Yo圍便Yo芝 (完)
-
平日射波去唱noon k？傻的嗎？阿水得閒睬你呀？
你咪理，你唔射波，唔代表其他人唔會射！
講開「射波」，我真係可以做代言人，話說想當年未畢業已經有人請，出黎第一份工都叫做好有熱誠，好少會射波，年幾後我發覺用吸星大法已經將個老細既技倆吸得一乾二淨，覺得無咩好野再可以響佢身上學到之後（係，想當年我係個非常咁自負既死靚仔），好自然就去揾d新挑戰。
第二份工就不得了啦，發掘到連我自己都唔知道既領域，不但上手快，仲變埋同期上位最快，最有bargaining power既死靚仔。萬千寵愛在一身既我，只要無 job 無 appointment 既日子，我就基本上可以射波！
射波當然需要夠「把砲」啦；
第一，工作上係人需要我，唔係我需要人；
第二，需要有好既人際關係（即係肯同你同流合污個班人）；
第三，要有肯俾你引誘到一齊射波既一班朋友。好好彩，我以上三項條件都有齊，射波變成家常便飯。
射波去南華會碌靈；射波去淺水灣晒太陽游水；射波去離島影相遠足；射波去打網球；射波去拍拖行街睇戲；射波去西貢食海鮮；射波去曳曳；當然唔少得，射波去唱K！見大家成日話唱K，咁啱今次場地要成四點後先check in到，早場攪唔到，咁不如就唱K啦！講真，我都無把握有無人會好似我當年咁鬼串，話射波就射波，不過，唔試又點知唔得呢？正所謂「有危便有機」！出個活動都驚，仲駛做人既！
結果........SBC有吉屎同傻既人都唔少！
奉天承運皇帝，詔曰：
以下各人因表現異常突出，將被封以「吉屎俠」尊稱。- 永遠唱歌我都聽唔出首原唱其實係點既Franky；
- 無人估到唱歌同佢扯得上關係既SamL；
- 一唱K就會唱到上晒身既U仔；
- 竟然唱K會怕醜到用個cushion摭住自己扮幕後代唱既Pikachu；
- 唱K個幾篇動後感相隔左咁春耐都仲經常有留言，唱K又點可能少得佢既Giroro；
- 去開會前都蛇過黎，我仲以為佢真係走去點汪明荃d歌，今次真係堅唔會嬲既Babe；
- 堅比我仲要心野，仲要貪玩，一味話射唔到波，結果朝早同我講，用緊金馬影后級演技扮病，仲要第三個到既邪惡軸心成員Shiba；
- 仲有容祖兒李克勤粉絲，有K唔預佢會堅嬲你既壽星女Candy；
- 當然，仲有查實近年真係甚少去唱K既過氣射波王鮑一線！
到底唱K有咩好寫呢？遲下話你聽！
********** 續 **********
心諗：「平日邊有咁多人唱Noon K丫.....」
就係因為有左個咁既概念，我膽粗粗諗住walk in咪得囉，誰不知.....
「Noon K唱到兩點九，$63起再加一，明白收費啦嗎先生....」
「我想唱到六點喎，可以點安排？」
「要先埋左單，然後再計過......不過今日好多booking，未必有房....」
「吓~~~咁我依家book埋得唔得？」
「你無打黎book應該無房架啦，到時有房先俾到你。」
「吓，依家book唔得咩？」
「都話今日booking好多咯....」
「咁我wait list咪得囉，我費事唱兩野就要走喎！」
「我真係幫唔到你。」我心諗金翅扑街鳥。
入左房就發信息俾班K蟲，然後就即刻諗定Plan B。
「知道附近最近仲有邊間呀？」
「你試下打去呢間啦....」
「我想book今日三點....」
「留貴姓....電話？好，一陣見。」呢d服務態度先似樣架嘛！Book好左之後，越諗越唔妥，無奶油唱唱下要轉場咁band seven架，於是，我出動我既蝙蝠電話，打返黎同一間試下book房。
「喂，我想book今日三點....」
「留貴姓....電話？$89人頭費再加一，包兩杯飲品，收費清楚無問題？好，咁一陣見。」一放低電話，我已經扯扯地(當然唔係旗啦)，又話爆到九彩，現場同你訂又話幫我唔到，換個電話卡打黎又訂到，咩思考邏輯呀？
續
攪掂唔駛轉場，即係輕鬆晒！見未有人，梗係點返幾首歌黎唱住等啦。唱左幾首歌之後，第二個到嘅竟然係事後俾人稱為「伴唱王」既Franky。我絕對有理由相信佢平時梗係細細聲唱歌俾自己聽個隻人，如果唔係，應該唔會成日唱極都係同一個調！
講到呢度，要讚下lunch menu個焗飯！
第三個到既係臨時決定射波既邪惡軸心成員Shiba，今次佢唱歌同對上一次好似兩個人一樣！係咪射波黎唱歌特別興奮呢吓？嘿嘿嘿....
