本帖最後由 Seed 於 2010-6-13 22:16 編輯
事別一個多月﹐為SBC炮製出一個米芝蓮三星級法國菜既菜單
<前菜一> - <伊麵頭盤>
靈感來源:
話說有日無聊﹐講開成個月無出席過活動﹐實會有人唔認得我﹐而又有人話無同我咩過﹐咁我話你認到我再講啦......
材料:
- 伊麵頭一個
- Zip lock 保鮮袋一個
- 唔湯唔水一碗
- 梳一把
制作過程:
當日無辦法提早到步﹐無辦法為伊麵頭飛水過冷河﹐一到步Captain Funky開門
「呀邊個邊個黎左未呀?」
「邊個邊個呀?」
「呀邊個呢....」
係呢兩三秒既無聊對話裡面﹐我知道已經唔夠時間俾Captain Funky反應過黎﹐所以我要即刻入廁所變身伊麵超人。
「廁所有無人呀?」
「.....」
我又係Captain未俾到反應之前已經開門殺入廁所....門一開﹐一個素未謀面既幼齒係廁所俾出一個周星馳式既驚嚇表情。
「你係....」
「乜水呀?」
「唔好講住﹐借個位黎先...」
我從餸籃羅出個放係櫃桶､拿埋一舊﹐放左落ziplock 保鮮袋既伊麵頭﹐第一時間用迅雷不及掩耳既廚藝﹐將伊麵用法國浪漫式既手法上左碟﹐個種浪漫氣息﹐絕對足以比美hit 爆網絡既犀利哥! 但係為左迎合香港人既口味﹐我嘗試過用梳企圖將伊麵梳直D黎配合法國菜一貫講求美觀既presentation﹐再加上秘制既唔湯唔水做調味﹐終於可以上第一道前菜。
是晚在座既客人都為我炮製既第一道前菜而表現出驚喜。
當我見到坐係大廳既A﹐Bel 同未見過既俊男(自己報上名來﹐唔該)一路好忙碌咁欣賞緊呢道菜既時候﹐我作為大廚﹐當然要問下客人既意見。
Ms. A:「咩伊麵黎架? 咁好味既....」
好明顯﹐Ms. A係一貫既香港人﹐其實佢完全唔知我俾佢食既係咩﹐但係又唔好意思講出口。
Bel:「呀~~~」
呢個仲簡單﹐我從未見過Bel對眼睜到咁大﹐表現得咁驚訝﹐連係睡夢中都可以勉強俾到個十級既反應俾我﹐我見佢咁俾面﹐當然要錫返佢一啖啦!
如事者﹐我繼續去餐廳greet每個客人。
評分:
雖然未能完美演繹﹐但絕對做到俾每個人驚喜。
第一道菜完