活動後感
-
你好，我是inno。
非常抱歉久久沒上來論壇。
上班不便上網，最近也甚少能回家用電腦，抱歉讓大家覺得疏離了。
在一個大家都使用口語說話的論壇，我努力點嚐試用口語講話。我經常覺得自己投入不了大家的話題，非常疏離的感覺。
沒計啦本人內涵空虛泛味，潮流資訊非常不留意。我相信DR說的"甚少參與活動前後的活動及個人社交能力及溝通能力表現稍遜"我全部都中，求求你高抬貴手。
最近去活動，在酒店過夜的次數多了。
可能因為太累了。
在大家玩累了聊天時，雖然我想參加不過十二點了，小朋友想睡了。
太晚開始幾乎到一兩點我就斷線強制關機了。抱歉在床位緊張的時候霸佔床位。我一向好怕生離死別。
喜歡看的書，大結局會不敢看，電影有催淚位就會喊，長江七號都會睇到流眼淚。年頭至親的婆婆過身了，即使現在談到她過身也會流淚。
並不是覺得不捨得婆婆，我覺得人老去得安祥是好事，
不過我難免覺得寂寞。
並且這件事令我失去了親戚們和朋友們。倍感.....。我覺得要扮開心，之後又要抱怨無人睇得出佢悲傷，先至係犯賤。感性唔係咁囉。
所以我好開心無人覺得我唔開心，
因為我認為令負面情緒快D離開的最好方法，就係令自己笑多D。
況且我並唔係唔開心，只係寂寞左少少。開唔開心，你唔講無人知，
但係講出黎，實在無意思。
講得太傷感令到人地唔開心就無謂啦。
有好多問題，只係心結，講出黎，只係令對方做你的情緒垃圾桶。
我的八婆心理好喜歡聽，無奈潛意識鐘意聽唔喜歡講。
所以我一直覺得太家share得好多，我分享得好少，有少少遺憾。有時候為人直接，不代表口不擇言。
講得太直令到人地唔開心就無謂啦，不如吞返果句落肚。可能我平時講野真係太用心太用腦了，
所以唔需要用腦的說話，就會唔經大腦咁跌左出黎。
因此你地平時聽到的唔經大腦的說話，
其實中間經過非常複雜的程序去消化，所以先會得出咁唔經大腦的廢話，實在難得。
我下次宵夜話想食和風汁紫菜意粉時，請勿見怪。
我預期下次會話想食紅油抄手，要雲吞小小粒同埋落醋調味果D...有兩次都有人講星座，估我咩星座，雖然無人估中過。
不過有人話我無乜脾氣‥‥我深信我脾氣唔係好，
只係生氣是用別人的過錯去懲罰自己。
小事黎GE，可以唔洗嬲，留返啖氣啦。
大事的話，你嬲都改變唔到乜野。
對鐘意的人，無必要串得太盡，大家唔偷快就唔好啦。
對唔鐘意的人，串燒食得多會熱氣，自己唔偷快就唔好啦。
我努力鞭策自己做到理想中的自己姐。為左唔好令自己亂諗太多，我習慣立即熄機去瞓覺。
請唔好將以上說話代入左當晚盛況。
當晚睇得出大家都非常愉快，
只係上面幾段講出黎好似大道理，其實乜野內容都無的肺話，
非常肉麻，我接受唔到講唔出呢堆肉麻說話，因為會忽然變得太正經。
我只係家陣group埋一次過講晒出黎姐。離開酒店，吞左落去的情緒先開始回甘。
SamL，因為我真係好怕生離死別，所以為左隆重其事，我會當你死左一樣，永遠懷念你。
全日最痛心，應該是我離開酒店去返工時‥‥
‥‥‥‥
‥‥‥‥條裙底面反轉左黎著。
因為遲緊到趕緊返公司，仲要上到朝早地鐵先發現，
呢一刻，所有七情六慾哀傷煩惱都如浮雲，真係柒到忘我。呢個故事教訓你就算幾麻煩 幾驚見光死 幾怕開燈整醒人都好，
千其唔好黑麻麻時著黑衫！真係柒到無朋友！！
-
inno 發表於 2012-4-2 22:42
我仲以為你講蓮花係指觀音座蓮......多謝你咁抽象的形容!
