醉馬騮大鬧池邊派對
-
本帖最後由 crazy_s_monkey 於 2014-8-5 22:20 編輯
今次真係期待已久，因為足足等左一個月。一年一度既池邊派對，終於都成行喇！
當日我因為唔記得轉車既關係，所以我踩點到達集合既地點，但都係俾早到既秘書仔同myQueen話我遲到，不過唔緊要啦，因為有人仲遲。過左無耐，dr同zero都黎到，然後就係糖果愛妃，最後就係柵柵來遲既麥提莎。然後就開始過關，上車出發！
其實我都無計過幾耐去到酒店，不過就唔似過左九個字咁耐。好快dr就搞掂好check in 既手續，終於可以見到呢個極豪華既別墅喇，睇相就睇得多，終於到我喇！呵呵！一入到去，大家就各自探索同埋搵雪櫃，個別墅就好豪華，但係個雪櫃就真係臭到冤呀！咁我同dr探索完樓上之後就諗住落樓換衫落水，點知dr一路落樓一路就將身上既衣物除除落下，然後輕輕一躍，跳入泳池中，原來佢一路都著住條泳褲囉，吹漲！換好衫就當然要游水啦，點解zero唔換既，原來經過上年既經驗，佢連泳褲都無帶，直接裸泳。去泳池就當然要打下水戰啦，大家你攻擊下我，我攻擊下你，玩得不亦樂乎。玩到咁上下，大家開始肚餓，多謝dr為我地準備左咁好味既飯團，仲有鹵水雞翼同腸，雖然有兩個飯團係有料既，不過我地有zero無有怕，佢一個人都食左一個半，仲食到面容扭曲，抽曬筋咁，不過，佢有半個係幫麥提莎頂既。
食飽飽，就去試下個按摩池啦，浸之前就當然要沖個涼先啦，見樓下無位沖，我同麥提莎就走上樓上沖啦。沖完涼準備落樓之際，dr就上黎搵我地話睇下我地做乜沖咁耐喎，但係就那邊廂捉左麥提莎去玩，仲玩玩下走左去添，咁我就當然義不容辭咁頂替啦，終於完左之後，先再施施然去浸按摩池，個感覺真係幾正！大家浸完一輪都紅Bo Bo 咁，所以大家都決定去搵個地方”休息”，我就同麥提莎一齊訓左個晏覺。
大家都休息完畢之後又係玩水時間，U仔師兄都喺呢個時候join我地，仲帶左兩個波同一粒大骰，咁大家就事不宜遲，無晒束縛咁去玩水上ball game，首先玩左數字球，跟住再玩左一個好激烈既水上polo。真係好激烈，dr係咁鉗住zero，宜我一方面俾秘書仔鉗住，一方面又要去應付myQueen既進攻，有時又要突破兩個人既鉗制，係真係鉗實架！最後我地都係輸左，但係雙方都攰到傻左，宜我就攰之餘，仲多左幾條痕喺個身度。既然大家都咁攰，係時候要出發食晚飯！
-
crazy_s_monkey 發表於 2014-8-6 11:03
下次一齊玩啦師兄！
一定好正! -
imouse 發表於 2014-8-6 11:00
thanks for the report...water polo is my favorite sport!!
下次一齊玩啦師兄！ -
Dr. 發表於 2014-8-6 08:16
我見你兩個咪咪魔魔，幫你一把咋！你d情慾情節仔細d丫唔該，尤其係泳池邊個幕！
盡仔細啦 -
C.C. 發表於 2014-8-6 10:58
睇你report既內容, 我睇唔到點樣醉馬騮大鬧池邊囉...
未到，俾啲時間我⋯⋯
趕緊幾份稿⋯ -
thanks for the report...water polo is my favorite sport!!
-
睇你report既內容, 我睇唔到點樣醉馬騮大鬧池邊囉...
-
candy 發表於 2014-8-5 22:27
拿拿拿~連你都睇到dr拑住zero~
我反擊咋 -
我見你兩個咪咪魔魔，幫你一把咋！你d情慾情節仔細d丫唔該，尤其係泳池邊個幕！
-
candy 發表於 2014-8-5 22:27
拿拿拿~~~連你都睇到dr拑住zero
我淨係成日聽到
“屎忽撞棍喇” -
candy 發表於 2014-8-5 22:32
唔制呀 -
Shiba 發表於 2014-8-5 22:29
我喊啦..... -
candy 發表於 2014-8-5 22:25
第一搶左秘書個位
我喊啦..... -
拿拿拿~~~連你都睇到dr拑住zero
-
第一搶左秘書個位
