Halloween其實係我最鍾意既主題活動........無之一,係唯一。
不過咁,今時今日,想借題發揮扮鬼扮馬,又唔一定要等Halloween既,話唔定下個月又攪個扮鬼扮馬既主題活動呢!
今次有個人以清假為藉口黎親近我.....................個喼!難得有美女幫手set場,當然求之不得啦。
對比起六年前Set場,依家真係清減左好多,因為少左我d 誇張既DIY裝飾同道具。其實諗返轉頭,我當時都幾誇,誇到有會員會「哇~~~」,不過今時唔同往日啦,仲邊有咁多時間丫,以前仲有時間分開攪埋下午場同夜晚場,要再有咁既日子,相信真係要中左千萬六合彩先有機會。
今年Halloween其實有d趕,因為十月圍鮑之後一直好忙,不過點趕都好,都唔想再skip呢個主題。往年一直會幫忙碌既會員購買costumes,今年就幫唔到咁多啦,不過都希望大家自己安排都一樣可以玩得投入d。
一直好欣賞Woody既創作力,好有啟發性,今年都好鬼馬,贏唔到唔緊要,因為即使俾你贏到獎品都用唔著!嘿嘿嘿嘿....
我今次唔寫咁多啦,d時間用晒黎執相,出左啦,自己去睇啦!
Halloween 肉照
本主題由 Dr. 於 2020-8-5 02:25 移動