是咁的,阿松我素來每一次黎活動都會進行歷時4-5個鐘既床褥素質測試,訓晒所有床,今次亦唔例外。
由於較早時份已經有野到肚,所以第一Round我係冇食野,但係有幫手9秒9咁「航」晒D食物出黎。弊家伙,張檯唔係好夠大,真係懷念某一次活動有張長檯...眼見咁多人,應該食得晒D食物掛,我仲同曹長講,佢地食唔晒我先包底啦,唔好浪費...結果都係食唔晒要掉...
好,咁就入返正題,咁做床褥素質測試,點都有D培訓助手協助一下先會順利進行,名單有以下(排名必分先後):
Kathy
A
KaKa
(好多k字同a字...)
測試報告簡略如下:
助手Kathy_一個字:Excellent,如果床褥枕頭增加英語會話練習功能,將有效提高用家的英語水平,建議製造商引入瑞士日內瓦莫三鼻克12世紀維也納多功能康熙發聲電子辭典寢室用品。
助手A_床褥防水功能有待改善,建議製造商著手研究外太空M字頭星雲超能納米真空混合水晶防霉抗菌0.0001凝膠,以發展床褥水利工程。
助手KaKa_床褥的回彈力頗高,而且有HP回復【中】的功能,讓本來攰到瀉開既使用者有如楊枝露滴牡丹開之感。
現在松氏科研招募下一期床褥素質測試培訓助手,有意者請喺辦工時間之內唔好偷懶。