11周年有感
-
個會十一周年，咁即係我都響個會有十年啦。你問我呢十一年嚟有無變化，咁當然有啦。最主要咪就係轉咗主持人、轉咗場地、轉咗用手機平台囉。 就我個人而言，最大嘅改變，相信係怕party太多人。記得由我開始時每次成廿幾三十人，到依家十幾二十人，玩嘅方式有唔同咗，我相信係無以前咁“腥風血雨”，因為以前無間隔，所有會員都肉帛相見，咁有咁好玩。 不過人大咗，次次廿幾人，你可以想像我會有幾忙碌，太多人要照顧，參與party變成一種折磨多過一種享受，所以要改變一下。好似今次周年加聖誕活動，都成廿人，即時有「人多恐懼症」！ 所以減少參與人數似乎係好嘅選項。咁一來，照顧少咗人我輕鬆咗唔少，變相我都仲可以享受一下。 好多人以為我只係負責“主持”個party，其實真係享受sex party嘅人，係唔會只係想“主持”囉。如果將成件事純粹變成一個責任或者一盤生意，咁就違背咗sex party嘅原意。 十一年過去，有好多開心人，開心事。雖然有啲人會來去匆匆，但有更多嘅係“朝夕相對”。想想，有好多會員我都識咗五年、十年，真係唔容易。睇住好多由單身到拍拖，到結婚，到生仔，仲有啲離埋婚，大家尋尋覓覓，唔理係咪再留響SBC，回憶總是美好嘅。 曾經有人話我“念舊”，我係㗎我認。我念舊但我唔排斥新人嘅，我只係懶去搵新人，懶去向外宣傳啫。 今時今日社交平台咁多，要搵到攪sex party嘅方法五花八門，我哋會唔會被Out，幾時被Out，我唔知㗎，我堅平常心，到有一日大家話「夠啦Dr.」，我會好從容面對。到時可能大家得閒出嚟打下牌，食下飯，唱下K，真真正正變咗個聯誼會！
其實for some reasons，我每年周年都唔係好記得攪慶祝活動(相對曹長年代)。 我好多年無攪衝出香港活動啦，原本打算2019會攪返一次，結果都係事與願違。我相信2019年下半年所發生嘅種種，都超出咗大家嘅預期。我都由一個政治冷感嘅港豬，變成一個關心香港嘅和理非。 政治運動嘅氛圍，好影響我，相信亦影響到部份嘅會員，所以下半年減少咗好多嘅活動，有啲抱歉。 過往七、八年，我都成日諗住傳承，交棒俾下一任有心嘅會員，不過就好似單身想拍拖嘅人一樣，你越係想搵個人，你就越係搵唔到。緣份嘅嘢，真係唔到你話事。我唔諗啦，順其自然啦。 2020唯一希望嘅係，大家繼續珍惜呢個後花園。做新人嘅，多啲主動留下言，風花說月；舊人嘅，主動啲令新人有被接納嘅感覺。 新一年只願大家平安。 光復香港，時代革命。 無能特首、官員、議員通通下台。 成立獨立調查委員會，還市民、良心警員一個清白。