 2011-12-27 22:40
依家日本大部份舖頭都收銀聯卡﹐同有講普通話既員工﹐鬼咩﹐全世界好似得返大陸人消費咁﹐依家去到邊都一樣 ...Kururu 發表於 2011-12-27 23:34
仲要係馬肉Toro...吓．．． 我真係唔得咯．．．仲記得拒响我個口果陣血腥味 -
Kururu 發表於 2011-12-27 23:34
仲要係馬肉Toro...
下次打包我食!!哈哈哈哈哈哈哈... -
Dr. 發表於 2011-12-27 22:40
依家日本大部份舖頭都收銀聯卡﹐同有講普通話既員工﹐鬼咩﹐全世界好似得返大陸人消費咁﹐依家去到邊都一樣 ...
仲要係馬肉Toro... -
依家日本大部份舖頭都收銀聯卡﹐同有講普通話既員工﹐鬼咩﹐全世界好似得返大陸人消費咁﹐依家去到邊都一樣!
另外馬肉係極品黎架﹐你竟然........唉~~~