2015年9月1日 下午11:08
諗定下次遲到罰咩先
本帖子中包含更多資源
您需要 登錄 才可以下載或查看，沒有帳號？註冊 Register
x
<<Poor 嘥 Party>> (水戰篇)
-
(出發篇)
又到左每年都會攪最少一次既poolside party。同過往咁多年都一樣，總係去程回程都落雨，去到別墅就停雨，係老天爺故意要咁對我地嗎？無論我揀邊一日，結果都係咁，真係準過睇通勝！
今年同往年有些微唔一樣，就係希望部份因某些原因唔能夠過夜既會員都可以參與poolside party，所以特別安排左可以即日來回既條件，結果當然係往時無可能出現呢類活動既會員，最終都有機會可以參與，而且今年poolside比過往咁多年都早左好多公佈俾大家知，有成差不多兩個月去安排請假，如果咁既安排都幫唔到你，就唔到時間， 咁你就只能夠怨個天啦，我能力範圍內可以做到既就只有咁多啦。
今年亦破記錄咁多人參與其中，當然交通安排同別墅容量係有限既，俾我拒絕左而去唔到既，萬一今年仲會有機會(雖然機會微d)，就早d安排早d報名啦。
男子組：Max(ms306)，SamL，Woody，Ulrich同我
女子組：Candy，Giroro，KKY，QueenB，Sally，Shiba，Sophia，Wendy(wc306)同圓圓今年poolside夾雜住唔少第一次出席既會員，當中有SamL，Woody，Giroro，Sally，Sophia & 圓圓，係幾值得高興既事，等有更多既人都可以感受到poolside既樂趣。
Poolside party講真，其實都幾難攪，過去四年，除左有一年攪左兩次，連埋今次一共舉辦過五次，我覺得都算係咁啦(雖然我心目中係想每年攪兩次)。Poolside成本貴不在話下，又要離境，又要過夜，又要請假，真係少d自由、少d零用錢既會員都去唔到。
今年Poolside，因為我唔想太多人，又唔想男仔負擔太大，所以今年既目標係希望可以降低d個成本，不過一向覺得去玩就唔爭嗰一個幾毫既我，已經盡量知慳識憸，又俾我慳到多少少，有賴我地偉大祖國突如其來既匯率幫忙，同更偉大既Candy包辦大家新鮮熱辣既午餐(親手做既三文治，親手煮兼調味，足夠十幾人食既豉油雞翼、陳皮魚蛋同魚肉燒賣)，呢份心意，我同其他會員都收到晒。
P.S. 如果唔係我忘記左提前通知Candy改早左半個鐘，攪到佢手忙腳亂咁趕煮野食，就唔駛遲左少少到步，攪到佢不知幾嬲我拖累佢遲到。
話說我活動當日一早返公司執拾好行裝，離集合時間兩小時已經出發，因為知道要幫手攞野食，仲出埋溫馨提示俾大家，in case又有人好似往年咁唔知醒，就係無諗到d食物原來會新鮮到最後一刻先煮，my fault！
不過，根據約會遲到公約守則講，約會時間前後十五分鐘都唔算過份，加上我地遲左十分鐘啫，都唔夠KKY遲！
「遲到要點懲罰佢？」
Shiba呢隻小魔怪已經急不及待咁提出呢個問題。
「之前我原本打算遲到者要錫我一啖咋...」
「車~~~」
「唔得呀，咁簡單...」嗱，其實唔係我想嚴懲你架KKY！
「一於俾我地剝光豬掟落水啦！」
為左保護呢隻魔鬼，我決定唔透露佢既身份。(你地估到唔關我事！)
等齊人，一齊過關，一齊去為班酒鬼買酒！出關口等齊車我地就分批出發嚕！
(水戰篇)
「U仔，你負責帶一班人坐一架.....」
「好，無問題，邊幾個？」
「你想要嘈定要靜架？」其實問呢句本身有d多餘。
「Woody，Sally，Giroro，KKY 同 Shiba跟你車啦！」
呢個組合應該未至於聲浪分貝太高而影響司機正常行車既。至於我呢邊，揀晒d被動型，只要我唔出聲，咁大家就可以上車恰一恰！攪咩一早就要恰一恰？恰一恰好重要架，因為預計呢日一定會玩到好夜囉！恰得最耐既應該係波波同SamL，好似一開車就恰，呢兩條友好明顯日日都做賊啦！
起身啦，真係恰一恰就到達目的地。
「大家企埋一邊等我check in先....」
「個蛋糕要寄存響廚房先喎，我驚房個雪櫃唔夠大....」
「OK，一陣攪。」呢個蛋糕其實都係Candy準備既。
因為今次咁多人，所以決定分兩批人去別墅。
「U仔，你地行先啦，我地跟住。」
一轉眼已經全部到左別墅。
「Dr.~~個泳池好似細左咁嘅...」
「係咩？」我心諗你成日話自己肥左，會唔會因為咁所以顯得個泳池細咋？嘿嘿嘿...