因為 [出於污泥而不染] 呢句，好似用到爛晒，好俗氣甘，所以唔想用呢句．．．
點表達好呢．．．不如，襯返你．．．名詞當形容詞用．．．感覺 飄逸 D，抽象 D ∼ -
我都係諗到坐蓮囉
-
kky 發表於 2012-4-2 21:38
蓮花寓意
蓮花是聖潔、清淨的象徵，蓮花亦稱荷花。蓮花以它那美、愛、長壽、聖潔的綜合象徵成為中國人喜 ...
我仲以為你講蓮花係指觀音座蓮......多謝你咁抽象的形容!
-
Wing 發表於 2012-4-1 14:35
Inno... 加油! 我們在SBC 支持你，其實有很多事和情緒都是可由心態開始改變，你可嘗試和內在的你說話，由心 ...不用太介意其他人怎樣聽你講的每一句，我們每一個人不是為別人而過活，而是為自己活得更好而過！自己過得輕鬆愉快是最重要的!
加把勁，和分享舒發自己感受是最好療傷! Wing 講得再好沒有，非常認同∼ -
inno 發表於 2012-4-2 20:46
咁多人回覆真係令我有點嚇親
對唔住令大家想笑又唔敢笑
希望唔會嚇親大家仲有kky, 咩叫好蓮花......
sorry呀講到蓮花我淨係諗起令人雞皮疙瘩的蓮蓬圖......諗起都打冷震!!
我夏天最熱果幾日最鐘意開d蓮蓬圖出黎睇, 睇完透心涼蓮花寓意
蓮花是聖潔、清淨的象徵，蓮花亦稱荷花。蓮花以它那美、愛、長壽、聖潔的綜合象徵成為中國人喜愛的名花
仲有[繾綣]究竟點樣讀.....做乜忽然用古代文字呀!!
你知唔知呢幾個字經己被逐出五千常用漢字範圍,
小學生程度都不如ge我, 深到好似造字咁!!
果日宮宮唱左句歌詞講我聽究竟[繾綣]點用, 我直頭覺得佢唸緊咒....繾綣 音 顯勸
繾綣定義
情意纏綿，難捨難分: "柔情繾綣，軟語溫存。". -
其實我無事架啦 放心啦!
條裙搞到我返公司要除晒d衫......!
我咁大個女都未試過係公司除晒d衫......DR點解你要一篇文睇三次呢.....我會怕羞架!
你知唔知我本身經己前後調轉左, 除完又著返架啦.....
點知.........
悲劇就此發生了.......Hayley講得仲有深度過我
我呢d深度浸到腳指的, d深度內涵漏晒出黎都係得咁多豁達呢個字係我座右銘，所謂座右銘呢，
就好似牌匾咁卦係當眼處，
就係因為做唔到先要卦起佢日日警惕自己囉!!
我都想好豁達啊啊啊啊啊啊啊啊阿虎我呢d擺到明係讀寫障礙+語障，
出到街會見到反差，會幻想破滅架。
擺明用篇正常文黎呃新人
傾多幾句見真章
比人地覺得我好白痴咁點算!!!點解回覆仲要長過篇文呢!!
最後....節哀順變!!SAML希望你在地球另一邊會過得更好!!
初一十五舊燒肉我會留返自己食架啦!
你都係去食羊啦。 -
咁多人回覆真係令我有點嚇親
對唔住令大家想笑又唔敢笑
希望唔會嚇親大家
我仲諗住有返少少層次咁, 甜酸苦辣炒埋一碟姐
早知淨係貼最後一段啦最近上網都少左講野
其實以前傾計都幾鐘意講好多
一般都用台灣人也懂的中文腔講話
大陸用中文腔就好難學習了其實叫我火星人我是唔介意的
無論我舊同學 網友 朋友 飯腳....統統都係見面無幾次之後就開始叫我做火星人!!!!
究竟點解你地會睇完我真面目架!!仲有kky, 咩叫好蓮花......
sorry呀講到蓮花我淨係諗起令人雞皮疙瘩的蓮蓬圖......諗起都打冷震!!
我夏天最熱果幾日最鐘意開d蓮蓬圖出黎睇, 睇完透心涼仲有[繾綣]究竟點樣讀.....做乜忽然用古代文字呀!!
你知唔知呢幾個字經己被逐出五千常用漢字範圍,
小學生程度都不如ge我, 深到好似造字咁!!
