(四)鮑一線旅行社---小學雞「揾丁」旅行團 (鴨仔團篇)
-
「行啦~
行啦~」呢班人一入屋就hea成咁，太陽就快落山啦，唯有趕鴨仔咁推晒佢地出門口。
「拿，黎到揾丁，最起碼都四圍望下，趁太陽落山前去幾個地方望下，然後我地就去大街食佢老板五六七八九鑊，好嗎？」
「好呀~~~」
「Yeah~~~」
「行啦~~~」
「出發！」換返對上次響曼谷潑水節時買嘅人字拖，去首爾買嘅沙灘褲，同係深圳買嘅韓版雞翼袖 T，即刻有晒度假feel！
「第一站....."船帆石"」
台灣自駕遊最好嘅一樣野，就係GPS，硬係覺得個GPS又準又快過香港個D，如果無左GPS，都唔知點死，一定要做多好多準備功夫。
一路上，重新認識一下民宿附近嘅地方，發現好多食魚生同潛水嘅舖頭，轉個彎出返去，就見到好樸素嘅鄉村地方，人唔算多，車唔算多，好寧靜下，但又不至於杳無人煙，即刻諗起周潤發唱大丈夫日記「Oh very nice, oh very nice」！
「哇~~~」
「哇~~~」
「哇~~~」
「咁早已經開檔囉喎...」
「差唔多時候啦..」去船帆石路上，經過揾丁大街，已經見到燈火通明，滿街行人嘅夜市。
「好想食野呀~~~」
「轉頭返黎泊好車慢慢行啦。」睇黎呢班友仔見到有野食嘅興奮程度，真係老豆姓咩都唔記得！
「夜市條街都唔短喎...」
「都唔算太短架，一陣慢慢行啦。」穿過左夜市區，繼續往前走，過左無幾耐，已經去到船帆石。
「到啦！」
泊好位，大家一齊落車。
「啦，前面呢舊就係船帆石...」
查實，我第一次黎揾丁嘅時候，見到呢個景點，我都啞口無言。不過我當日天氣好好，可以一直行出去個石灘，感覺都還可以。不過我地當日經過落過雨，加上開始黃昏，我地響岸邊睇下就算啦。
當佢地影相嘅時候，Candy同我去左揾我地最初揀嘅個間民宿。
「應該係附近架咋...」
「行過呢邊睇下.....好似係呢度.......係啦，係呢度啦，你過睇下...」
「入去睇下囉。」樓下燈火通明，有位人兄坐響reception area，於是入去睇下。查實我係有D唔憤氣租唔到呢度，點都入去望下丫嘛，不過第一感覺係，依家住緊個度私隱度高D！所以做人有時就係咁，總以為自己錯過左D好野，但查實有時無心插柳，已經俾左你最想要嘅野俾你，冥冥中真係自有主宰。
「走囉，去多一個地方就落太陽架啦！Let's go！」
下一站對我黎講印象好深刻，因為我上次黎嘅時候係秋天，去到個度好叉大風，大風到要向前45度企，而且唔止大風，仲好大沙！
呢個就係另一個景點，叫「風吹沙」！
不過早前落過雨，天色亦開始黑，今次睇唔到好靚嘅黃昏景，有D可惜。
「好啦，我地出發去食野啦！」
本主題由 Dr. 於 2020-8-5 00:45 移動
本帖子中包含更多資源
您需要 登錄 才可以下載或查看，沒有帳號？註冊 Registerx
-
taylor 發表於 2015-6-4 15:20
睇到D相, 從前既回憶番哂黎, 那些年.....
成個老人家咁架... -
kky 發表於 2015-6-8 01:32
嘩……個景好靚~ 雲靚海靚 舒服既景色。快D寫埋先一次過post喇，追追下無左節甘
...
斷左個膊頭，可憐下老人家啦！ -
嘩……個景好靚~ 雲靚海靚 舒服既景色。
快D寫埋先一次過post喇，追追下無左節甘
-
miumiu 發表於 2015-6-4 22:10
追埋你啲搵丁團先啦
我口水佬黎個喎，咪等我啦，我d當回憶錄咁出，有排都未完！ -
Dr. 發表於 2015-6-4 22:07
咁你快d寫啦！
追埋你啲搵丁團先啦 -
miumiu 發表於 2015-6-4 22:05
梗係唔係話你啦衰鬼
咁你快d寫啦！ -
Dr. 發表於 2015-6-4 21:34
寫臭我，定寫臭佢呀？
梗係唔係話你啦衰鬼
-
南 發表於 2015-6-4 21:40
恕我無知....
舊船帆石咁似人樣既!?
你鍾意佢似咩都得架啦，名一個啫！ -
恕我無知....
舊船帆石咁似人樣既!? -
miumiu 發表於 2015-6-4 19:24
等我黎!!!我都未出report寫臭你!!
寫臭我，定寫臭佢呀？ -
Dr. 發表於 2015-6-4 17:29
我唔踢都有人踢架啦！
等我黎!!!我都未出report寫臭你!!
-
taylor 發表於 2015-6-4 15:25
拿...咪玩踢爆呀
我唔踢都有人踢架啦！ -
Dr. 發表於 2015-6-4 15:22
你d語氣老人家一樣~~~
拿...咪玩踢爆呀 -
taylor 發表於 2015-6-4 15:20
睇到D相, 從前既回憶番哂黎, 那些年.....
你d語氣老人家一樣~~~ -
睇到D相, 從前既回憶番哂黎, 那些年.....