....遲來的功課~~
-
本會的第一屆war game，我都係第一次玩war game~~~
以前聽朋友講過玩過，已經覺得好玩；今次難得有人腳(辛苦dr的籌備~)又時間參加到當見到活動推出第一時間報左先未玩前無預計原來都需要唔少體力架~~~我當日仲要去完沙灘玩完一日，夜晚先去join~
簡單食完飯就去會場集合
係樓下已經見到幾個熟面口的人，dr, zero, monkey, max, candy, shiba, qb，唔少識既呢~幾個生面口男仔~最後都有12人呀，可以 6vs6 ，陣型好似幾好咁喎~~~去到戰區外，得我哋一班人，環境都幾好，感覺舒服，之後，有個唔識打戰，只識講解既靚女來招呼我哋~
全程佢都幾細心，好留意大家既安全，不停提醒要出戰區外先可以除眼罩，仲要除彈匣~認真值得一讚聽完書，分成兩隊~~
黑色: Dr為首有Candy, Shiba, Monkey, Kobe, Niccolo；
啡色: Max組有QB, zero, Colin, Taylor, 我未正式開戰，諗住好多個都係第一次玩，戰果都係五五波啫，點知最後竟然係大比數被K.O.，幸好純粹友誼賽，DR無講有獎罸~~(唔通有ZERO係度，輸的概率係大啲.......過往數字所得....哈哈)
MAX係有戰鬥經驗的小隊長，大家亦都有傾傾應該用乜策略戰鬥，講完各自就位；開始幾分鐘都仲跟到計劃，不過發覺，計劃同實得永遠差得遠.....係戰區行多陣，轉多幾個彎，隔離既隊友就走散左...........(我發覺如果有埋WALKIE TALKIE連線應該可以解決呢個問題~好似好專業咁~)
我比較好動，做前鋒，勇字當頭，諗下電影入面啲人打戰咁左閃右避，蹲､半蹲､跪､滾､側身....等等，扮到幾多就幾多，最緊要偷睇到敵方又唔會被發覺喇諗得幾鬼好~不過原來係戰區要實行，係做到動作囉~不過都係好易被見到(唔知係米件衫較淺色)......睇敵方就好鬼難睇....於是乎心入面做好準備後，當我係同隊友走散後，我都係勇往直前，膽粗粗去殺敵..........最後，大多數都係被槍殺了....(每次都係第3個左右被KO....)最深刻一幕，係某局，我又係以先鋒角色，用極快速度去到敵方起點附近埋伏下，好快就發現有敵人行過來，我心諗今次仲唔可以KO對方幾件；一見到有敵人行過來，我梗係即時開槍喇，點知頭槍唔知係射唔中呀，定係好似無彈出......頂....被發現..........回避後，確定槍有返彈，當時同對面既只有幾米距離..........我於是，試射一槍，引對方不停向我開槍，我就係要等待其用晒一輪彈一定會避；結果確實如此，我就把握機會，起身還擊，直衝過去，見到敵人果然蹲下左.......哈哈，我隔墻上就HEAD SHOOT左..........KO, 成功(完局出返來先確定係DR..........真係大鑊，首令被我HEAD SHOOT，往後都無好日子過喇~~~~)~~~~再準備衝擊第二次先，回避一下上彈，再衝出去，點知望著對方，大家都一齊開槍...........我死左..........我槍法果然差...呢局最後啡隊輸...........
.......如是者，一局一局玩，屢敗屢戰的精神無少過..........不過，我哋屢戰屢敗呢........唉呀，我哋保護唔到女王QB，多次痛失QB.....
ANYWAY，funny game although we lost~~~整體真係好好玩呀~
以後如果再搞，大家真係要參加囉~再多幾個人，可能仲多變化~果晚玩完，真係勁攰囉...........對腳發軟蹄囉...........SHIT, 落樓梯....腳震添...哈哈~都要好幾日先完全回復狀態~
唔好意思呀，好遲既報告；之前比較忙，之後真係唔記得左~~
-
asd 發表於 2014-8-19 01:08
掂會呢~到時一定要令你感覺返晒來既~
咩感覺先...比你搵槍射痛呀 -
Shiba 發表於 2014-8-16 22:06
到時太耐無見唔記得Lu
掂會呢~到時一定要令你感覺返晒來既~ -
asd 發表於 2014-8-16 21:10
實就到時間架~~~
到時太耐無見唔記得Lu -
Shiba 發表於 2014-8-15 07:01
你咁忙....論壇都唔得閒上點去活動呀實就到時間架~~~
-
asd 發表於 2014-8-14 22:18
好想遲下會有更深入既回憶囉~~~
你咁忙....論壇都唔得閒上點去活動呀 -
Shiba 發表於 2014-8-14 01:04
點會唔記得姐
好想遲下會有更深入既回憶囉~~~ -
asd 發表於 2014-8-13 19:38
SHIBA會記住我，好感動呀~~~~
點會唔記得姐 -
Shiba 發表於 2014-8-8 10:52
你射中我！記住你SHIBA會記住我，好感動呀~~~~
-
你射中我！記住你
-
Dr. 發表於 2014-8-4 10:05
邊鬼度有時間講walkie talkie丫，講得黎都死Q左啦!!!
就算死左都仲有得偷雞通風報信喎~~
走散左都易追返呀~~可能理論少少~~
-
woody 發表於 2014-8-4 09:03
哈哈哈，如果有 walkie talkie 可能會有慘叫聲聽！ wakakaka
咁先至再夠逼真呀~~~ -
Dr. 發表於 2014-8-4 08:33
好彩唔係得我一個攰到腳仔軟，等我以為自己真係衰老成咁！嘿嘿...
全程投入，只要有不停伏敵人既一定會腳仔軟~哈哈玩完感覺，都需要唔少體力咁~
-
woody 發表於 2014-8-4 09:03
哈哈哈，如果有 walkie talkie 可能會有慘叫聲聽！ wakakaka
邊鬼度有時間講walkie talkie丫，講得黎都死Q左啦!!! -
哈哈哈，如果有 walkie talkie 可能會有慘叫聲聽！ wakakaka
-
好彩唔係得我一個攰到腳仔軟，等我以為自己真係衰老成咁！嘿嘿...
