長篇大論．Encore豪華（6）晚飯篇
-
小菜晚飯
大家去到酒店大堂，酒店幫我地叫左兩架車，我地又分成兩組出發；
Dr.分頭同兩個司機講地點同價錢，再安排我地上車（Dr.沒有一刻停下為我地張羅，謝謝）今次同車既係Wing，阿虎同 阿喬．
Wing又問 [E，要坐幾耐架？]
阿虎 同 我都忍唔住答 [咪又係轉個彎就到咯．．．]
哈哈哈∼ 今次無甘耐，真係5分鐘就到喇∼落左車，Dr.拒地架車仲未到，所以阿虎指示我地分工．
[kky，你去攞位先]
[Wing，你去睇下食咩野]
[阿喬，你幫手洗碗筷]
阿虎續說 [我出去接拒地]（辛苦你喇，出面甘熱．．．）Dr.到左後，就幫阿Wing叫多幾樣野食∼ 而大家當係無幫手，等食中．．．
Wing同Dr. 叫既係小炒加白飯，家常小菜 同埋白烚蝦 加 蒜蓉粉絲蒸帶子等等好多好多碟∼
唔知係咪今日活動較平時多，大家都好肚餓；望下個錶，平時大家响呢個時候都未到晚飯時間喔∼小菜係一碟碟甘上，並非同一時間一齊上．．．而大家都好合拍甘，黎一碟就清一碟．．．
大家既速度好快，快到呢．．．[嘩，D蝦好熱吖∼] 我嘗試mok蝦殼，但真係好辣手．．．
阿喬見狀，幫我mok完一隻又一隻（嘩．．．mok得好快又好，隻蝦唔單有尾肉，仲出煙架！捨捨你吖∼）慢食慢等，但甘樣好似仲肚餓甘∼（哎吖）
Dr.見大家甘，就邊等再邊叫；Dr.話 [難得碟碟清，最鐘意就唔好浪費食物，最怕好似party甘食剩D野∼]
仲話 [係咪party既野食要改下呢．．．？]（總係事事力求完美．．．）甘食法，大家梗係會飽喇，我放低終於停落黎碗筷，先留意到阿虎既食姿．
阿虎扖飯入口，係用對筷子响個碗度高速打圈，好似上左摩打，不斷扖D空氣入口甘∼零食入貨
晚飯完，大家入左間地道雜貨鋪買夜晚既零食，然後Dr.又為我地張羅兩架車返回酒店．
車上，那間地道雜貨鋪鈎起好多大家兒時既回憶，例如：眼鏡朱古力，數字牌抽獎，乒乓波糖等等．．．
Wendy，Wing 及 Max大家都講到興高采烈之際，突然先醒起 [係喎，唔記得買啤牌添．．．]Wendy話 [唔緊要，呢個就係我地發揮創意既時候∼]
Wing話 [係喇，我地細個好多集體遊戲架∼]
於是大家由兒時零食，轉話題去到兒時遊戲．．．5分鐘既車程好快就坐完，到達酒店∼到達酒店，我地再次坐上golf car；當經過戶外公眾池，Dr.話 [check過關閉時間係9點，有無人有興趣去∼？]
[有！] 落左車，我地同golf car司機話 [等等我地，好快，衣家即刻去換泳衣，好快出返黎∼]
邊行邊衝入屋．．． -
火麒麒 發表於 2012-9-3 18:19
好第六回又睇完，食野真係一種享受，我諗係Party大家比較緊張又坐得無咁舒服，自然食得較少，出到外面，大家 ...
嗯．．．或者都係，又或者有時食左野先上黎，又或者唔想食完野有肚腩 -
Dr. 發表於 2012-9-2 21:51
佢好似係外面食煙咋﹐哈哈哈哈哈.....不過唔浪費食物﹐真係好重要!!
謝謝你每篇reply甘比面吖，我會記住唔浪費食物架喇 -
好第六回又睇完，食野真係一種享受，我諗係Party大家比較緊張又坐得無咁舒服，自然食得較少，出到外面，大家都係會員級，無咁生疏，又可以舒舒服服坐下慢慢食，感覺胃口會好好多。
-
落左車，Dr.拒地架車仲未到，所以阿虎指示我地分工．
[kky，你去攞位先]
[Wing，你去睇下食咩野]
[阿喬，你幫手洗碗筷]
阿虎續說
[我出去接拒地]（辛苦你喇，出面甘熱．．．）佢好似係外面食煙咋﹐哈哈哈哈哈.....不過唔浪費食物﹐真係好重要!!