2019 第一炮
-
襯住2019年第一個活動完畢，新嘅會網亦都出台，希望俾到大家耳目一新嘅感覺。Android version mobile app 偷步出台先，iOS嘅版本，會過多幾日先出台，所以用iphone嘅會員就要等多陣啦！ 大家要多留意，手機app呢一兩個禮拜可能需要更新得頻密啲，又或者會experience不尋常嘅lag機情況，皆因我哋會搬hosting service，所以萬一遇到呢種情況，唔駛太擔心，隔幾個鐘就應該正常返㗎啦！ 好嘞，official嘅野交待完。 2019第一個活動，原本順便安排咗位女新人Garfield從外地回歸同大家切磋一下，好可惜貴人事忙(唔係善忘)，最後都因為太多私人事務而唔能夠出席，真係一個損失呀......佢。哈哈哈哈哈哈哈... 不過唔緊要喎，話晒一九年第一個活動，當然有好多聖誕期間餓到依家嘅一班色鬼會搶野食嘅！ Chanel, Ian呢對餓鬼，人腳未齊都已經急不及待開波，仲不停發出銷魂嘅呻吟聲！ 又唔知幾時，CC又加入埋戰圈。新一代口水佬(成功接咗我棒）Woody又時不時教人上dating app搵老公，又教Candy「梗係攪咗先啦，攪野唔夾又點繼續啫...」，真係好有智慧，哈哈哈哈哈哈哈。 Super Mario 都好早嚟到，2019年好希望你可以發揮到你嘅小宇宙，有人同我講讚你係暖男，不過有時嚟到party太暖，可能少咗份激情，自己拿揑一下啦！ Leslie同Cavalino咁啱一齊到步，我響防盜眼見到Cavalino爭啲唔認得佢，好似好攰咁樣。Hey man, don't work too hard. SBC needs you. The gals need you!
去錯咗地方搵唔到會場嘅QueenB好耐無見，呢晚無太多時間陪你講吓爛gag，供應啲正能量俾你，不過得閒多啲出嚟減下壓，絕對係好事嚟，事情總會過去，Ups and downs 係平常事，總之活在當下，唔好俾自己後悔嘅機會！期望開心活潑嘅你快啲返嚟！ 係我忙緊嘅時間，不斷有其他會員到達，我聽到Sophia，KKY，圓圓，Quinn, Jacky888把聲，但寧寧舍舍有把聲唔認得嘅？哦，原來係好耐好耐無見又靚咗好多嘅Elmo！ 新嘅一年，酒水梗係唔少得啦，兩枝黑糖梅酒係咪好好飲呢？你哋真係當水咁飲，三枝紅酒同兩支Choya Black一陣就飲鬼晒！見你哋飲得咁興高彩烈，我又點會俾佢停呢？More wine and more food is on the way! 呀喬呀喬，你終於蒲頭啦，雖然你只係曇花一現，我下次唔會放過你㗎！ 當晚仲有病咗嚟唔到嘅Priscilla，同埋話「屋企唔放人」嘅Phoebe(要反你眼囉)！不過最誇張嘅，應該係黑過墨汁嘅Souki，事源呢滴墨汁黑到手機無電，「開唔到機搵唔返個地址又唔知點算，炆到爆返歸算數」！ 嗱嗱嗱，「科技進步，記憶退步，腦袋退化」又一例證，下次走去商場或者coffee shop，或者問路人甲借個尿袋開一開機咪得囉，又駛乜炆喎！