遲來的報告
-
話說活動當日, 公司無啦啦要 OT, 無得準時到同大家一齊食下飯, 飲靚湯, 真真可惜. 大約8 點半到達目的地, 未開門己經聽到大家玩遊戲笑得好開心啦. 咁就拿拿聲入去沖涼 JOIN 大家玩遊戲. 呢次遊戲係鬥快食野, 我獻出左我人生兩個第一次...嘴男仔仲要嘴完左邊嘴右邊, 認真難忘呀, 不過最緊要係大家都玩得開心, 無所謂啦. 之後仲有一個七手八腳既遊戲, 好快咁玩完之後, 大家就入正題開波啦.
呢一晚我見到好多新面孔既男會員, 咁我逐一認識之後都同佢地傾左一段時間, 期間主持人麒麒仲分享左佢既"麒麒的故事", 大家都聽得好開心. 不過可能我地傾得太投入, 意識唔到有師想"邀請"女會員, 好在 DR. 留意到叫開左我地, 咁就走去玩左陣冚綿胎啦. 之後我地幾個男仔周圍行下傾下又睇下, 我見有壽司食剩左喺度, 就提議玩辣辣壽司啦, 大家都玩得幾開心, 不過我自己都食左兩件, HAHA, 好在佢地當時唔夠 WASABI 乍
總括來講, 我覺得自己當晚好似退步左咁, 只係一味咁玩遊戲同傾計, 但係就無晒做"正經野"的意識
今次我地呢幾個不長進的會員, 真係辜負晒各位資深會員的用心教導.
最後特別多謝DR, 麒麒, ZERO, CHANEL 同 CC 的講解及分享.
當晚各位戰友THOMAS, ERIC, WAI, JERRY 我地一齊比D 鬥心, 下次有機會齊齊進步丫 -
哈哈，下次一齊努力過
-
仲以為你唔寫報告Tim
-
退唔退步就睇你點睇啦，不過我spot到你有改進既地方，有機會再講你聽！
-
可以分享既我都好樂意同你分享，但之後既野就要靠你自己行多幾步喇。加油