果日宮宮唱左句歌詞講我聽究竟[繾綣]點用, 我直頭覺得佢唸緊咒.... -
今次第一次見你,好在我有問到你叫咩名,如果唔係.....
睇完呢篇文章真係估唔到係出自你手筆
可能係你掩飾得太好或者係我唔夠細心,當時完全睇唔出你唔開心
不過我覺得好似我,有時自己唔開心都唔想比人知,對人歡笑背人愁
anyway~nice to meet u~另外~kky~
我想講我都係唔係好識同人相處,
但你比我既感覺係你一定好過我先啦~入左會以黎都冇打過咁多字既~哈哈
-
本帖最後由 samL 於 2012-4-2 11:35 編輯
WAHAHAHA , 你個REPORT 睇到最後, 真係死都笑番生,
記得早晚上香, 初一十五放下花, 清明重陽買廿蚊燒肉俾我啦
你要萬事小心, 我會係上面"目及" 住你,
-
因為遲緊到趕緊返公司，仲要上到朝早地鐵先發現，
呢一刻，所有七情六慾哀傷煩惱都如浮雲，真係柒到忘我。呢個故事教訓你就算幾麻煩 幾驚見光死 幾怕開燈整醒人都好，
千其唔好黑麻麻時著黑衫！真係柒到無朋友！！
Inno﹐你呢一段﹐我睇左三次﹐三次我都忍唔住笑到肚抽筋﹐快D賠返D醫藥費俾我!!!! -
本帖最後由 Wing 於 2012-4-1 14:35 編輯
Inno... 加油! 我們在SBC 支持你，其實有很多事和情緒都是可由心態開始改變，你可嘗試和內在的你說話，由心而發的笑和說話，不用太介意其他人怎樣聽你講的每一句，我們每一個人不是為別人而過活，而是為自己活得更好而過！自己過得輕鬆愉快是最重要的!
加把勁，和分享舒發自己感受是最好療傷! -
生離死別都係人生必經階段......見到你黎活動,我諗inno你心情應該都已經平伏了不少
你係一個充滿陽光,正面嘅女孩,每次見到你我都好開心每次見到你都會有笑料發生.....希望每次見到你都會愈黎愈開心
P.S. 下次出門口之前記住check下條裙有無掉轉 -
cheer up baby
the worst time is over and the best is yet to come
-
Inno 其實我覺得你係一個好特別既女仔，雖然我地好少傾計但從你的說話其實得出你係一個轉數既快既女仔。
-
Inno同你傾偈一D都唔覺你係火星人，你又溫柔又有學識，同你一齊真係好開心。
-
難怪覺得你活動那天好像特別累，狀態一般...
女孩子來說，在活動中你算是接觸比較多的一個，雖然好像從來沒有很認真的談過天，因為現實中我也是社交技巧有點笨拙，不懂和不熟悉的人作很認真的比較有深度的交流。你那些所謂不經大腦的廢話，在我聽來反而覺得很自然不做作，並沒有不能理解的奇怪成份存在，所以你繼續做自己想做的自己就好，無論那是刻意抑壓情緒感想的你還是暢所欲“不經大腦廢話”的你。
雖然現實中感覺不到，但一直以來文字上的你即使是寫和情緒表達無關的事甚或是令人發笑的comment時，那種幽默背後其實是帶着一點點，怎麼說，淡淡的多愁善感的感覺？可能說不上多愁善感，但幽默背後總是有點甚麼的，大概就是太用心去思考說話的副產品吧。
我很認同你的看法，方向是絕對正確的，但有時逼得自己太緊實在是很心力交瘁的一件事，可以的話多些像今次這樣表達吧。
最後，我真的笑了，對不起。
-
(嘗試用不口語化的方式去表現口語化的感受...)
Inno式的幽默絕對是令我笑至不能自拔的能量蛋............不過﹐傻妹﹐我是有調教鬧鐘的﹐可惜手機變了震動﹐要你趕得連裙底也反過來穿﹐實在過意不去....另外﹐燈是要開的﹐因為你沒有天使得得B頭頂的那棵燈泡﹐照不到光的!!
-
很發人深省的文章~
希望大家笑多d
你條裙著返正d -
Inno, 你說了我不能說出來的納悶和感受...