唔理佢大定細啦，換衫落水最實際。
「哇~~~」
著到成隻檸檬咁消暑既Shiba已經俾我伸左落水。正所謂出得黎行，遲早要還，我預左小魔怪轉頭一定會報仇既！
當我地響樓下玩緊水既時候，我已經留意到有幾個人唔見左，好明顯係上左二樓整水彈啦！Candy，波波同KKY，你地應該邀請埋我上去幫你地手嘛！今年d水彈細左咁多，Woody響泳池執起幾個，見到太細嫌棄，所以暴露左佢其實係韓國整容Oppa既身份，幫d細波重新灌水，由A cup升到D cup。所以波呢樣野都係麻甩佬在行d，下次呢d苦力就留返我地做啦。
今次我帶左四支我今年去曼谷潑水節時買返黎既水槍，山長水遠帶到黎無奶油唔玩架嘛！另外有日行開深水埗，又買左兩個籃球架，water basketball就梗係唔少得啦。
「喂，大家快d落水啦！」
Giroro著左件白底藍邊花花既"一次性"泳衣，好明顯係預左就算俾我地玩到變晒形都唔可惜咁款。
Sally著左套two pieces橫間行到池邊已經驚驚地，傻妹，駛咩驚？Sorry，應該話驚都無用，俾我地掟落水係常識啦！
修晒身索爆既Wendy例牌著住套比堅尼，嗱嗱嗱，男人見到綁繩既野，係會不能自控咁去解開佢架，死結係無用架，咪傻啦！
至於以為親戚到可以獨善其身唔會濕身既QueenB坐響池邊，身為邪惡軸心領袖既Dr.，又點會放過佢？我用早前潑水節修練返黎既射波波絕技，不差分毫咁對住Batman T-shirt上既飛釘射過去，bingo!
Max & SamL當然都唔會放過佢地啦。Woody "the nice guy"好明顯唔夠壞，想bad都bad唔黎，你都係行齋咸濕文人路線算啦，你令我諗起唐詩三百首入面班咸濕佬，一邊攬女飲花酒，一邊吟詩作對！
掛住吹張Big Daddy浮床既U仔，越黎越低調，you've changed！大家都好懷念以前嗰個開懷既U仔，快d歸位啦！
KKY今年套泳衣好安全下，唔通一早知道遲到會俾我地罰咁有遠見？好啦，我地會好好照顧你架，即使你著到愛斯基摩人咁，千祈唔好睇少我地呢班喪喪地既會員既耐性同毅力！
攪左好耐水彈都未落水既波波，著左件rainbow間條既比堅尼，據聞波波唔識游水，不過唔怕，個池唔深水，有叔叔又有哥哥係度，唔會掟你落水...............至奇！叔叔同哥哥係SBC perfect tag team黎架嘛，一合壁所產生出黎既邪惡力量實在太強大！
「Wow....」
咩料一班女仔柴娃娃響度大呼小叫？原來係最後一個出場既Candy！一身大露背黑色one piece開左兩邊腰位加條金屬腰鏈，唔似佢一向既style喎，有驚喜！
齊人當然梗係黎大懲罰先啦！KKY俾SamL好似舉鐵咁成個打橫抱起，然後被掟上Bigg Daddy擺pose影沙龍，不過不斷想走佬既KKY碌黎碌去，好辛苦先成事！好啦，係咁二放過你啦。
今年無大大沙灘波，改玩一手掌握得晒籃球。一落左水就變左小魔怪既Shiba話唔夠大波波好！點解你咁麻甩架？一手掌握得晒既波不知幾好玩，個個揸到個波實一實，人叠人、人咬人、人抱人、人扯人、人攬人、人拉人，總之就殘暴到極點，為左一個一手掌握得晒既波，竟然可以挑起大家既獸性，似乎效果比大波波更厲害！
我雙手變得傷痕累累，Max亦都唔見得好左去邊。一輪激烈既男女水上籃球就係響咁兇殘既情況底下完成，好攰呀~~~
唔好講笑，消耗左咁多體力，都係醫左個肚先。d雞翼、魚蛋、燒賣同三文治好快就消失晒！
