東京不眠不休【為食之旅】(7)
-
DAY 2（續）．天晴．有點凍
午餐後 tea 一 tea
原定明天去的 [啤酒廠]，因為時間關係，改為現在去．
自由行就係呢度好，可以按時間，靈活地更改行程．於我來說，我當然輕鬆了．．．因為策劃整個行程：觀看景點、每餐地點、訂房、JR車程、航班行程、甚至每刻需按當時的情況改變計劃．．．我都不用憂心．
寫到這裡突然想多謝曹長給我一個 [不用帶腦、只用帶肚] 的輕鬆旅行．上到 JR 後，我又入睡了．．．曹長總在我們身旁，負責叫醒昏睡的大家．
被叫醒後的我，只懂像一隻羊跟著他們，不知道自己在哪個站落車，莫說我在何方．．．
經過 JR 內的路，再經過商場穿商場的長廊，再經過很多住宅區的小街．．．
見到面前的紅磚廣場，沿樓梯往下走，見到一個好大好大既 [啤酒罐]：）我們到了∼進去後，[啤酒廠] 或許應該說是一個 [展覽館] 會較合適，館內裡分為多個小空間，提供不同功能：
賣紀念品、小酒吧（我們各人喝了一杯 [下午 tea一tea] 啤酒才開始周圍行）、講解啤酒既教室加一個很大很大的煉酒桶、模型、還有博物館．
在博物館內，展示出歷來的啤酒牌坊、啤酒瓶、還有舊海報廣告．．．
印象最深刻，是那幾張用女性來做廣告既舊海報．
很喜歡那種坦率（那個封建年代，已不怕羞地表達：啤酒 = 男人 = 咸濕）∼
很喜歡那種女性身體的寫實（不單只專注胸，還有肚 / 手臂 / 大脾 = 一個很有人味的比例）∼
而最喜歡應該是那件 see-thru 睡衣（原來性感款式，歷久不衰．．．）
在此要謝謝曹長提供這張照片給我，因為我當時掛住睇，睇完無影到 =..=臨離開啤酒廠前，小幽同我兩個傻婆，將 [印章] 蓋在前臂上：D
不過，個 [印] 係用黎蓋在小冊子上的，所以蓋在 D 肉度，好快就化開．．．
end up 我地兩隻手臂，好似撞親甘．．．紅左一大撻 =..=晚餐前小吃
搭 JR 後，忘了有否睡覺，也忘了我們是在哪個站落車．．．總之，我又跟住大隊便是了：O
上返路面．．．隨著曹長進入一條好多燈飾既商業街．．．好多好多鋪頭喔∼
曹長說 [各自各行，總之直行到落街尾，唔好過馬路，响街尾集合．]四散後，才醒起 [噢，好似無講幾點 meet 啊．．．不理了，相信行街所需既時間，大家都會相若吧：D]
頭果 10 間鋪頭，我行得好有心機，每間都續樣睇續樣揭．．．但睇睇下就悶了．
快行左一段路後，見到有分支路的街仔，行入去有點尋寶 feel，又再次有點心機繼續慢慢行．
只是，漫無目的既行街不是我的習慣．．．如我所料，我是最早到街尾既一個．
我行埋對面馬路，又折返商業街再行．．．出黎就見到 6 師兄及 小幽了：D可能今日行得太多了，大家都很肚餓，還未開始正式吃晚餐前，曹長先帶我們去食晚餐前小吃．
曹長在 [一蘭] 店前停下，帶我們吃拉面：）這家鋪頭同今朝既烏冬鋪頭不一樣，這裡用自動販賣機（後來先知原來好多鋪頭都係甘 =..=）
不過同今朝烏冬鋪頭一樣既係．．．鋪頭面積一樣好細：O沿著窄長既走廊，我們進入鋪頭內另一個窄長既空間．
鋪頭好得意，張枱用塊版隔開每個位，身後既牆有個衣物鈎，枱下還有個掛袋既鈎（這麼小的空間，都諗得甘細緻）
坐下後，見到布甸將那塊隔板摺埋，甘 D 位就可以連埋一齊喇：O各人的位置雖小，但設備很周到：每個位有獨立水喉（添水）、獨立制（叫 service）、水杯、menu、點餐單、牙簽；
雖然只是一碗拉面，但點餐單上有很多選擇：面的軟硬度、湯的濃度、辣粉的多少、要唔要走蔥等．
填完後，在我面前的窿．．．便有一雙手將點餐單收走．．．（我有點被嚇倒，發呆中 =..=）這是一個很慳位的聰明佈局，一條 service link 為左右兩排的客人服務，整條 service link 為封閉式設計，在每個客人的位置設獨立窗口，作為與每個客人的服務口．
過了一會，那雙手又來了，伴隨的是一個聞聲見不到人的下半節黑影，及講了一連串日文．．．
我聽不懂有點不知所惜，見到在旁的 6 師兄接過那碗面及說了一句 [係∼]
我回過神來想說句 [係] 既時候，那團黑影已經走了 =..=拉面．．．我印象不是很深；最有印象是．．．那啖湯．
吃完面後，我細細聲問曹長 [如果呢．．．飲埋 D 湯．．．會唔會好失禮．．．]
曹長平淡地回答 [吓，我次次都飲晒架喎]小幽比我強，拒飲到見到碗底 D 字；我就飲淨最後一啖．．．因為 D 辣粉聚晒响湯底．．．好辣：O
食完大家都很滿足：D 曹長帶我們出發去食晚餐喇∼本帖子中包含更多資源
您需要 登錄 才可以下載或查看，沒有帳號？註冊 Registerx
-
Hayley 發表於 2011-12-1 22:46
yebisu啤酒廠好似都係響惠比壽？對酒冇興趣所以冇諗過要睇又唔鍾意食麵所以亦冇響日本食過拉麵，哈哈
哦．．．[去左邊度行街呢？？？] 我真係唔係好知 =..=|| 呢個要問下帶隊既 曹長 先知喇：O -
本帖最後由 kky 於 2012-1-10 23:24 編輯
Dr. 發表於 2011-12-1 13:41
我比較鍾意見到個煮面師傅個D open式既舖頭食麵﹐有D人氣﹐warm一D!同意，所以好鐘意 [築地壽司店] ，[鐵板薄餅店] 同埋 [上樓牛肉粒飯店]
-
幽靈 發表於 2011-12-1 10:17
冇得買啤酒0者利
係日本食面食到雪雪+飲晒d湯 = 好好味
[飲晒 D 湯] 有你做代表．．．[食到雪雪聲] 有 6 師兄 同埋 曹長 做代表 -
yebisu啤酒廠好似都係響惠比壽？對酒冇興趣所以冇諗過要睇
又唔鍾意食麵所以亦冇響日本食過拉麵，哈哈
反而想知你地去左邊度行街，俾著我如果唔太支力實會行到全世界人等我一個
-
我比較鍾意見到個煮面師傅個D open式既舖頭食麵﹐有D人氣﹐warm一D!
-
本帖最後由 幽靈 於 2011-12-1 10:17 編輯
冇得買啤酒0者利
係日本食面食到雪雪+飲晒d湯 = 好好味