Dr.妄想症發作之「一早想叫你地食屎架啦」篇
-
Dr.妄想症發作之「一早想叫你地食屎架啦」篇
好想､好想､好想攪Halloween party好耐､好耐﹐難得有機會﹐點可以錯過呀?
「改個咩名好呢?」
呢個係每個主題活動第一樣要諗既野。所謂萬事起頭難(男仔千祈唔好有共鳴)﹐不過一但起到個靚頭﹐一切都會順好多(寫寫下先發現﹐原來同攪野差唔多)。而今次個主題題目【十月哈囉喂派對の喂喂喂揾咩鬼】﹐真係幫左我好多!
平時諗主題､諗玩咩遊戲､食咩野其實都唔容易﹐但係所有野可以係一個晚上﹐借助到一個好好既聆聽者﹐trigger到我D鬼主意神經﹐可以一次過諗好晒﹐對我黎講簡直係奇跡﹗咁梗係要多謝呢位好好既聆聽者啦。
當一切主意都諗好晒﹐下一步就係去安排同準備﹐裝飾方面相對比較容易﹐shop兩次就攪掂晒﹐但係野食個度就難度高一D﹐不過為左個大懲罰同咁難得既主題﹐無可能有野難到我既。於是乎﹐我活動前一個星期就先集中準備主題食物﹐原本諗住腦科(奶凍腦)､眼科(果凍眼)一齊做﹐但係腦科個手術實在器材不足﹐最後都被迫放棄﹐唯有轉行做左眼科醫生﹐不停咁鑽研「如何做好一隻眼」﹐而經過幾日黎鍥而不捨既精神﹐我終於成功研製出像真度拍得住杜莎夫人蠟像館D臘像公仔既一批紅眼睛同藍眼睛。至於另一道主題食物﹐因為時間關係﹐結果最後係毫無預演既情況底下﹐係活動當日既朝早﹐先至「新鮮熱辣」咁一take過做好左﹐味道都真係唔錯喎﹐而且營養豐富!
一切準備就緒﹐運晒所有架撐去活動場地﹐開始進行佈置。今次繼續要多謝幫手吹氣球﹐然後一路睇皆大歡喜睇到入晒神､一邊幫手剪Halloween Party呢十四隻字母既darling "Canny"﹔仲有原本想黎幫手﹐而的確事前都幫左好多手﹐兼好有心既KKY﹔同埋都係原本想黎幫手﹐但係又走唔甩既魔鬼Hayley﹔當然仲有負責活動當晚其餘食物既Funky同U仔﹔兼有高級專業送貨速遞員新人K送過黎既Halloween costume。
佈置所花既時間﹐有些少出左預算﹐不過總算係成功收貨既﹐唯獨是部份裝飾公仔好似俾我地玩到short左﹗而佈置用多左既時間﹐令到原本想買個西瓜返黎代南瓜既念頭放棄左﹐大家食飯時個杯應該係西瓜版七步迷暈釘加粒血紅眼﹐結果得返淨飲版﹐不過唔緊要啦﹐攪下氣氛啫!
飯食完﹐最緊要既梗係大合照啦﹐事關我地都好耐無大合照啦﹐上次開學禮竟然忘記左! 雖然有人遲左黎影唔到﹐但係唔緊要啦!
到遊戲環節﹐今次個遊戲就同個主題好息息相關﹐話明「喂喂喂揾咩鬼」﹐咁梗係要大家揾野啦﹐揾咩? 揾下邊個屁股有墨囉!! 要係自己組以外既人裡面揾﹐揾得最少個隊就輸。呢個遊戲好玩在大家可以順便”深入”了解一下大家個靚股!
輸左要點罰?? 今次真係好一氣呵成﹐由主題到遊戲到大懲罪都係講得通既。揾屁股都揾得咁少﹐唔罰食屎又點得呢? 我朝早新鮮熱辣出爐既「仿屎版朱古力炭燒咖啡慕思」係時候出場啦! 平時鬧人「你食屎啦」﹐都只係得個講字﹐今次唔止係講﹐係真係有得食! 為左令大家覺得仿真度高D﹐我係D mousse度放左D M&M’s 同cherry﹐加埋炭燒咖啡﹐我真係一個天才小廚神! 仲要專登係現場 jit 出黎既條狀﹐個賣相幾可亂真!
