2016年2月25日 下午5:42
射你就一定想啦，睇下射咩 ge 啫...
覺覺朱啦，遲啲再比個詳細回覆。
邱比特之箭！
-
邱比特之箭定邱比特之戰？睇你有無目標想射啦，嘿嘿嘿....
咩都唔駛講住，因小弟遠赴AV Land多日，未能為大家服務，先要多謝今次隱肉負重、苦湯倒火、負責一切場地安排兼夾做埋客席主持既大逃抵 Ulrich！唔該大家掌聲鼓勵！
話說，有人話：
「不如玩hunger game囉....」
「即係玩咩？」
「射箭囉。」
「好呀，你去揾返黎丫...反正我唔係香港。」就係咁，造就左我地第二屆殺戮戰場之 Hunger Game。
好抱歉，有部份之前未出席過任何活動或N年無上壇出過聲既會員，好可惜今次唔可能有你地份(一早寫左，你地報名前可能連睇都無睇)，日後積極d出下聲，提高一下你地出席活動既機會先啦，咪話我假民主，我已經講到好明架啦。
今次Hunger Game同預期人數相約，最後一共有16人，滿意滿意。因為AV Land返黎時間比較趕，推遲左通知大家，請見諒。
原本人多加上平日，驚大家放工會難夾時間，所以叫大家晚飯各
自攪掂，誰不知.....Mimi一句「點解唔一齊食飯呀？」好問題。
問下又無死既，早到既咪一齊囉，right？結果往往出乎意料。
開年啦喂！雖然只係茶餐廳，但都無損大家既熱情同雅興，咁大班人出去食飯真係唔多。SBC攪攪下變左聯誼會咁，會唔會有人覺得我地變左質呢？嘿嘿嘿....
食完飯U仔變身烏龍帶隊，去左棟大廈響大堂揾水牌。
「依~~~呢層個公司名唔多似玩Hunger Game喎....」
前面一堆人你一句佢一句，然後聽到人話....
「妖~~都唔係呢度！」
呢個蝦碌咁精彩點解無人提架？哈哈哈哈.....一班人X交叉Y咁走返出去，帶guide唔該專業D啦，小心俾人拍低放上facebook！
終於上到去啱既場地，發現仲爭Sophia，咁無計啦，分隊先。拿，我就最假民主架啦，無人出聲就梗係我同帶guide猜人啦，食飯前已經有人s講左要同我一隊（well，我贏面大d咩？嘿嘿嘿...），開到聲我又點會托手踭呢，我咁好人？
唔想將我當做標靶既有我自己啦，Dawn，Shiba，Mimi，將軍，Niccolo，Monkey同未到既Sophia。
成日當我標靶既個隊有U仔，Candy，QueenB，Emma，Pikachu，Wai，Woody，同Henry。
分好隊就聽briefing，今次無好似上次玩BB彈咁有靚女做講解，大家都爭住問野，攪到阿哥哥仔成日講：「聽我講埋先....聽我講埋先先...」，我建議佢地應該請個靚女做講解，就算到時真係唔好玩，都可能/或者會令人玩完再返黎玩（為左聽靚女講解，嘿嘿嘿...）。
Anyway，大部份既人都比較在意點先可以殺死對手。
「好似Rambo咁手執雙箭插對手，而唔用弓射，算唔算殺死佢架？」
「係咪射中對手個頭先當死架？」係咪好變態呢吓？
一定要用弓射中頭以下先算死其實真係有違自然規律，仲要分楚河漢界同安全區，咪無得俾我地呢班變態殺手放肆囉？上箭上得慢，俾我就手執雙箭，打十個空翻去到對手面前兜心口（當然用雙手扯爛件衫先啦）插落去啦嘛，順便抽下水同姦屍先有SBC精神架嘛！算啦，去到人地個主場，唯有聽下人老點啦。
對戰期間，雖然好似好多人當我標靶咁射，但係查實我唔係好知，因為我都唔算死左好多次啫。下次醒D啦，射屎我啦！仲有人話要打爆我個頭，哈哈哈哈，你俾我射死左兩次啦！想打爆我個頭？ 哇哈哈哈哈哈....射我啦笨，射我啦笨！
話說我呢隊人材仔仔，有個高人早前話....
「射自己人得唔得架？」
「得，等我射你啦。」結果高人成為善良的箭代言人。
「好後悔，早知去第二隊啦，可以射你！」
「Well，係假民主社會，好似你無得被唔揀個喎！」況且，你捨得射我咩？我咁好人，哈哈哈哈......
又話說有人著裙黎玩，著裙喎！好野，吹你唔脹，包你唔長。仲要當對手無到，不停響前線飄來飄去，好有俏女幽魂feel，當然，我直覺話我聽，佢內心深處係好想大家一齊射爆佢既，可惜技術問題，滿足唔到佢。咁啦，下次我嘗試唔揀你入我個隊，應該可以滿足下你既。
再話說，有人放長假黎玩，我不知幾高興，人仔細細，不知幾冷靜淡定，野野同你瞄準個「五筒」分牌黎射，懶理d人射佢，簡直就同Sophia一樣，視對手為無物！當然，仲有最後一擊個下超電影海報版既英姿，贏晒！
至於一直嚷住要同我一隊既唔想成日都輸果個，成隻老鼠仔咁鼠黎鼠去，甚少俾人射中，亦甚少射中分數，兼上箭上成半分鐘，好論盡呀！響場外睇既話係精彩好多，唔怪得善良的箭神成晚爭住住響場外睇戲，再突然爆句「Emma，你走光呀！」，成功呃到人地，成為全晚金句！
至於男隊友們一樣神勇，好一場三對四既全男戰，雖則我地人少，但人少無問題，好快俾我地一一射低三件，射剩一個俾我地折磨....
