回歸大自然 - 呃飲呃食騙
-
話說呢一日應該係撞正生理周期性不適，點知原本準到不得了嘅日子錯鬼咗，之但係換來嘅係心理不適。 於是就係當日嘅下晝，搵Boss 同佢講好似冇乜唔舒服啦，問佢可唔可以夜啲嚟呃飲呃食。 最好嘅Boss 當然係話「可以」啦。 就係咁，我就跟返正常嘅時間表夜麻麻咁就到你活動場地開始我嘅呃飲呃食之旅。 一嚟到，就有猛男開定門等我。好好哦！ 一入門口， Boss就問我有冇出汗：「冇就埋黎攬下啦。」 口話唔攬，身體就乖乖咁行咗埋去，咁親愛嘅Boss唔攬下又點得丫。 坐低又有猛男幫我斟酒，又有美人餵我食蛋糕，又有美女為我煮餃子煮菜。 我一個人就差點食曬成個蛋糕，然後鯨吞左五隻餃子再加碟菜。 同Baby邊傾邊飲邊食，不停食又不停飲，多謝你陪我。 然後再同Boss飲，又再同大家吹水再不停食朱古力、薯片，總之就飲飲食食啦。有得飲有得食我就最開心啦。 其實圍埋一齊吹水，都有分享吓以前嘅經驗嘅，以前真係可以玩得好瘋狂㗎。只不過係時間唔同咗，我已經由party 開始到尾都fully occupied, 變成長時間occupied咗個廳。真係唔好意思，哈哈… 好啦，其實大家嚟到同一個空間，相信各人都有唔同嘅需要，都相信有緣嘅話，我哋都會搵到屬於自己嘅位置，適合嘅玩法。我仍然相信，我自己都會繼續搵返嚟。 多謝咁多位嘅包容，更加多謝Boss容許我明目張膽咁話要來呃飲呃食都話「可以」。愛死你啦！
