這夜開年.....我射了很多
-
猴年第一炮，射既並唔係炮，係箭！原本以為自己出席唔到架喇，猴年到，唔通連馬騮仔都會忙啲？自從新年開始之後，就忙到九彩，有時候真係訓都無時間。見今次活動係war game，係有心動既感覺，但又知自己未必做得切野，所以都打定輸數去唔到架喇。點知光頭司令傳左個征兵訊息過黎，話需要征兵入伍，仲話今次唔打手槍，玩射....箭喎。咁新奇？我呢啲又貪新鮮又貪玩既性格又點會執輸，係時候要發揮我既小宇宙，不斷寫不斷做不斷寫不斷做，終於confirm到可以出席！多謝dr俾咁多時間我！
到活動當日，司令話之前可以一齊食，本來以為係職工頭圍用饍，點知原來係開年飯。見到好多熟悉既面孔，亦都有第一次見既師兄，每次大圍食飯都係好歡樂，有u師兄既益智iq題娛興節目，大戰之前果然係平靜歡樂。
一大班人經過左一大段路，又摸錯門口，終於都去到戰區！司令同u隊長各自都揾左佢地心目中既隊員，大戰終於都一觸即發，聽完briefing，大家都急不及待好想射。果然，之後既連場大戰證明左，靚女們其實都真係好射得！我喺司令呢一隊就當然唔需要擔心啦，有戰術大師之稱既司令，場場都有唔同既戰術，又有身穿短裙但心口有個勇字既蘇菲亞（下次等我揾下個勇字喺邊先），不斷遊走戰場前方，又有擁有欺敵專長既善良之箭，一箭定江山既將軍，機動力特強既力高佬，淨係用美貌同身材都已經殺得死人既mimi，音波攻擊力特強既shiba，咁既陣容，又合輸得去邊呢？而我呢，平時少射靶，所以唔太準，都係放冷箭射人啱我啲！至於大戰既detail，睇其他師兄靚女既動後就可以知架喇！
大戰過後，簡直就將近排堆積落黎既壓力一掃而清，雖然對腳痛左幾日...有時候出席活動對我黎講就係減壓既好地方，動與唔動都好，見一見大家，風花雪月一番，第二日又一條好漢！See you when I see you!
本主題由 Dr. 於 2020-8-5 01:38 移動
-
Dr. 發表於 2016-3-6 18:04
越黎越懶，又肥！(同我一樣，嘿嘿嘿嘿) -
crazy_s_monkey 發表於 2016-3-6 00:03
有幾？
越黎越懶，又肥！(同我一樣，嘿嘿嘿嘿) -
Dr. 發表於 2016-3-5 23:49
好曳呀！
有幾？ -
將軍 發表於 2016-3-5 21:35
好乖喎....
一向都乖
