難道喜歡處女座 全一回 THE FRIST TAKE

[小雲]

唔知大家有無聽過「THE FIRST TAKE」？
＂在全白的錄音室裡，有一個麥克風。
這裡只有一條規則「你只有一次機會，做一次表演。」＂

係呀~ 衰咗係無 TAKE 2 架
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
最近阿雲迷上咗林家謙~
以前我好討厭佢... 不過真正迷上林家謙嘅...
偏偏就係因為「難道喜歡處女座」

其中一句歌詞係:
「讓我很優雅 很優雅的折墮」（我忍唔住笑咗...）
唱歌好聽又戴眼鏡嘅男生真係好可愛
其實處女座無想像中咁差嘅~
佢哋只係對細節有要求啫
最起碼阿雲曾經就俾一位處女座稱讚過...
（讚咩唔重要~ 最緊要我爽就夠啦...
處女座識嘢 ）

不過呢篇動後嘅男主角唔係林家謙, 亦唔係處女座喎
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
以前寫動後, 阿雲習慣用「紀錄片式」手法去做記敘
有時候我都不得不佩服我自己嘅好記性
但今次我會同之前一樣零過程, 純玩後感...

唔係講笑！
阿雲係一個自轉星球, 相信大家都應該無異議~
大部分時候我都唔係好跟個軌道去轉,
但我絕對不是為刷存在感而自轉...
所以可能唔少人會覺得我好奇怪, 不過唔緊要~
因為我已經習慣

我第一次隔住個 MON 認識佢嘅時候就已經覺得:
呢個人都幾搞笑架喎~
（我重因為佢而學識一個英文單字添）
感覺話我知:
我哋應該可以乜都傾得一餐, 鳩吹出宇宙應該無難度...
然而事實亦證明咗我嘅感覺係啱嘅~

但係一到見佢真人嘅時候...
真心真係唔知點解, 我淆底獸上身...
而且每次見佢總會係佢面前出醜...
只要我想表現得好啲, 希望留個好形象 / 印象,
就總會柒到無眼睇, 想即時搵窿捐個隻...
係次次都係咁個吓先抵死又激死嘛！

所以係佢面前我已經放棄咗形象,
麻甩就麻甩, 核突就核突
佢好嘢~ 我倒米趕客到呢個地步都重頂得住,
反正佢都唔介意, 我又何必想太多
（我諗我真係差在未係佢面前瀨屎瀨尿架咋...）

雖然個口係咁講, 但最真心嘅感覺:
多謝你俾我可以無顧慮地做返最最最原本
而又毫不掩飾修飾,
最無壓力亦最純粹最真正嘅自己...
所以我好感恩每一位曾經願意包容接受一個充滿缺陷,
奇怪又唔吸引嘅阿雲嘅各位...

哎呀呀~ 又兜遠咗添... 返來~
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
正當我諗住:
「等我搵吓你啲 J 圖 / 動後睇吓先~
知己知彼, 百戰百勝嘛~」
嘅時候...

果然係惜字如金呀吓
再睇埋佢個星盤... 難怪~

當我發現原來我哋有一樣嘅火星之後,
我就知道: 唔使搞咁多嘅,
只要我做返我最鍾意又最擅長嘅模式就可以
一個字:「慢」

曾經阿雲成日問: 如果有如果...
可惜最後發現答案其實係: 然後再沒然後...

可以有幸係 SBC 遇上好玩有趣嘅對手
難得對方又願意俾機會我, 咁就唔好諗 Take action
（我認我係貪心嘅, 可以玩多幾次就梗係更好啦~）

一樣嘅火星, 相似嘅笑容...

如果活色生香係「一個永遠刻在心中的名字」
咁佢就係...「CAN YOU KEEP A SECRET？」
呢一晚嘅回憶, 係一個只專屬於我同佢嘅...
.
.
.
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
後記:
「天一光 走 以後 獨行浪遊大宇宙
　早知我 這夜盡 告別後 再見說過
　皇后像你 不會再念舊
　風吹過 枯葉舞
　歸土化作塵垢
　歌都唱過 剩一人奏」

無論后會是否無期, 只需捉緊當下的手裡票
繼續我的宇宙浪遊之旅

[happy]

@小雲 其實處女真係唔差，我認同🥴

[Warren]

@小雲 等我唯有FF 下自己係主角

[Egan]

@小雲 點估係邊個呀咁樣

[BJ]

@小雲 大概大概只有皇上嘅文字才能令我如此著迷

[crazy_s_monkey]

@小雲
有得睇下你瀨屎瀨尿都幾有趣

[小雲]

@michael-c
唔使前世啦~
我今世都重係樹獺

我咪係動後講咗囉:
阿雲最愛又最擅長嘅模式就係「慢」

[小雲]

@warren
佢係邊個唔重要~ 重要嘅係...
我得到佢俾咗個機會我 🥰

[michael c]

@小雲 係而家呢個年代，你仲用緊筆友既速度去回味，你前世應該係樹懶🦥

[Warren]

@小雲 到底係邊個黎既呢

[小雲]

@michael-c
打唔打風阿雲都想曳曳架啦~

唔係啦~ 不嬲都會出嘅
純粹係我拖長嚟寫啫
今次算寫得快架啦... 重未夠半年

[michael c]

@小雲 係咪打風想曳曳諗番起果位師兄有感而發