<<<七周年活動隨拍隨寫>>>(麻雀王大賽篇)
-
有日話說有人揾到間新開既保齡球場。
「不如攪次保齡球夜囉！」
又得啫，最怕無人俾建議，同滾有關既野梗要去馬啦。正當我惆悵緊七周年做咩好既同時，突然有個咁既建議，不如就反傳統，將今年個七周年變成一個聯誼活動啦。
「保齡......滾......滾呀~~~橫掂都係，不如打埋邊爐囉喂，反正等左咁耐終於天氣變凍，一於咁話啦。」
就係咁七周年慶祝項目就有個初型。不過當然，計劃永遠不夠變化快，因為地點交通問題，對部份參與會員造成幾大既障礙，唔緊要，最緊要就大家方便啫，改又如何！
「呢區附近有無邊度打邊爐好食架？」
講到去邊打邊爐，我梗係問個最鍾意打邊爐既人啦。所謂用人不疑，疑人不用，就咁決定啦。
「幫你訂左啦，八點半留姓X。」
「哦，咁晏呀？」
「佢最早8:30先有枱。」
「哇，咁好生意？」
「你留姓X，佢地唔知個喎，俾個電話我改留鮑醫生啦。」改既同時，順便打埋去Book Lane，先發覺原來家陣仲咁多人打保齡。
「喂你好，我想Book Lane，你地個日開到幾點呀？」
「十一點。」
「下？咁早~~~咁你地6:30有無Lane？」
「最早十點先有。」
「十點？咁......」計下條數，八點半打邊爐，十點保齡.....(流緊汗)
「咁Book兩條Lane先啦。」
係咪都Book定先，期望有奇蹟出現啦。
結果所有野都要推到咁夜發生，咁日頭有咩做好呢？
記得有人埋怨每次麻雀王大賽既時間都咁短，打得唔夠過癮，咁不如就打牌啦！所以話，有意見出聲其實係好事，咁咪有機會實現囉。
話咁快就齊一枱腳，但又爭兩隻腳至夠兩枱喎，唔緊要啦，輪住打囉。
就係咁，一切準備就緒。
「打牌既，唔該兩點到，包lunch....」
不嬲都好守時，但係我成日都覺得佢改壞名既Shiba (輸霸真係好難贏架，揾阿玲玲師傅攪攪佢包你有贏到開晒行！)已一早到左。我拎住盒靚靚西餅都接住到埋，上次輸到甩褲既QueenB緊接到步。
「仲有邊個呀？」
「咸濕仔。」
「下，咸濕仔？」
「係呀。」
「仲未到既？」
「Message佢先....」
「咸生，到未呀？」幾分鐘後。
「Sorry呀，我啱啱瞓醒咋，依家出門口可以嗎？」
(Calm down 鮑醫生)
「你唔係丫嘛？飛的落黎啦，成村人等緊你呀！要幾耐呀？」
「一個鐘左右啦應該....」(唔好勞氣，打牌啫)
「咁我地叫野食先啦。」
(你知啦，我勞氣既話，另外兩個可能仲火過我咪死！)
就響我地等緊野食既時候......
「哇~~~我幾十年無玩過啦！」
由初初兩個傻婆玩到依哇鬼叫，到我加入攪破壞，時間就係咁過得特別快。
「睇下凳腳嗰個去到邊先。」
「邊個呀？」
「傑出站長年終獎得主圓圓 (aka 波波)。」
「我下個站到啦....」就響我地食緊麵既時候，收到呢個好消息。
「落好大雨呀....」
「無帶摭咩？咁我落黎接你啦。」點知去到Lift口佢又上左黎，曉瞬間轉移架你？
勢估唔到凳腳嗰個仲早到，咸生真係執身彩，應該買隻燒豬返去還神！
本主題由 Dr. 於 2020-8-5 01:01 移動
本帖子中包含更多資源
您需要 登錄 才可以下載或查看，沒有帳號？註冊 Registerx
-
我知錯了下次唔敢
-
Dr. 發表於 2015-12-10 12:34
有幾乖呀，七周年都唔寫下感想？你入會一年囉喎！
UMMM...動後製作中... 盡快 -
圓圓 發表於 2015-12-10 12:04
我乖乖豬丫嘛~ xdd
有幾乖呀，七周年都唔寫下感想？你入會一年囉喎！ -
我乖乖豬丫嘛~ xdd
