正義之戰。善良之箭。
-
本帖最後由 dawn 於 2016-2-28 03:36 編輯
disclaimer
本後感內容真實無訛，如有錯漏，實屬記錯，並非筆者存心老作。睇唔明唔好問，睇得明唔好丙，睇得悶唔好睇，睇得爽唔好笑。有少少別字，因為唔識打，羅個同音算數，既方便又快捷。
foreword
dr 問今次出唔出後感，心諗，上次無出，今次點好意思話唔出喎。但筆者天生愚昧，又無墨水，點寫呀。老實答話：無靈感喎，一係你出左先，比啲 inspiration 我寫啦。
dr 菩薩心腸咁話：好啦，咁我出左先啦。之後，佢就出左篇邱比特之箭。睇完，都無 idea，心諗條友唔會玩嘢掛，一定有啲玄機 ge... 於是再睇，再睇，再睇咁睇左 n 次。終於發現，有人文不對題，內容完全同邱比特無關。
邱比特本身係一個好有趣 ge 神。佢係希臘神話裡面 ge 愛神，好多人都知 ge 係比佢 ge 箭射到，就會對某人產生愛意。但未必人人都知 ge 係，其實佢有 2 種箭。根據 wiki 所講：往往被塑造為手拿弓箭、背部長有一對翅膀的調皮小男孩。祂的金箭射入人心會產生愛情，祂的鉛箭射入人心會產生憎惡，祂經常無目的地瞎射。而作為愛神，其實佢本身都有一段好浪漫 ge 愛情故事，好多畫作都以此為題，有興趣自己 google 啦。
咁我就以邱比特之箭為題，續寫落去啦。
命中注定的一戰
起程去集合地點途中，遇到 mars （戰神，代表嗜血同暴力，係新新聯誼會 ge 主持人，同時係今次活動中希臘神話隊 ge 頭目），順口問下呢次活動有邊個會嚟。當邱比特聽到賽姬個名時，之後三分中內 mars 講 ge 嘢佢就一句都聽唔入耳。
賽姬可以話係完美女神，樣子身材出眾，只應神話故事先會出現 ge 愛美神。對邱比特嚟講，因為太完美，總覺賽姬有種高不可攀 ge 氣場，只可遠觀。（註：賽姬意為心靈，係亞底斯德王國 ge 三公主，因為太靚，世人視之為女神 ge 化身。經過重重波折，最終宙斯被賽姬 ge 真情感動，破例一次，將賽姬升格為神祇之一，賜予永生，成為女神）。
出戰前，當然要醫飽個肚先。命運安排左賽姬坐係邱比特對面。即時搞到邱比特個心七上八落，小鹿亂撞。個刻，邱比特真係想唱返首：如果命運能選擇... 十字街口你我踏出的每步無用困惑...
之後全程飯局，邱比特都好安靜咁坐定定食飯，同眼金金咁望住賽姬，就連原本屬於佢個杯熱羅漢果監生比 mars 羅左去據為己飲時，佢都唔敢叫 mars 嘔返出嚟。
食飽後，又經過一番折騰之後，大家到達戰地。地方唔算大，外圍仲用繩網圍住，困獸鬥咁。
經過一輪快速無民主，真西選 ge 簡人程序後，邱比特同賽姬同屬嗜血 mars 隊。邱比特暗自嘆惜，時不與我。同組即係無得趁機用金箭射賽姬，令賽姬對佢傾心。
賽姬好可愛，大膽得嚟又好細膽。佢好進取咁發箭，但又好驚青咁呢左係障礙物後面，即係好似人偷蕃薯咁。其他隊員就分工合作，亦好保護賽姬。
無哂心機，邱比特坐埋一邊觀戰，遠遠咁望住賽姬，用念力發功，守護住賽姬，同負責為自己個隊祈福，呢個職責都好重要架各位。
開口埋口話要有策略，講到好 strategic 咁，但其實無策略扮有策略 ge mars 就配合返佢個殺死人 ge 殺手樣，主責殺敵。
雖然著裙，上身非常密實，但佢話自己當晚係淫賤 OL look ge mak 玲玲接班人維納斯（代表愛，美麗，誘惑 ge 女神）由於除左眼鏡，眼界受到一定程度 ge 影響，於是化身最美的拾荒者，係拾箭者先啱，成為當晚希臘神話隊 ge 軍備拆家。居功至偉。
成日笑笑口好似好打得，出口成文，一代 sbc 文壇鉅子 ge mercury （詭計，語言，寫作之神）唔知主責啲咩，應該係獻計比假民主 mars，所以呢方面無功而回。唔知係咪因此有 D 鬱鬱不得志，亂箭掃射。雖然命中率唔高，但由於出箭率高，射中敵方 ge 次數都唔少。
唔知佢當晚想叫自己做 crazy 定叫 monkey ge 阿波羅（即箭術之神）當然係負責射嘢啦。可能射得太盡，搞到成身汗，佢就拉起件衫對住邱比特抺汗... 個一刻，佢 ge 男人味，令邱比特差 D 起左背叛賽姬改投阿波羅 ge 慾念，oh... sorry 係雜念者，因為今次係 non sex party 活動，大家都要清心掛肉。
hunger game 簡直係開正佢個番，唔知佢當晚有咩 target ge S for 雅典娜女神（athena 係智慧，戰爭之神，應該係人都知掛？但此為 S athena, 意即 super athena 同 a for athena 係唔同架），成晚好活躍，係戰事最後階段，因大比數以二比零輸左舖包剪揼比邱比特而出征女子組友誼賽，成功挑戰佢本人最夜訓記錄。完事之後由邱比特護送下先行返歸。