第四個又係臨時決定黎偷雞一陣既汪女神！佢問我汪明荃有咩歌既時候，我真係以為你會去點首華麗轉身！
一向賣開肉既SamL第五個到。
「哇~~~竟然係你？」
「點解唔可以係我？」
「真係估你唔到.....」賣肉都識唱歌是常識吧！隻死佬又唱得幾好聽喎。
第六個到既係壽星女Candy。
「有無野食架？」
「快d點埋餐先啦！」果然係目標為本，noon k 本來就係為左食晏，順便唱埋K而設架嘛！
「係咪免費架？」
「埋左呢張單，再開下張單先同佢講啦。」生日唱K免人頭費也是常識吧，不過係咪可以一日免幾次我就真係唔知喎！
Noon K完要埋單換房，換完房又黎唱過！
Pikachu第七個到。一入黎就知你餓到傻左，拿拿聲點個餐先啦！食飽左先可以開心唱K架嘛！
有K有佢呢d咁義氣仔女既說話都講得出既Giroro第八個到達，呢個怕熱既女人竟然同一款風扇買兩把！
「你又買左把新既？你上次留低個把仲響我度喎！」
「咁熱，點可能唔買多把，會熱死架~~~」最遲到既就係你，係你呀，U！I am talking to U！不過你到我就要去check in，無眼睇你！
Check in完返黎，仲有排唱，不過等極都未有得唱揀左個幾首medley........嗚嗚嗚~~~
Noon K好邪惡，個個唱到唔願走，咪咁啦，下次再唱過啦！
本主題由 Dr. 於 2020-8-5 00:50 移動
-
Giroro 發表於 2015-7-2 16:17
我點會無唱丫!你行開左D舊歌就來.我真係要多謝"伴唱王"我先有機會唱到咋..
伴唱王.....哈哈哈哈 -
可惜我射波技術未夠出神入化！
-
Giroro 發表於 2015-7-2 16:19
比比,你太歉了!你其實真係唱得好好架!
好呀,,,下次要真係開開心心咁放開去唱^皿^ -
pikachu 發表於 2015-7-1 21:06
我真係驚獻醜，成日走音== 話說大家都深藏不露，唱得勁好(*
比比,你太歉了!你其實真係唱得好好架!
下次同你合唱過
-
Dr. 發表於 2015-7-2 14:34
咁你做咩唔點舊合唱歌？我都唔見你有唱！
我點會無唱丫!你行開左D舊歌就來.我真係要多謝"伴唱王"我先有機會唱到咋..
-
Dr. 發表於 2015-7-2 14:41
你咪玩到上身呀！
不敢... 不敢.... -
niccolo 發表於 2015-7-2 13:44
究竟咩係Yo圍便Yo芝呀?
慶祝回歸梗係用煲冬瓜啦！ -
ulrich 發表於 2015-7-2 11:52
師傅... 我幾時又上身先?
你咪玩到上身呀！ -
Giroro 發表於 2015-7-2 09:07
DR. 真係射波橕你架!講過有K 有我, 又點少得我出現呢?
咁你做咩唔點舊合唱歌？我都唔見你有唱！ -
pikachu 發表於 2015-7-1 21:06
我真係驚獻醜，成日走音== 話說大家都深藏不露，唱得勁好(*
你攞起個cushion個一刻，真係好攪笑！ -
samL 發表於 2015-7-1 17:46
點解唱歌同我扯吾上關係呢？
你賣肉唔係賣唱架嘛！ -
Shiba 發表於 2015-7-1 13:12
我係：堅心野勁貪玩
撐完仲要炸我，果然邪惡！ -
究竟咩係Yo圍便Yo芝呀?
-
kky 發表於 2015-7-1 16:12
鐘意呢個“武則shi”~ 好彩都同你有一面之緣……emmmmmuahhh~
下次你都射波嚟唱啦... -
師傅... 我幾時又上身先?
-
pikachu 發表於 2015-7-1 21:06
我真係驚獻醜，成日走音== 話說大家都深藏不露，唱得勁好(*
比比你都唱得唔錯丫.... -
Shiba 發表於 2015-7-1 13:12
我係：堅心野勁貪玩
呢個名我堅LIKE.... [武則SHI] -
DR. 真係射波橕你架!
講過有K 有我, 又點少得我出現呢?
雖然我只識唱舊到喊既歌, 但唱K 真係好開心架WO!
-
yoyo 發表於 2015-7-1 18:13
Dr.你係咪掛住我掛到打埋我個名上標題
知就好啦！