sbc打雀英雄傳
-
本帖最後由 crazy_s_monkey 於 2014-6-3 22:46 編輯
六嬸，三太公，大眾開枱啦面似蓮蓉，又放工，打餐懵，圍埋砌幾圈論呀論英雄，誰是大英雄。~~歡迎大家黎到sbc第一屆麻雀王爭霸戰既轉播，我係你地既主持兼評述員馬騮仔。就等我帶大家去到現場睇下邊個係sbc既麻雀王麻雀后啦。
黎得sbc當然就唔會打廣東牌咁簡單啦，所以賽會（即係dr.）引進左越南牌。賽制就好簡單，越南牌為進階組，廣東牌為普通組，各參賽者自行分組，以四圈為限，每一枱最多籌碼既兩位選手可以升級至進階組，否則就去普通組。
好喇，講左咁耐，係時候要介紹選手出場喇！首先就係進階組人稱波士既dr.，據閒功力深不可測，係賽事既大熱。跟住就係甜一甜既愛妃糖果小姐，久休復出既giroro,仲有來自西域既過江龍QueenB，正所謂唔係猛龍唔過江，睇黎實力都唔野小，睇黎呢度都有一番龍爭虎鬥。普通組就有壽星女靚女miumiu, 活潑可人既秘書仔shiba, 有玩遊戲全輸記錄既地獄黑仔王zero，睇黎今次zero都係今次大賽既大熱倒數第一，最後就有最痴線既Monkey。各位選手已經各就各位，我地一齊睇下普通組既戰況，一開波秘書仔就洗出左快速搭牌手，不過搭牌快啫，唔知食糊係咪都咁快呢？說時遲那時快，Monkey已經食左一鋪大三元自摸，同一鋪混一色，諗住搶攻，但係秘書仔已經後來居上，開始食糊。miumiu呢個時候見勢色唔對，就變身做學生妹，話返屋企做功課，換入左baby, 但係可能個位唔多老黎，都係挽回唔到個局勢。而Monkey呢個時候採取穩守突擊，但係始終都避唔到自摸。而黑仔王終於都唔洗北圈先開糊，但係都避唔過黑仔既命運，都係無乜進帳。
E.......做乜開曬啲牌？原來baby俾zero斷左舖十三么！難怪咁激動，雖則係咁，都唔洗俾曬人睇架嘛，俾人當詐糊就唔好啦。
再睇下進階組先，呢邊大家都互有攻守。後備入替要做灰姑娘giroro既呀喬，繼續giroro既大好形勢。突然之間，呢邊出現左一片哀號同幾聲大笑，原來係原本處於劣勢既dr食出左一鋪十三么，令到成個形勢改變。說時遲那時快，進階組就完成左第一輪既賽事，仲可以中場休息。好不容易終於等到普通組完成賽事，等我匯報一下成績先。進階組以dr一鋪十三么同呀喬可以留低，宜糖果小姐同QueenB就要降組作賽，而普通組則由monkey同秘書仔可以升級作賽。
換邊執位之後，dr似乎坐到個順風位，持住秘書仔未熟習打法，就先食多一鋪十番十三么，再食多鋪八番，之後秘書仔打穩陣腳之後，就聯同呀喬洗出極速摩打搭牌手，兩個一左一右，手速快到無倫，但係都擾亂唔到dr同monkey. Monkey就繼續以穩求勝，呀喬就凌勵搶攻，但都係敵唔過dr既運勢，以一鋪刻刻糊一定勝局。當進階組完成賽事統計左成績之後，大家都有啲緊張既神色，因為要等普通組完成賽事先可以知道自己既成績。終於等到普通組完成賽事可以統計成績。
sbc麻雀王大賽既冠軍係.……dr!!!! 分數係贏760亞軍係佢既愛妃糖果小姐，分數係贏169季軍係過江龍QueenB， 分數係贏140而殿軍係monkey, 分數係贏104第五名係秘書仔同呀喬， 分數係輸120而第七名係大熱倒灶既黑仔王zero第八名係baby。
sbc麻雀王大賽就到呢度結束，恭喜曬獲獎既選手。我地下一屆再見！！
-
crazy_s_monkey 發表於 2014-6-4 13:09
我叫左你等架
你暗示得唔好呀 -
crazy_s_monkey 發表於 2014-6-4 16:15
咁仲難過學野
哈...比D信心自己好WO, 雖然我唔叻..呵.. -
Giroro 發表於 2014-6-4 16:04
甘你學完教我咪得囉..呵..
咁仲難過學野 -
crazy_s_monkey 發表於 2014-6-4 15:50
係我要學野先真
甘你學完教我咪得囉..呵.. -
Giroro 發表於 2014-6-4 15:14
甘我都要學下先得...^^..
係我要學野先真 -
crazy_s_monkey 發表於 2014-6-4 15:02
都係跟其他師兄同靚女學野啫
甘我都要學下先得...^^.. -
Giroro 發表於 2014-6-4 12:01
MONKEY寫得好有動感仲好精彩TIM. 勁!!
都係跟其他師兄同靚女學野啫 -
asd 發表於 2014-6-4 01:38
師兄，見你寫到好肉緊，戰況都好激烈，食出大牌機會都好多咁，所以你牌技都幾勁喎~~~攞個殿軍
其實唔係囉
因為我淨係食左兩鋪大牌，其他都無咩食過 -
Shiba 發表於 2014-6-4 12:29
死馬騮！
人地訓教先出野！
佢平時出唔到野嘛~哈哈哈~ -
Shiba 發表於 2014-6-4 12:29
死馬騮！
人地訓教先出野！
你唔訓，人地點出野先？ -
Shiba 發表於 2014-6-4 12:29
死馬騮！
人地訓教先出野！
我叫左你等架 -
crazy_s_monkey 發表於 2014-6-3 23:34
等唔到，訓左
死馬騮！
人地訓教先出野！ -
MONKEY寫得好有動感仲好精彩TIM. 勁!!
-
師兄，見你寫到好肉緊，戰況都好激烈，食出大牌機會都好多咁，所以你牌技都幾勁喎~~~攞個殿軍
-
Klozero 發表於 2014-6-4 00:21
唉，真黑仔
下次可能唱晒成隻歌可能就食得出架喇 -
Dr. 發表於 2014-6-3 23:12
訓左咩？
等唔到，訓左 -
crazy_s_monkey 發表於 2014-6-3 22:57
係囉仲要咁啱有人訓左....
話左今日出架嘛
訓左咩？ -
Dr. 發表於 2014-6-3 22:57
Kan kan 糊個kan字點寫呢？真係考起~~~
我係咁e查過
我嗰個寫法應該正確 -
Dr. 發表於 2014-6-3 22:56
咁岩睇完電視，就見到你出post!
係囉仲要咁啱有人訓左....
話左今日出架嘛