真人不露相 ge themis （正義之神）先至係最好的愛煞人武器。有時，過程太長，細節太多，但 ending 永遠都會係最多人記得 ge ... 有人話 themis 最後一箭係一箭定江山，邱比特就話係邪不能勝正先啱。themis 最後一箭穿心，除左象徵同又一次證實正義 ge 朋友會獲得最終勝利之外，同時話比大家知咩叫型。
命中注定的一箭
全程無咩交流，去到尾聲，賽姬退下戰線，換上邱比特。見佢姐手姐腳，賽姬出手幫邱比特戴上護手，個刻，邱比特中箭啦，世界好似只有佢地2個，時間好似停頓左咁，邱比特希望呢刻唔好完。假如，真係要為呢這份愛同呢一刻加一個期限 ge 話，邱比特希望係一萬年。無論去到邊，玩到邊，佢都會永遠記住一個永恆 ge 刹那。
就係呢股愛美神賜比佢 ge 力量，之後邱比特同敵方首腦對戰時，竟然爆冷射中首腦，要佢離場坐監，直到佢隊友求返佢為止。置
ps thanks u jai for arranging such a wonderful event n bringing so much fun for us
pps thanks dr for ... everything ...本主題由 Dr. 於 2020-8-5 01:38 移動
-
woody 發表於 2016-3-1 10:15
冠於文武英傑，佢老豆真係好有野心！
佢老豆知會生4個先勁~ -
Dr. 發表於 2016-2-29 23:11
High大左呀？
係餓壞左呀~dr...好餓呀~~~~~~ -
dawn 發表於 2016-3-1 01:18
點會係扮後生呀？我都唔識喎⋯⋯
你梗唔識啦，你係林黛、夏夢個年代架嘛，冠文哥仲食緊人奶！我唔怪你！ -
woody 發表於 2016-3-1 10:15
冠於文武英傑，佢老豆真係好有野心！
嗯，仲好有文化修養添！ -
Dr. 發表於 2016-2-29 23:10
扮唔識添依家，扮後生呀？
冠於文武英傑，佢老豆真係好有野心！ -
Dr. 發表於 2016-2-29 23:10
扮唔識添依家，扮後生呀？
點會係扮後生呀？我都唔識喎⋯⋯ -
niccolo 發表於 2016-2-29 22:57
我睇返都唔知自己講咩，可能尋晚飲得太開心，哈哈
衰野，咁大膽認亂覆。再覆過呀⋯⋯
-
woody 發表於 2016-2-29 12:44
wakakakaka 寫出黎似係戰場上之少女心事喎即係無論戰況幾咁激烈，死傷有幾多，都敵不過一縷愛恨纏綿 ...
戰場上的浪漫...呢個做副題都好喎⋯⋯
-
將軍 發表於 2016-2-29 01:56
擄獲唔到丘比特既芳心,有幾型都係失敗既...
將軍你咁講，邱比特會面紅同怕羞架
-
Dr. 發表於 2016-2-28 04:09
話自己係邱底褲果個，點解你臨尾先寫錯字同出錯字呀？好眼瞓呀？半夜三更出post！首腦要等人救， ...
咁夜出，因為有誠意呀，同埋夜晚先有靈感，先得閒。係呀，一時記錯，要人求個個好似係你先啱⋯⋯
咩愛心之箭呀，係勝利之箭呀！邱比特對賽姬係真心架，唔會咁易變...
-
Dr. 發表於 2016-2-28 03:54
我知我out of shape，唔駛用佢形容我既....
唉．．．你咁講，證明你睇唔明...你有咁好食咩？
-
niccolo 發表於 2016-2-29 22:57
我睇返都唔知自己講咩，可能尋晚飲得太開心，哈哈
High大左呀？ -
woody 發表於 2016-2-29 20:28
Huh!? 邊個黎架？
扮唔識添依家，扮後生呀？ -
Dr. 發表於 2016-2-29 18:48
死火，你兩個回覆我都睇唔明既∼∼∼∼
我睇返都唔知自己講咩，可能尋晚飲得太開心，哈哈 -
Dr. 發表於 2016-2-29 18:59
Ｗoody真係越見攪笑，唔知點解覺得你有D許冠文feel!!!
Huh!? 邊個黎架？ -
woody 發表於 2016-2-29 12:44
wakakakaka 寫出黎似係戰場上之少女心事喎即係無論戰況幾咁激烈，死傷有幾多，都敵不過一縷愛恨纏綿 ...
Ｗoody真係越見攪笑，唔知點解覺得你有D許冠文feel!!! -
將軍 發表於 2016-2-29 01:56
擄獲唔到丘比特既芳心,有幾型都係失敗既...
哈哈哈哈哈哈哈哈，咁你集中火力擄走左邊個呀？ -
niccolo 發表於 2016-2-29 00:18
mercury既主責就係射好似小動物個位隊友！
死火，你兩個回覆我都睇唔明既∼∼∼∼ -
wakakakaka 寫出黎似係戰場上之少女心事喎
即係無論戰況幾咁激烈，死傷有幾多，都敵不過一縷愛恨纏綿~~
