(一)鮑一線旅行社---小學雞「揾丁」旅行團 (出發篇)
-
大家仲記得小學去旅行係點架？
查實我唔係好記得係點......但印象好似係一班雞仔嘻嘻哈哈咩都唔駛諗，跟住老師去到目的地，然後玩到阿媽係邊個都唔知，然後好快又話走啦咁囉！
鮑一線旅行社成立已久，為答謝一班經常樂意被賣豬仔嘅會員甲乙丙，我鮑一線決定，同大家揾埋阿丁一齊黎返次徹底嘅「小學雞揾丁之旅」！
鑑於鮑某知道大家公務繁忙，早兩個月前已經將是次旅行公佈，知我慣常做法嘅人都知，俾咁長時間通知並唔係我嘅習慣，但係為左經常忙過香港首富嘅會員們可以提早安排.........原來，我又證實我一直嘅做法係正確嘅，時間呢家野就到就係就到，就唔到，有幾早通知都係無用！啦，大家第時咪成日話我咁遲通知呀！(舖定條路先，嘿嘿嘿嘿....)
今次並唔係本旅行社第一次衝出香港，但係第一次要搭飛機(寫完呢句，聽起上黎好似大鄉里出城咁)。
出外旅遊，最擔心就梗係大家安全啦，一架七人車坐得晒嘅人數其實對我黎講係最理想。
是次目的地其實首選泰國，不過有條荗利話台灣先有藉口去，咁所以多左個選舉俾大家揀。最後不記名投票結果係台灣，所以旅行團少左兩個人，唔可惜嘅，來日方長，下次囉。但最吹脹嘅係，話去台灣條荗利，係截止日期同我講：「我聽日先答到你....」而結果，遲左兩日答我：「你攪左其他人先，我黎到自己買機票啦。」
唔好睇少呢兩日，就係呢兩日，原本港龍變左中華、原本揀好嘅民宿無左，第二選擇可租兩日變得一日。我容許條荗利拖兩日，責任在我，不過，呢條荗利我係唔會放過佢嘅！
多得今次係揾丁旅行團，班團友參加得，擺明預左俾我揾丁，所以之後一切安排都好順暢。
「小姐，需要叫醒服務嗎？」
「一早醒左啦~~~」「先生，需要叫醒服務嗎？」
「依家先叫死得個囉喎！」就係咁，大家一早好準時咁到達。
我同Candy響遠處(柱)見到有條友好玉樹臨風咁45度斜挨落碌柱度。
「佢咩料呀？」Candy爆左句。
「好明顯係要吸引響佢旁邊個阿姐啦！」行到埋去，一早黎到都仲講緊公事嘅Sophia都黎埋，就係呢個moment，俾阿虎吸引左嘅阿姐要爆啦，阿姐行左埋黎阿虎後面，舉起左雙手，伸向阿虎背脊方向....阿虎轉個頭，好不屑咁斜視左阿姐一眼。
阿姐唔係要摸佢，而係放個手拖喼上去個我地大家都以為唔會有人用嘅行李尺寸架個度量下佢個手拖喼，佢左放右放都係凸左個碌出黎，我地幾個用好奇異嘅目光睥左佢一陣，阿虎把唔收嘅口終於忍唔住....
「XXXXXXXXXXXX」(麻煩當事人填返幾十字內容上去)
最攪笑係阿虎響QueenB出現埋之後仲係度大大聲咁恥笑阿姐，誰不知，原來阿姐仲企響佢後面！
我地當然梗係即時彈開晒扮路人啦！見到阿虎好冏個樣成為左旅程嘅第一個笑點。
因為早一日已經幫大家做晒online check-in 同準備埋boarding pass，所以無咩要攪。正當我話去食早餐嘅時候，Sophia話要寄行李，個一刻死人阿虎又笑左！Sophia，你拖個喼係絕對啱嘅選擇，如果唔係最後d酒點攞返黎呀，有見地！嘿嘿.....
查實機場翠華真係好難食架，下次都係老麥或者Popeye算罷啦，起碼唔會差太遠。
過左關之後，去到閘口，雨就開始落，黃轉紅，紅轉黑，轉到最後連閘口都轉埋。
「咪玩啦，起飛先黎雷暴警告？」
結果，我地上左機等左個幾兩個鐘，戲都睇左一套先至起飛，出發啦！
本主題由 Dr. 於 2020-8-5 00:45 移動
本帖子中包含更多資源
您需要 登錄 才可以下載或查看，沒有帳號？註冊 Registerx
-
花木九里虎 發表於 2015-6-1 22:42
a, 你沉醉於溫柔鄉中老豆姓咩都唔知
b, 你飲得太多士多啤梨啤酒
c, 敲門聲嚇到你失咗憶
敲玻璃聲嚇親Candy啫，我個胃飽到頂住，都無閒去理d敲玻璃聲！ -
花木九里虎 發表於 2015-6-1 22:42
a, 你沉醉於溫柔鄉中老豆姓咩都唔知
b, 你飲得太多士多啤梨啤酒
c, 敲門聲嚇到你失咗憶
好波 -
花木九里虎 發表於 2015-6-1 22:42
a, 你沉醉於溫柔鄉中老豆姓咩都唔知
b, 你飲得太多士多啤梨啤酒
c, 敲門聲嚇到你失咗憶 -
花木九里虎 發表於 2015-6-1 04:19
個阿嬸真係好爆,冇得唔笑架真係…
Btw xxxxxx係咩黎？我完全無印象wor
同埋我有取笑過Sophia 咩？無wor( ...
講開又講，你有d hashtag我都唔知點解無響我腦海出現過，係咪我miss左d咩野？ -
Dr. 發表於 2015-6-1 17:41
已經有D唔記得跟住發生咩嚐
哈....睇黎我D記性差傳染左WO! -
Giroro 發表於 2015-6-1 13:00
好好玩! 好好笑!等你下回既分享
已經有D唔記得跟住發生咩嚐 -
Mandy 發表於 2015-5-31 23:40
睇唔到，聽唔到，我乜都唔知~
乖 -
花木九里虎 發表於 2015-6-1 04:19
個阿嬸真係好爆,冇得唔笑架真係…
Btw xxxxxx係咩黎？我完全無印象wor
同埋我有取笑過Sophia 咩？無wor( ...
查實你講左一大堆我都唔記得係咩!!! -
好好玩! 好好笑!
等你下回既分享
-
Dr. 發表於 2015-5-31 22:43
你絕對無錯過任何野，無，無，真係無
睇唔到，聽唔到，我乜都唔知~ -
Dr. 發表於 2015-5-31 22:42
你有咩眉目呀？
啊唐d hashtag... -
Dr. 發表於 2015-5-31 22:51
我鍾意睇咸古多d！
哈哈咸古唔係個個寫得好睇 -
Dr. 發表於 2015-5-31 22:45
咁你真係要等等，等我執返d記憶返黎先！
好啦 哈哈哈
咁等住其他團友update先啦∼ -
luis 發表於 2015-5-31 22:37
支持 我鍾意睇人寫遊記
我鍾意睇咸古多d！ -
SuperMario o 2015-5-31 21:22
U^hz
咁你真係要等等，等我執返d記憶返黎先！ -
Mandy 發表於 2015-5-31 20:47
笑C我…… 睇嚟我錯過咗好多野……
你絕對無錯過任何野，無，無，真係無 -
imouse 發表於 2015-5-31 19:52
仲於有d眉目...等你finish it...
你有咩眉目呀？ -
支持 我鍾意睇人寫遊記
-
等下回更多爆笑趣事 哈哈哈
