9月大船河時代
-
作為夏天的重頭戲，又點少得去遊船河呢？！去到指定地點後就見到一群型男美女走黎，同大家簡單咁打過招呼後越黎越多熟悉的面孔出現，各位美女既著裝亦令到本就炎熱的天氣更加火辣。上到船後見到大家開始做準備功夫時我先醒覺到，原來出門口前放低左副超。。。難怪全日都光燦燦咁樣 =_=;;
乘風破浪的前進，享受海風的輕拂，感覺真心一流，花生第一時間搶佔先機搵到個月頂而有得遮太陽既地方，完美既位置XD
當船緩慢停靠時，我地已經到達目的地，大家亦開始漸漸準備防曬用品，能夠幫BELLE的玉背搽防曬實在太幸運 XD
同時船頭有數位男生聚集，事後當日回程時先知發生咩事。。。XD作為船河用品，有各式造型的浮波水泡，但大家亦都為打氣泵的用法苦惱左一陣間 lol
#同場加映1：呀咸(差小小)漂流記以及羅倫斯跳海勇救呀咸！真心型！型既點在於完全係下意識咁跳，連眼鏡都無除就跳！
#同場加映2：天狼星(差D)遇險記，果然浮波水泡的綁法真係可以好考功夫...對於我黎講，縱使船同水泡在旁又識游水，要就咁唔戴水泡跳落海，都要下小小決心。
玩左一大輪水，各位都開始返上船食飯，船上到會食物都好好食呢！決定唔再落水就開始沖乾淨身上的海水，痴立立感覺唔太舒服。
事後同大家傾下計，享受下喺船上既時光，都真係好正好放鬆。
到時間差唔多開始要回程既時候，全日最最最重頭戲總算黎料。
#同場加映3：大航海時代！人人都係風帆船水手！大家都係海上男兒！
因為一啲原故，大家必須純靠手力將船錨拉上水面，船錨本身亦有一定重量，所以船上仍有空閒時間的男子都有走黎幫上一手，無論負責拉錨上水定維持船錨當時高度的大家都好辛苦。呢個經驗實在係難能可貴，真心難得！回程時坐船頂傾下計，睇下晚霞，真係好放鬆！
泊埋泊位之後，大家都開始肚餓，好彩仲有兩三盒未開封既的食物，再幫手清理還原下船上的環境，無幾耐就離開呢個樂園返回現實世界。
@phil ：新朋友，好FRIENDLY，好高興認識你
@Warren ：全日都唔多見到你，又好似四圍都見到你咁？
@belle ：多謝俾機會我幫你搽防曬，希望我對手唔會太鞋整親你
@lloivneg ：完全感受到你果刻既尷尬
@kush : 多謝KUSH安排呢一次的活動！真係好享受！好開心！好放鬆！
最後祝大家月餅節快樂！人月兩臀圓，臀比月更圓
-
@sirius 唔使客氣，我見你水性都好好丫，仲有隻鶴，唔怕既
-
@hello 好呀，我會好細心咁確保每一寸都有搽到
-
@felix 下次幫我搽
-
@felix 好彩有你黎救我
-
@dustin HELLO DUSTIN，總有機會一齊玩既
-
除咗正餐重可以sailing,好开心 希望下次我都可以参加