查實今年我地都算利用得個Pool最少既一年，真係名符其實既pool嘥party！
<<待續>>
本主題由 Dr. 於 2020-8-5 00:55 移動
-
Shiba 發表於 2015-9-2 13:52
下次等我幫手煮野食⋯⋯
橡皮糖壽司，榴蓮三文治，滑沙B味魚旦
下次早d自投羅網嘛，你知我唔會專登要求你地整架啦！不過你整咩都無問題，Max都會照單全收！ -
Dr. 發表於 2015-9-2 16:31
哇~~~講呢d?! 老人家唔嚇得架！
幾時有下一篇睇呀 -
sally 發表於 2015-9-2 12:30
無用...你對我都無興趣
哇~~~講呢d?! 老人家唔嚇得架！ -
taylor 發表於 2015-9-2 16:29
....被擺上table...
等你 -
sally 發表於 2015-9-2 16:23
成日叫人影..你又唔影
大家聽住呀..!wakakakaka
Taylor唔出我都唔再出呀
....被擺上table... -
taylor 發表於 2015-9-2 16:22
後生細女學人怕凍....
快D除衫去拍番張自拍post上壇
成日叫人影..你又唔影
大家聽住呀..!wakakakaka
Taylor唔出我都唔再出呀
Hahaha 啲人心諗 wfc -
Mandy 發表於 2015-9-2 16:17
我又除~
10月份落水凍唔凍呢?後生細女學人怕凍....
快D除衫去拍番張自拍post上壇 -
Mandy 發表於 2015-9-2 16:17
我又除~
10月份落水凍唔凍呢?
快啲搵齊人係想報既去轟炸下dr.
唔怕啦..凍咪抱埋一堆 -
sally 發表於 2015-9-2 12:20
唔掂..睇黎我要除哂衫去你診所門口請願先得...
我又除~
10月份落水凍唔凍呢? -
sally 發表於 2015-9-2 12:20
唔掂..睇黎我要除哂衫去你診所門口請願先得...
Sally, 支持你.. -
Dr. 發表於 2015-9-2 11:35
哦，係既，小魔怪！
下次等我幫手煮野食⋯⋯
橡皮糖壽司，榴蓮三文治，滑沙B味魚旦 -
Dr. 發表於 2015-9-2 12:28
哈哈哈，你sure咁有用？
無用...你對我都無興趣 -
sally 發表於 2015-9-2 12:20
唔掂..睇黎我要除哂衫去你診所門口請願先得...
哈哈哈，你sure咁有用？ -
Dr. 發表於 2015-9-2 11:34
多人要求先諗啦！又無人上街遊行，提出要求~~~
唔掂..睇黎我要除哂衫去你診所門口請願先得... -
crazy_s_monkey 發表於 2015-9-2 11:49
個天唔鐘意我可以點檢討呀dr？
我知就唔駛叫你自己檢討啦！
或者試下拖齊馬上街提出訴求囉，人多先做到野架嘛！ -
Dr. 發表於 2015-9-2 11:36
咁個天都唔幫你，係時候檢討下啦！
個天唔鐘意我可以點檢討呀dr？ -
taylor 發表於 2015-9-2 11:01
"今年同往年有些微唔一樣，就係希望部份因某些原因唔能夠過夜既會員都可以參與poolside party，所以特別安 ...
咁個天都唔幫你，係時候檢討下啦！ -
Shiba 發表於 2015-9-2 08:35
我話諗下姐⋯⋯
無話今次係我諗呀
哦，係既，小魔怪！ -
sally 發表於 2015-9-2 07:33
原來咁多人都係第一次去
贊成再搞
多人要求先諗啦！又無人上街遊行，提出要求~~~