「咪俾佢死住呀，折磨到夠鐘為止！」
實在好大快人心！哇哈哈哈哈哈.....
至於成日想當我係標靶既敵對隊員，我就留返俾 U 隊長形容啦，費事一陣佢話我寫晒佢無野寫！
最後，雖然輸贏唔重要，但贏左既我地，點都要晒下命既，仲想射我報仇？下次早d報名啦，哇哈哈哈哈哈哈.....
本主題由 Dr. 於 2020-8-5 01:38 移動
-
dawn 發表於 2016-2-28 22:47
隱肉負重？唔係忍慾負重咩？
佢又肥返，當然係要隱肉啦，重左磅仲唔要負重？ -
Dr. 發表於 2016-2-26 03:24
你問個陣我未出正式通知嘛，時間問題啫，不過咁大細超呢家野我不嬲都認既，不過大細超呢家野係無定 ...
覆甘大段解釋... 身有 c 甘... -
隱肉負重？唔係忍慾負重咩？
茶餐廳又點？香港好多美食都係茶餐廳嘢嚟架。。。個間仲有羅漢果飲，真係茶餐廳中 ge 典堂級啦, i like it...
善良的箭係唔捨得射任何人架，唔係點會叫善良的箭呀？
-
Dr. 發表於 2016-2-26 14:45
你呢個覺覺豬都豬好耐喎!!!
因為發左個甜夢，唔想醒。 -
ulrich 發表於 2016-2-27 11:08
遊戲比想像中好玩....可能係因為大家完全未接觸過！我覺得如果每人有個箭袋代替執箭會更high~
估唔到班女 ...
嗯，我都覺得可以規則上多D變化，應該會仲好玩!!! -
遊戲比想像中好玩....可能係因為大家完全未接觸過！我覺得如果每人有個箭袋代替執箭會更high~
估唔到班女仔都玩得開心，就算俾射死都無憾囉⋯⋯ -
將軍 發表於 2016-2-26 16:25
Sophia說:我行出去引敵人射我..然後妳就趁機背後暗戰!明唔明?
明...可惜敵方太靈活,將軍射唔到人惟有對住 ...
場面真係好感人...... 嘿嘿嘿嘿咁你個衰鬼最後個野又係幾型既 (我咁奄尖都咁覺得)！
我都即時拍爛手掌啦，差在當時無啦啦隊花球咋，否則一定一個大空翻加一字馬落地慶祝！
-
Sophia說:我行出去引敵人射我..然後妳就趁機背後暗戰!明唔明?
明...可惜敵方太靈活,將軍射唔到人惟有對住個五筒射,好彩仲有個勢呃得下人 -
henry7897 發表於 2016-2-26 14:13
唔係瓜就菜喇，去就係玩姐，唔玩做咩
響SBC仲會做咩都仲要問??? -
wai 發表於 2016-2-26 10:34
我不死也為活得好~
響我地三人幫手上，你點止活得更好?!?! 嘿嘿嘿...... -
dawn 發表於 2016-2-26 01:42
射你就一定想啦，睇下射咩 ge 啫...
覺覺朱啦，遲啲再比個詳細回覆。
你呢個覺覺豬都豬好耐喎!!! -
Emma 發表於 2016-2-26 14:41
人人為我，我為人人，係我精神
又係重要說話講兩次呀??? -
Emma 發表於 2016-2-26 09:39
你開到口要射我，我好辛苦甘避開其他人d箭，仲要用俄羅斯特工蛇喱眼掃描大法identify你支箭，再飛身撲埋 ...
有那麼一刻睇完你回覆，覺得你好偉大......哈哈哈哈哈哈哈哈哈哈 -
Dr. 發表於 2016-2-26 03:14
唔係丫嘛？咪玩啦老細！
唔係瓜就菜喇，去就係玩姐，唔玩做咩 -
我不死
也為活得好~ -
Emma 發表於 2016-2-26 02:17
大細超，我問就叫我食自己，女神mimi問就吹鷄
你問個陣我未出正式通知嘛，時間問題啫，不過咁大細超呢家野我不嬲都認既，不過大細超呢家野係無定向間歇性大腦機能轉換變壓擴張過敏症候群，我都唔能夠實際掌握到或者預測到。所以，你要繼續keep住提我呀，想打爆我既呢件朋友仔！ -
henry7897 發表於 2016-2-26 01:55
你個目標禁大禁易見到好難唔射你喎
唔係丫嘛？咪玩啦老細！ -
dawn 發表於 2016-2-26 01:42
射你就一定想啦，睇下射咩 ge 啫...
覺覺朱啦，遲啲再比個詳細回覆。
慢覆出長貨，不過唔駛急，最緊要快！ -
你個目標禁大禁易見到好難唔射你喎