雖然﹐個賣相專登整到咁衰﹐但係我自己試過味﹐鍾意食甜品既﹐應該都唔會覺得好難食既﹐因為我比你地任何一個都早食左屎!!! 但同人講「D屎都幾好味喎…」﹐又確係難以啟齒既! 哇哈哈哈哈哈哈哈哈哈哈哈….
大懲罰之後﹐其實大家都係可以食呢個我為左要一舉成名而製作既甜品既﹐而且仲順便幫呢個甜品起左個朵----「屎…眼」﹐係埋屎到放上一隻比之前仲要像真度高少少既藍眼睛﹐真係唔講得笑!
甜品都食埋﹐仲唔拿拿聲宣佈開波﹐我睇怕我隨時出唔到個門口都似!
-
Dr. 發表於 2011-10-23 09:27
你又岩呢味野????
No no no! for Canny!! haha -
好想睇吓Dr.好辛苦整出黎果篤屎係咩樣~ 哈哈~ 有冇屎相睇呢?
-
Dr. 發表於 2011-10-23 09:33
"就是想賴著妳...." 好肉麻呀~~~~
我跟Candy張頭像相架 -
HelloFriend 發表於 2011-10-22 11:36
Candy...........係我錯..................SO SORRY.............打打打
就是想賴著妳....... ...
"就是想賴著妳...." 好肉麻呀~~~~ -
kitkit 發表於 2011-10-22 14:06
HO HO HO!! 拿細佬出黎....
你又岩呢味野???? -
赤貧線下 發表於 2011-10-22 10:13
證明我夠咸 -
candy 發表於 2011-10-22 00:31
我係CANDY唔係CANNY
哈哈哈哈.......我都係跟潮流咋﹐darling!!! -
Hayley 發表於 2011-10-21 21:52
突然間醒起大合照冇左你呀！！應該叫Funky楂機等你又黎影一張丫嘛...
唔緊要﹐將來大把機會啦! -
HelloFriend 發表於 2011-10-22 11:36
Candy...........係我錯..................SO SORRY.............打打打
就是想賴著妳....... ...
HO HO HO!! 拿細佬出黎.... -
candy 發表於 2011-10-22 00:31
我係CANDY唔係CANNY
Candy...........係我錯..................SO SORRY.............打打打
就是想賴著妳................... -
我係CANDY唔係CANNY
-
kky 發表於 2011-10-21 23:01
真好，support 你分享籌備活動既 [備動感]∼
除了享受成果，其實過程更值得享受．
你的辛苦 及 用心，換來 ...
咁仲唔拿拿聲飲支葡萄適﹐醒醒神繼續寫?? -
Hayley 發表於 2011-10-21 21:34
「一早想叫你地食屎架啦！」哎笑死我！
動後感的確係我唯一要求既回報﹐字數多少都唔係重點﹐有心寫﹐睇完會可以將個份開心延續多一段時間。 -
HelloFriend 發表於 2011-10-21 21:09
繼鬼眼之後另巨獻....................屎眼..........
Dr.同咁多位工作人員,多謝你地果晚既佈置,食物,甜品 ...
多謝埋自己有份參與呢個party啦!!! -
赤貧線下 發表於 2011-10-21 17:40
天要下雪不下雨, 雪在地上變成雨, 雪變成雨多麻煩, 上天何不早下雨~
先生食飯不食屎, 飯在體內變成屎, 飯變 ...
又羅D咸豐年代既詩出黎獻醜? -
kitkit 發表於 2011-10-21 17:14
Support you Dr.!! Thanks for organising the best event ever!
最緊要大家都玩得開心!學Hayley話齋﹐你High我仲High!!!! Cheers!!!!
-
真好，support 你分享籌備活動既 [備動感]∼
除了享受成果，其實過程更值得享受．
你的辛苦 及 用心，換來是我們的快樂 及 笑聲
連你甘忙都出左 report，我都要勤力 D 起筆先得喇：O -
突然間醒起大合照冇左你呀！！應該叫Funky楂機等你又黎影一張丫嘛...
-
「一早想叫你地食屎架啦！」哎笑死我！
每次都感覺到你好用心同花好多心思時間去準備活動，而且重點係感覺到你並不要求什麼回報(除左幾千字既動後感外)，謝謝你。
好高興你搞活動enjoy過程之餘又搞得成功，大家又玩得開心。
有機會的話你再搞主題活動我就再試下睇下走唔走得甩黎幫手丫！