本帖最後由 feeling 於 2013-7-17 23:17 編輯
"逃離密室", 入會甘耐, 第一次玩呢個遊戲, 同時亦系第一次玩甘大型甘R頭又甘花時間既遊戲.
不過真系要多謝Dr.同埋各位helpers甘比心機去設計, 今次真系好好玩!!
是晚早段出席有Inno, Venus, baby, Candy, Crystal,QueenB, SamL, kitkit, wai, kingston, imouse, feeling, Dr.,
中段(完左遊戲後)出席有mimi, 麥提莎, C.C.
"逃離密室"究竟點玩呢? 其實就系一個解謎及尋寶遊戲, 當時場地有3間房, 我地全部人要分開3組, 每組要入不同房,
然後由Dr.將各位組員鎖住系間房度(有分密碼鎖及鑰匙鎖兩種), 遊戲開始後各位組員要盡快在有限活動範圍內破解Dr.所出既謎題, 破解得來的密碼就可以解開密碼鎖, , 解開密碼鎖後的人就要衝出房間尋找鑰匙, 以拯救剩下的組員. 事不宜遲, 即刻入game.
"包, dub, 少走" 本來我同SamL, baby一組, 後尾唔知點樣離奇地同左Inno, imouse一組, 呢樣無所謂啦, 照玩!
Inno同imouse被鎖完手後, Dr.攞左個粗圈黎到我面前, 仲以為要鎖我大髀添, 點知......個衰佬系要鎖我條頸.......於是我就好似面臨絞刑既犯人, 吊住條頸企足成晚!! 點解全世界得我一個系吊頸架,點解個個可以坐住而我就要罰企架,
點解個天花板一早釘左個鈎系度架, 我家陣心理好唔平衡wor!!
唉, 算, 開始解謎, 快d解完快d解脫!! 點知一望d謎題, 哇!! 呢d乜鬼黎架, 4張A4紙, 每張上面幾十粒黑點, 橫睇掂睇, 遠睇近睇,
睇極都唔明, 摩斯密碼!? 3D圖像!? 乜鬼黎架!!! 呢個時候, imouse好聰明地將4張紙重疊, 再放系燈光下, 由此穿透4張紙一齊去睇, 我地發覺的確有某樣圖形出現, 但可能正反方向唔岩, 仲未解到. 於是再整理過......
半個鐘後....我地已經整理左百幾二百次,依然未解到....
"好耶!!! 得左啦!!!" 唔好以為系我地, 呢句說話系由隔離房傳出黎......見住其它組d人成群野狼甘衝出房搵緊鑰匙, 於是更加心急!!!
又過左15分鐘....."Dr.!!! 好難啊!!!" Dr.聽到我地求救, 又見我地無曬符, 終於都出手相助, 當然我就無甘好彩啦,
先解開左密碼鎖既Inno同imouse出去搵鑰匙, 我就繼續吊多陣頸先啦.
遊戲就系甘又緊張又刺激又好笑又瀕撲地進行到最後, 而我條頸圈既鑰匙依然未搵到, Dr.見我甘慘, 又要出手啦, 哇....竟然收埋系垃圾桶底, 算你狠!!
遊戲玩完, 系時候慶祝下Candy同baby既生日啦~ happy birthday!! Baby妳要多d番黎啊~
食完蛋糕, Inno似乎仲對我被問吊既事耿耿於懷, 系啊, 企左甘耐, 我系好辛苦架, 甘妳一於同我入房訓低慰勞下我囉.
印象中上次見妳已經系半年前既事啦,今次唔會放過妳既
出番黎見大家玩緊國王遊戲, 總覺得今晚特別多遊戲玩, 幾好啊, 我地又一齊玩啦~ 跳豔舞, 打patpat, 真系笑到想死, 哈哈哈哈哈!!!
e? 多左個女仔既? 原來系靚女C.C, 第一次見面, 唔知妳估唔估到我系邊個, 今次未有同妳溝通, 不過仲有好多機會既, 希望妳可以放鬆d啦, 有個秘訣, 就系....多D出席
玩完國王遊戲之後, mimi同麥提莎都到左, 仲有個特別嘉賓添, 搞到大家圍住佢又攬又錫, 羨煞旁人喔~
我就同Venus一齊坐系梳化度傾計, 因為我有d眼訓, 於是訓落Venus度, 枕住佢大髀, 享受下佢既撫摸同埋香味, 點解甘舒服既,
真系過份, 哈哈~
今晚d時間真系特別快過, 無啦啦就話12點啦, 唉, 攬攬mimi, 然後閃人.
imouse - 你好nice, bythe way, 我真系有努力嘗試架, 無奈太易受影響
SamL - 一入門口認錯左你系虎哥, sorry啊, 不過一樣系大隻靚仔黎
Jacky - 多謝你帶黎既紅酒, 最衰我唔識飲